کوردی           عربی

هاوڕێ جەبار:ئەنفال بۆ سڕینەوەی ناسنامەی گەلی کورد بوو‌

11/04/2017

Wednesday‌


سازدانی: به‌رهه‌م له‌تیف

هاوسەرۆکی هەرێمی گەرمیانی تەڤگەری ئازادی کۆمەڵگەی کوردستان دەڵێت، ئامانجی ڕژێمی بەعس لە ئەنفالی گەلی کورد بۆ سڕینەوەی ناسنامەی گەلی کورد، پێیشی وایە:"تەنها شتێک کە بتوانێت کە پێش بە مەترسییەکانی سەر گەلی کورد بگرێت کۆنگرەی نەتەوەییە".

لەچاوپێکەوتنێکیدا لەگەڵ ماڵپەڕی تەڤگەری ئازادی، هاوڕێ جەبار هاوسەرۆکی هەرێمی گەرمیانی تەڤگەری ئازادی کۆمەڵگەی کوردستان، باس لە هۆکار و ئامانجەکانی جینۆسایدی ئەنفال دەکات لەلایەن ڕژێمی بەعسەوە و دیدی تەڤگەری ئازادیش بۆ ئەنفال دەخاتەڕوو.

دەقی چاوپێکەوتنەکە:

- پەیامی ئێوە لە ٢٩ هەمین ساڵیادی ئەنفال چییە؟

هاوڕێ جەبار:لە ٢٩ هەمین ساڵیادی تاوانی ئەنفال-دا کە تاوانێکی گەورە بوو دەرهەق بە گەلی کورد ئەنجامدرا، جێگای خۆیەتی شەرمەزاری بکەین، وە داوای هەڵوێست بکه‌ین لە لایەنەکان بۆ دووبارە نەبوونەوەی تاوانی بەو ڕەنگە.

- بە بۆچوونی ئێوە ئامانجی ڕژێمی بەعس لە ئەنفال چی بوو؟

هاوڕێ جەبار: ئەنفال تاوانێکی زۆر گەورە بوو دەرهەق بە گەلی کورد، ئامانجی ڕژێمی بەعسی ڕووخاویش، لەناوبردنی گەلی کورد بوو، سڕینەوەی ناسنامەی گەلی کورد بوو، لەناوبردنی ئیرادەی گەلی کورد، بۆ ئەمەش لەساڵی ١٩٨٨ تاوانی ئەنفالی دەستپێکرد، کە ئەم تاوانەش بە هەشت قۆناغ لە کات و شوێنی جیادا ئەنجامدرا، لە ئەنجامیدا تێکڕا ١٨٢ هەزار کوردی بێتاوان بەزیندووی زیندەبەچاڵ کران.

- دیدی تەڤگەری ئازادی چییە لەسەر ئەنفال؟

هاوڕێ جەبار: ئەنفال تەنها ئەوە نییە بڵێن جینۆسایدێک بووە کراوە و کۆتای پێهاتووە، ئەگەر سەیری ڕەوشی ئێستا بکەین، دەبینین  ئەنفال درێژەیشی هەبووە و هەیە، کیمیابارانی هەڵەبجە ڕوویدا، ئەنفالی ناوچەی بارزان ڕوویدا، کارەساتی شەنگال ڕوویدا، ئەویش هەمان جینۆسایدن کە دەرهەق بە گەلەکەمان دەکرێت، ئێمە بەدووری نازانین ئەنفالێکی تر و شەنگالێکی تر و هەڵەبجەیەکی تر دووبارە ببێتەوە، لە باشور یان لە ڕۆژئاوای کوردستان، یان لە هەر پارچەیەکی دیکەی کوردستان دووبارە ببێتەوە، تاکە شتێکیش کە سنور دابنێت بۆ ئەو تاوانانەی کە دژ بە ئێمە دەکرێت، یەکێتی نەتەوەییە و هاتنە لای یەکی هێزە کوردییەکانە، کە دەتوانێت پێش بەم مەترسیانەی سەر گەلی کورد بگرێت، بەدیدی ئێمە ئەم مەترسییانە کۆتایی نەهاتووە.

- بەبڕوای ئێوە، تا چەند حکومەتی هەرێم توانیویەتی کەیسی ئەنفال بەرەو پێشەوە ببات؟

هاوڕێ جەبار:وەکو ڕەخنەیەکی جددی لەسەر دەسەڵاتدارانی باشوری کوردستان و حکومەتی هەرێم، دوای ٢٩ ساڵ تاوەکو ئیستا نەیان توانیوە جینۆسایدی ئەنفال لە ئاستی نێودەوڵەتیدا بەفەرمی بناسێندرێت، لە ئاست گەورەی تاوانەکە ئیش و کاری بۆ نەکراوە، بەداخەوە تاوانێکی وا گەورە کە ١٨٢ هەزار کەس بوونەتە قوربانی، ئەو ئیشەی بۆ نەکراوە کە لە ئاستی نێودەوڵەتیدا بە جینۆساید بناسێنرێت.

- پێویستە چی بکرێت بۆ بەجینۆساید ناساندی تاوانی ئەنفال؟

هاوڕێ جەبار:ئەرکە لەسەر دەسەڵاتدارانی باشوری کوردستان، لەڕووی نێودەوڵەتییەوە چی لە نەتەوە یەکگرتووەکانەوە بێت یان لە پەڕلەمانی ئەوروپا بێت، ئەمان کە نوێنەرایەتییان لە وڵاتانی دەرەوە هەیە و کۆنسوڵخانەی وڵاتان لە هەرێمی کوردستان هەیە، یاخود دادگای لاهای ،وەک ساڵانی نەوەدەکان نییە کە کرانەوە نەبێت، دەستی خۆیان بگەیەننە ئەو شوێنانە و تاوانی ئەنفال باس بکەن و بەجددی لەسەری ڕابووەستن، پێم وایە دەتوانرێت ئیشی بۆ بکرێت.

- لە ٢٩ هەمین ساڵیادی ئەنفالدا، وەک ئەنجومەنی هەرێمی گەرمیانی تەڤگەری ئازادی چالاکیتان چی دەبێت؟

هاوڕێ جەبار:ئێمە خۆمان بۆ ئەنجامدانی چالاکی لەو یادەدا ئامادە کردووە، لەوچوارچیوەیەشدا ئێمە پلاننامەیەکمان داناوە بۆ ڕۆژی  ١٤-٤، لەو ڕۆژەدا ئێمە بە ڕێپێوان لەسەر شەقامی مەزاری دێبنەوە تاوەکو سەر مەزارەکە بە ڕێپێوان دەچین، هەرێمەکانی شارەزوور، کەرکوک و سلێمانی-شمان دەعوەت کردووە، وە هەوڵ دەدەین لایەنە سیاسییەکانی پارچەکانی دیکەش دەعوەت بکەین بۆ بەشداریکردن لەو یادە، لەگەڵ لایەنی پەیوەندیداریش لە کەلار کە بە کردنەوەی یادی ئەنفال هەستاون، لە پەیوەندیداین بۆ ئەوەی شێواز و ڕێ و ڕێبازی یادەکە چۆنە، بۆ ئەوەی ئێمەش بتوانین بەشداری ناو چالاکی گشتیی ببین.


چه‌ند هه‌واڵكی تر

‌كەجەكە: چالاکییەکانمان لە ناو تورکیادا چڕ دەکەینەوە...

‌زه‌هرا یوسف: ژنانی ئێزیدی بوونه‌ته‌ نمونه‌ بۆ ژنانی ئێراق و كوردستان...

‌محه‌مه‌د عه‌بدوڵا: ئه‌وانه‌ی پڕوپاگه‌نده‌ی ریفڕاندۆم ده‌كه‌ن بۆخۆیان ن...

‌بایك:گەنجانی باشور بەبەشداربوونیان بۆناو پەكەكە وەڵامی كۆمەڵكوژی هەولێ...

‌حه‌سه‌ن جودی: ئه‌وه‌ی له‌شه‌نگال ده‌گوزه‌رێ كورتكراوه‌ی شه‌ڕێكی جیهانی...

‌سنور کەریم: باشوور لەژێر هەیمەنەی وڵاتانی دەرەکی و ئیقلیمیدا بەڕێوە ...

‌محه‌مه‌د عه‌بدوڵڵا؛ له‌ئێستادا هاوپه‌یمانییه‌ك له‌سه‌ر بنه‌مای ی...

‌لوقمان حه‌سه‌ن: "كێشه‌ی حیزبه‌كان ته‌نها ده‌سه‌ڵاته‌"...

‌"AKP لە باكور و PDK لەباشوور دژایەتی بەرژەوەندییەكانی گەلی كورد دەكەن ...

‌شیلان شاکر: کێشه‌ ئه‌قڵیه‌تێکه‌ باوه‌ڕی به‌وه‌ نیه‌ که‌ ده‌سه‌ڵات‌ ته‌...

‌عەدنان کەریم: گەریلا، شەڕڤان و پێشمەرگە چاو و رۆحی منن...

‌عه‌لى هه‌ڵۆ : ده‌بێت په‌رله‌مان کاربکات له‌سه‌ر ده‌رخستنى ناوى PKK له‌...

12
په‌ڕه‌یله‌ 2
ژماره‌ی بابه‌ت

كه‌ش و هه‌وا

فەیسبووك