کوردی           عربی

شۆڕشی رۆژئاوا (هوانگ لی) لەچینەوە گەیاندە رەقا‌

03/04/2017

Wednesday‌


هەر لەسەرەتایی شۆڕشی رۆژئاوادا بەسەدان شۆڕشگێڕی ئەنتەر ناسیۆنال لەزۆرێك لەوڵاتانی دوونیاوە پەوەستبوونی خۆیان بە شۆڕشی رۆژئاواوە راگەیاند و تا ئێستا چەندان گەنجی ئەنتەر ناسیۆنال لەنێو ئەم شۆڕشەدا شەهید كەوتوون. هوانگ لی گەنجێكی چینیە و ماوەی دووساڵە لەنێو شۆڕشی رۆژئاوادا وەكو شەرڤانی یەپەگە لەنێو تێكۆشاندایە.  

هوانگ لی لەئێستادا لەچوارچێوەی هێزەكانی سوریایی دیموكراتدا لەهەڵمەتی توڕەی فوراتدا وەكو شەرڤانێكی بیانی بەشدارەو لەماوەی دووساڵی رابردووشدا لەزۆرێك لەشەڕەكاندا لەبەرەكانی پێشەوەی شەڕ بوە.
هوانگ لی چینی سەبارەت بەبەشداریكردنی لەنێو شۆڕشدا:"لە ڕۆژئاوا هەموو كەس ژیانی یەكسان و هاوبەشیان هەیە، ئێرە دەستكەوتی زۆر گەورەی بۆ مرۆڤایەتی تێدایە، بۆ ئەوەی شۆڕشگێرانە بژیم هاتووم بۆ ڕۆژئاوا".

هوانگ لی ناسراو بە سیپان تەمەنی ٢٥ ساڵە و لە بەشی سیاسەتی زانكۆی مەنچستەری بەریتانیا خوێندوویەتی، خوێندنەكەی بەجێهێشتووەو بەشداری ڕیزەكانی شەڕڤانان بووە، سیپان دەڵێت، كە نەیویستووە تەنیا لە ڕێگای هەواڵەكانەوە شۆڕشی ڕۆژئاوا بناسێت و بە پێویستی زانیوە لە ڕووی پراكتیكەوە بەشداری ئەو شۆڕشە بێت.

ئەو شەڕڤانە چینیە كە ئێستا یەكێكە لەشەرڤانی ژوری ئۆپەراسیۆنەكانی فورات بۆ ئازادكردنی رەقا و دەوروبەری دەربارەی ئۆپەراسیۆنی شەرڤانان بۆ ئازادكردنی تەبقە دەڵێت:"لە ئۆپەراسیۆنی ڕزگاركردنی تەبقادا كوردو عەرەب و توركمان شان بە شانی یەك شەڕدەكەن، شۆڕشی ڕۆژئاوا گەلانێكی لە دەوری یەك كۆكردووەتەوە كە بەدرێژەی مێژوو شەڕیان كردووە بەیەكەوە، شەڕڤانان لە هەموو شوێنەكانی جیهانەوە بەشداری ڕیزەكانی هێزەكانی سوریای دیموكراتی- قەسەدە دەبن".

سیپان بەم شێوەیە درێژە بە قسەكانی دەدا:"ئەو كاتەی هاتم بۆڕۆژئاوا ڕۆژنامە و ڕاگەیاندنەكانی توركیا هەواڵیان لەبارەوە دروستكردم، ئەوان منیان بە تیرۆریست ناوزەدكرد، بەڵام من پێیان دەڵێم،  ئەگەر من تیرۆریست بوومایە خەڵكی ئێرە بەم شێوەیە پێشوازیان نەدەكردم، خەڵكی ئێرە لەناو ئاشتیدا دەژین، كاتێك دەچمە سەر شەقام و كۆڵانەكان خەڵك لە دەورم كۆدەبنەوەو بە گەرمی قسەم لەگەڵ دەكەن، من بەمە زۆر خوشحاڵ دەبم".

سیپان لەكۆتایی قسەكانیدا وتی:"ڕەقە ناوەندی ئێشوئازارەكانی هەموو گەلانە كە بەدەست داعشەوەیە، بۆ كۆتاییهێنان بە ئێشوئازارەكانی خەڵكی سوریا پێویستە ڕەقە ڕزگاربكەین، من دوو ساڵە لێرەم و تا كاتێك شۆڕش بەردەوام بێت لێرە دەمێنمەوە".


چه‌ند هه‌واڵكی تر

‌ڕاستینەی ئیسلام لە دیدی ئۆجالان...

‌نێچیرڤان بارزانی ڕاستدەکات هەموو شتێ خەتای پەکەکەیە.!...

‌هاتنی تورکیا بۆ قه‌ندیل خیانه‌تیک به‌تامی31ئاب...

‌منبیج، کشانەوەی هێزە کوردییەکان بۆچی؟ ئامانج و پلانەکانی تورکیا چین؟...

‌داپڵۆساندنی کۆمه‌ڵگه‌... له‌ که‌سایه‌تی گه‌نجدا...

‌ئەوکاتەی شۆڕش دەبێتە پارە!...

‌هەڵوێستەیەک لەسەر بزوتنەوەی گۆڕان...

‌مێژوو جارێکیتر مەیلی خۆ دوبارەکردنەوەی هەیە!...

‌عەفرین لەنێوان پشتگیری و دژایەتیدا...

‌گەنجان و حیزب...

‌بۆچی لەم کاتەدا ڕیفراندۆم؟ ...

‌گۆڕینی ڕۆژەڤ "بابه‌ت"...

123
په‌ڕه‌یله‌ 3
ژماره‌ی بابه‌ت

كه‌ش و هه‌وا

فەیسبووك