کوردی           عربی

با کۆنفیدڕالیزمی دیموکراتی بکەینە دروشم و بیدەین بەگوێی پاڵەوانەکانی فاشیزمی کوردایەتی‌

25/09/2017

Wednesday‌

سه‌ما محمد

هەرچەندە مرۆڤ بە ئازادی لەدایک دەبێ، بەڵام هەندێک مرۆڤ ئازادیی بۆخۆی ڕەوا نابینێ و ئەبێتە کۆیلەی پارەو دەسەڵات یان کۆیلەی نارسیزم و خۆپەرستی و هەموو شتێکی تەنها بۆخۆی ئەوێ و بیر لە هیچ کەس و هیچ شتێکی تر ناکاتەوە، ئیدی هەموو ژیانی ئەبێتە هەوڵدان لە پێناو خۆی و پەلاماردانی مافی کەسانی چوار دەور و ئێرەیی و گرنگی دان خۆشبەختیەکانی ژیانی خۆی  بەرچاوی تاریک ئەبێ و هیچ شتێک و هیچ کەسێکی تر نابینێ جگە لە خۆی، پاشان هەرکەس ڕەخنەی بکات یاخود بیەوێ ڕێگەچارەی بۆ دابنێ و هاوکاری بکات زۆر بە توندی بەرەنگار دەبێتەوە و قبوڵی ناکات، چونکە ئیدی ئەم جۆرە مرۆڤانە هەموو دەرگاکانی ژیانیان لەسەر خۆیان داخستوەو بە هیچ جۆرێک ناتوانن قبوڵی جڤاکی و پێکەوە ژیان ناکەن لە زانستی دەرون ناسیشدا کاتێ کەسێک زۆر ووشەی (من) یان (خۆم)ی دوبارە کردەوە ئەوە ئەوکەسە نەخۆشی دەرونی هەیە و پێویستی بە چارەسەری دەرونی هەیە، بەڵام ئەگەر هەروا بمێنێتەوە و چارەسەر نەکرێ ئەوە بێگومان سەرەنجامی پەراوێزخستن و کەوتنە سەرجادەیە لەلایەن هەمان کەسانی چوادەور و  ئەو کۆمەڵگه‌یەی کە ئەم بڕوای پێ نەبوو.   
لێرەدا پرسیارێک دێتە ئاراوە 
ئایا ئەم جۆرە مرۆڤانە بۆچی وان؟ 
چی ئەمانە دروست دەکات؟ 
بێگومان وەڵامەکە هەر ئەوەیە کە مرۆڤی ویژدان مردوی و داماڵراو لە ئیتیک و  ئیستاتیک  کە هەردەم ئامادەی تیایە کلکە لەقە و چڵکاوخۆری و کاسە لێسی بکات، بۆ کەسێکی ترو بیکات بەسەرداری خۆیو گەورەی بکات، لەهەر کات و سەردەمێک دا پاشان ئەم کەسانەش ئیدی ئۆتۆماتیکی گەورەیی و دەسەڵاتداری لە ناخیاندا چرۆ ئەکاو  دەبێتە کرمێکی خۆخۆری پیس و هەرگیز هیچ دەرمان و دەوایەک ئەم کرمەی پێ ناکوژرێ و هەرهەمان ئەم کرمە دەبێتە گەورەترین دیکتاتۆر و تۆتالیتار و بەزیهنیەتی هەژمونگەرایی و فاشیزمی و ناسێۆنالیزمی و راسیزمی و نارسیزمانەحوکم دەکات، کەهیچ پێکەوە ژیان و  کۆمەڵگەری و دیموکراتی و ڕای جیاوازو ڕەخنەیەک قبوڵ ناکات، جگە لە خۆی و هەمان دارو دەست و هەمان کۆیلەی کە خۆیان دروستیان کرد، هەمان ئەو کەسانەی کە فێری نانی دەرۆزەکەری بوون و ناتوانن بە سەربەرزی بژین ناتوانن بە ویژدانێکی زیندو ئیتیکەوە بژین ناشتوانن بە ئازادی بژین چونکە هەوای ئازادی وەک گازی دوەم ئۆکسیدی کاربۆن ئەیان خنکێنێ!  
باشترین نمونەش ئەم دەسەڵاتەی باشوری کوردستان و دوو حیزبی بنەماڵە و حیزبە بچوکە جوانکیلە خوێن شیرینە هاوپەیمانە کانیان و جەماوەرە شوێنکەوتە بە پارە کڕدراوەکان و کۆیلە کانیانە، کەلە سایەی سەردارەکانیانەوە وەکو کۆیلەیەکی شاهانە ژیان  دەکەن کۆیلەش هەر کۆیلەیە جا خزمەتی سوڵتان بکا یان وەزیر یان خزمی وەزیر  یان لایەنگریان بێت، چونکە کۆیلایەتی جۆری زۆرە  و بەرفراوانە.
لەکۆتایی هەر  مۆدێلێکی حوکمڕانی بەم جۆرەدا؛ سەرەنجامەکەی ئاشکرایە و هەرگیز هیچ دیکتاتۆرێک تاسەر نەبوە و سەرکەوتنی بەدەست نە هێناوە، بەڵکو بەپێچەوانەوە ئەوەی زۆرترین سەرکەوتنی تۆمار کردوە و زۆرترین دەسکەوتی هەبوە و زۆرترین سەروەری هەبوە لە مێژوی مرۆڤایە تیدا هەر شۆڕشی دیموکراتی و بزوتنەوەی سۆسیالیزمی بوە و بەس.
ئێمەش وەک ئازادیخوازان پێکەوە ژیانی گەلان و کۆنفیدڕالیزمی دیموکراتی دەکەینە دروشم و دەیدەین بەگوێی پاڵەوانەکانی فاشیزمی کوردایەتی وهاوبیروباوەڕەکانیان لەم سۆنگەیەشەوە چاوەڕوانین، تاکۆتایی سینارێۆکانی ریفراندۆم و بەدبەختیەکانی دوای ڕیفراندۆم بزانین و باگراوندی سینارێۆکەش بۆ ئەو خەڵکە ساویلکانە ئاشکرا بێت کە بە تەپڵی سەربەخۆیی هەڵ دەپەڕن و  نازانن چی دەگوزەرێ.

چه‌ند هه‌واڵكی تر

‌سەربازێكی تورك لەسەر سوچی گەڕەكەكەمان و خوێندنگەش لە پایتەخت ...

‌ له‌ بازیان بۆ پشتگیرى عه‌فرین چادر هه‌ڵدرا...

‌نەجیبە عومەر: ڕێبەر ئاپۆ توانی ژنان بکاتە خاوەن ئیرادە...

‌رەژاک"شه‌ره‌ف و ناموس خاک و وڵاته‌، نه‌ک ژن"....

‌بێریڤان محەمە: ێکۆشانی عەفیرن سەرکەوتنی ژنە لە هەموو جیهاندا...

‌هۆکاری شکستەکانی گەلی کورد و سەرکەوتنی...

‌سه‌مای زه‌مه‌نی سوور...

‌بەسێ هۆزات:پارتی ڕیفراندۆمی کردووەتە ڕۆژەڤ بۆ ئەوەی خۆی ڕزگار بکات...

‌ئەو فیشەکە!...

‌كۆبوونه‌وه‌ی ژنانی كورد كۆتایی هات و كۆمیته‌یه‌ك بۆ ئاماده‌كاری بۆكۆنف...

‌ شاندێكی ژنانی باكور بۆكۆنفرانسی نه‌ته‌وه‌یی ژنی كورد له‌باشوورن...

‌هه‌ڤاڵ زیلان، ئیرادەی ئازاد و هێزی ڕاستیینه‌ی جوانترکردنی ژیانە...

123
په‌ڕه‌یله‌ 3
ژماره‌ی بابه‌ت

كه‌ش و هه‌وا

فەیسبووك