کوردی           عربی

گۆڕینی ڕۆژەڤ "بابه‌ت"‌

30/05/2017

Wednesday‌

په‌روێز ره‌فعه‌ت
هەندێک بابەت کە ڕۆژانە ڕودەدەن ئەبن بە ڕۆژەڤی کۆمەڵگە هەتا لە بازاڕ و لەناو کۆڵان و ماڵەکانیشدا ئەخرێنە نێو بابەتی گفتو گۆوە، بەڵکو هەندێک جار تاکە ڕۆژەڤێک تەواوی ڕۆژ یان هەفتە لە باسکردندایە. بێگومان لە پرۆسە(کردە)ی سیاسیشدا هەمان شت دەربازدارە و هامان شێوەیە. لەم کاتەدا کە ڕوداوە خۆڕسک و دەسکردەکان ڕودەدەن و دە بن بە ڕۆژەڤ بێگومان لە بەرژەوەندی چەند لایەنێکە هەمان شێوە لایەنیش هەیە کە ئەو ڕۆژەڤە لە بەرژەوەندی ئەودا نیە، چونکە زەڕبە لە بەرژەوەندی ئەو ئەدات یاخود دوای دەخات لە گەیشتن بە ئامانجەکەی، لێرەشدا ئەرکی ئەو ئەبێتە بنبڕ کردنی ئەو ڕۆژەڤە، یان گەر نەیتوانی، ئەوا ڕۆژەڤێکی دیکە دروست دەکات کە دەنگدانەوەیەکی زیاتری هەبێت، لەم کاتەیشدا ڕاگەیاندن ڕۆڵێکی بێ وێنە ئەگێڕێت، ئەتوانین بڵێین ڕۆڵی سەرەکی ئەگێڕێت. بۆ نمونە: هەر لەم ماوەیەدا چەند ڕوداوێک ڕویاندا و بە خێرایی بابەتی چەند شوقەیەک بون بە ڕۆژەڤ، هەموان دەزانین بەخشینەوەی خەیار لەلایەن بەرپرسێکەوە زیاتر بو بە ڕۆژەڤ، نەک ئەو شەڕەی کەلە دوز خورماتو کرا و برینداری لێ کەوتەوە و پێشمەرگەیەکیش ئێستا دیلە. 

نەک هەر ئەوە بەڵکو لەم ماوەیەدا خوێندنەوەیەکی گرنگمان نەبینی لە سەر ئەو شەڕە، بێ گومان ئەو شەڕە خوێندنەوەیەکی زۆر هەڵ ئەگرێت، وەک گرنگی ناوچەی گەرمیان هەم بۆ داعش هەم بۆ حەشدی شەعبی و هەم بۆ لایەنە کوردیەکانیش. دیسانیش بە دروست کردنی ئەم جۆرە ڕەژەڤانە، کاریگەریان دروست کردوە لە سەر تاکی کۆمەڵگە، کە نەک خوێندنەوە بۆ ڕەوشی جیهان یان ڕۆژهەڵاتی ناوین نەکات، بەڵکو خوێندنەوەیەکی نیە بۆ پارچەیەکی دیکەی کوردستان. بێگومان لە هەرێمی کوردستانیش لایەنەکان دەستیان هەیە و دەسەڵات بە جۆرێک ڕۆژەڤەکان چەواشە ئەکات یان ڕۆژەڤی بێ بنەما دروست ئەکات، کە کۆمەڵگە بەتایبەتی گەنجان هیچ لێهوربونێکیان نیە، بۆ ئەو بابەتانەی کە ڕو ئەدات و ڕوداوەکان وەک خۆی وەر ئەگرێت بە بێ پەردە و بە سادەیی، هیچ خوێندنەوەیەکی جیاوازی نیە بۆ ڕۆژەڤەکان، بەداخەوە کە ڕەت کردنەوەی ڕۆژەڤیش زۆر بە کەمی باوە و ئەوەی کەڕودەدات تەنها ئەوە ئەبینرێت و خوێندنەوە بۆ ئەودیوی بابەتەکان ناکرێت.  

ئایا گەنجان دەتوانن خۆپاراستن یان بەرگری بکەن بەرامبەر ئەو ڕۆژەڤە بێ بنەما و ناکاریگەرانەدا؟ بێگومان بەڵێ، چونکە گەنجان ئەوەندەی موعاناتیان هەیە و ئەوەندە لەم هەرێمەدا گرفتی گەنجان هەیە، هیچ بابەتێکی تر هێندەی ڕەوشی گەنجان شایەنی لێکۆڵینەوە و پەنجە خستنەسەر نیە، پێویستە گەنجان بەرامبەر ڕۆژەڤی دروست کراو، ڕۆژەڤێک کە گرێدراوە بە ڕەوشی گەنجان و چارەسەری کێشەی گەنجانەوە وەک ئەڵتەرناتیڤێک بهێننە بەر باس و خواس و گفتوگۆی لەسەر بکەن. بەم شێوەیەش لایەنێک کە ڕۆژەڤی ساختە یان ڕۆژەڤی بێ بنەما دروست ئەکات، مایە پوچ ئەبێت، چونکی لە بەرامبەریدا گەنجی مارژیناڵ و پاسیف بونی نیە، گەنجی هۆشیار و خاوەن تێڕوانین و بیر کردنەوە هەیە.


چه‌ند هه‌واڵكی تر

‌ڕاستینەی ئیسلام لە دیدی ئۆجالان...

‌نێچیرڤان بارزانی ڕاستدەکات هەموو شتێ خەتای پەکەکەیە.!...

‌هاتنی تورکیا بۆ قه‌ندیل خیانه‌تیک به‌تامی31ئاب...

‌منبیج، کشانەوەی هێزە کوردییەکان بۆچی؟ ئامانج و پلانەکانی تورکیا چین؟...

‌داپڵۆساندنی کۆمه‌ڵگه‌... له‌ که‌سایه‌تی گه‌نجدا...

‌ئەوکاتەی شۆڕش دەبێتە پارە!...

‌هەڵوێستەیەک لەسەر بزوتنەوەی گۆڕان...

‌مێژوو جارێکیتر مەیلی خۆ دوبارەکردنەوەی هەیە!...

‌عەفرین لەنێوان پشتگیری و دژایەتیدا...

‌گەنجان و حیزب...

‌بۆچی لەم کاتەدا ڕیفراندۆم؟ ...

‌ژنانی گه‌نجی تێكۆشه‌ر؛ ئیدی بەسە بۆ کوشتن و توندوتیژی لەسەر ژنان...

123
په‌ڕه‌یله‌ 3
ژماره‌ی بابه‌ت

كه‌ش و هه‌وا

فەیسبووك