کوردی           عربی

هەڵەبجە و هەڵەبجەیـــــەکان‌

18/03/2018

Wednesday‌


قەندیل قادر خەبات


ئەوەندەی پێویستیان بە خزمەتکردنە ئەوەندە پێویستیان بەیادێکی تەقلیدی نیە....

لە بیرمە هەموو سالێک و بەتایبەت لەم چەند سالەی دوایدا باوکم دەست و قاچەکانی دەبوون بە بلۆق (تلۆق) لەوەرزی بەهاردا، منیش بۆم پرسیار بوو بۆ باوکم دەست و قاچەکانی ئاوایان لێدێت لێم پرسی بۆی گێرامەوە. 
وتی سەرکردایەتی یەکێتی نیشتمانی کوردستان بۆ بەهاناوەچونی  خەڵکی هەڵەبجە بریاری دا هێز بنێرێ بۆ دەڤەری هەڵەبجە من لێپرسراوی بەشێکی ئەوهێزە بووم کە چوینە هەڵەبجە بۆ رزگارکردنی خەڵکەکە کاتێک کارەساتەکە قەوما ئێمە هەرزوو بیرمان لەوە کردەوە بچینە سەر ڕوبارەکە بۆ رزگارکردنی  خەڵکەکە کاتێک  خەڵکەکە ڕایان دەکرد بۆ دەرەوەی هەڵەبجە ئێمەش دانە دانە دەمانخستنە ناو ئاوی روبارەکەو  بۆ ئەوەی پاک ببنەوە لە بەرکەوتنی ئەو چەکە کۆکوژە و دواتر دەمان پەراندنەوە بۆ ئەوبەر ڕێژەیەکی زۆر خەڵکمان رزگار کرد هەربەو هۆیەوە بوو کە دەستمان بەر خەڵکەکە دەکەوت کە بەرکەوتەی چەکە کۆکوژەکە بون ئێمەش زۆر لەوێ ماینەوە تا درەنگانێک بۆیە ناراستەوخۆ کاری لێمان کرد دوای چەند ڕۆژێک ئاسەواری بەڕوونی کەوتە سەر جەستەمان و پێستی سوتاندنین و شان و دەست و قاچیشمان بو بە بلۆق هەربۆیەش سالانە لەو کاتەدا پێستم تێک دەچێت و هەندێک شوێنی جەستەم دەبێتە بلۆق ئێستاش زیاتر پێمەوە دیارە و هێزی جارانم نیەو برینداریەکانم هێندە زۆرن تەواو پەکیان خستوم و بۆیەش ئاسەواری ئەو کیمیایەش زیادی کردوە جار جارەش لە ناو قسەکانیدا دەیگوت خۆزگە توانیبام هەموو  خەڵکەکە رزگار بکەین تا ئەو کارەساتە بەسەر میلەتەکەمان نەهاتباو بێ زیانی گیانی لێی دەردەچوین، منیش گوتم بابەگیان تۆ درێغیت نەکردوە ئەویش دەیگوت قەندیل کورم خزمەتکردنی میلەتەکەم ئاواتی هەمیشەی من بووە.

لە هەڵەبجەی شەهید هەموو ساڵێک برینەکانیان نوێدەکرێتەوە لە جیاتی برین نوێکردنەوە وەرن ساڕێژی برینەکانیان بکەن بەکرداری راستەقینە و هەنگاوی کرداری کە جێگای دلخۆشی هەڵەبجیەکان و سەرجەم کۆمەڵانی خەڵکی کوردستان بێـــــــــــــــــــــــــــــــــــــــــــــــت. 

نەسرینەوەی ئاسەوارەکانی چەکە کۆکوژەکە هەر ماوە!

 ۳۰ ساڵ تێپەڕ ئەبێت تا ئەم چرکە ساتەش کۆمەڵێک هاونیشتیمانی کە بەرکەوتووی چەکی کیمیاوین بە دەست ئازارەکانی ئەو چەکە کۆکوژەوە دەناڵێنن و هەندێک جاریش لە بەر چارەسەر نەکردنی پێویست گیان دەسپێرن.

هەڵەبـــــجە لە دلی ئێمەدا هەمیشە یادی بەرز راگیراوە..

هەڵەبجە شاری شەهیدان و یەکێک لە ناسنامە دیارەکانی نەتەوەکەمان کە هەرگیز هەڵەبجە لە یادو ویژدانی زیندوەکان وون نابێت و یادی بەرز ڕادەگیرێت پێویستە بەو پەری توانا خزمەت بکرێن.


هەڵەبجە وەک پارێزگا یان قەزا مامەڵەی لەگەڵدا دەکرێت؟.


هەڵەبجە لەوکاتەوەی بریاری بوون بە پارێزگای بۆ دەرچووە تا ئێستاش لەڕووی ئیداری لە زۆرێک لە وەزارەت و دەستەکان مامەلەی قەزای لەگەڵ دا دەکرێت کە بە بۆچونی من جگە لە یاری کردن بە هەستی  خەڵکی دەڤەرەکە و هەڵەبجە هیچی تر هەلناگرێت.

سەردانی بەرپرســــــــــان لە سالیادی هەڵەبجە چ پێویستە!.

هەڵەبجەیەکان پێویستیان بە سەردانی کرداری و خەمخۆری هەیە نەک بە پێچەوانەوە لە ساڵێکدا تەنها یەک ڕۆژ هەڵەبجە ببینی ئەویش بۆ خۆنمایش کردنە یان هەر ناوێکی تری لێ ئەنێن!، خۆ ئەگەر بلێن بۆ هاوسۆزی هاوخەمیمانە لەم رۆژەدا منیش پێتان ئەلێم فەرموون بە کردار و بە خزمەت وەرن لەکات و ساتی جیاواز لەو ڕۆژەدا بێنە خزمەت قوربانیانی هەڵەبجە و هاوخەم و هاوسۆز و خزمەتکاریان بن وەک قادر خەبات گیانی خۆتان بکەن بە فیدای خاک  خەڵک و نەتەوەکەتان کە ئاسەواری کردارەکانتان هەموو سالێک وەک قادر خەبات دیار بێت لە سالیادەکەی دا....


چه‌ند هه‌واڵكی تر

‌تۆ تەنها تەماشای ئەو تاقە وێنەیە بکە!...

‌پۆستی سەرۆک کۆمار لە نێوان بەهار و پایزدا!...

‌چۆن هه‌ڵپژاردنێك وكام په‌رله‌مان پێویسته‌؟...

‌رووره‌شی و سه‌رشۆری بۆ دوژمنانی كوردو كوردستان...

‌له‌ گه‌ڵ وراوه‌كانی عه‌لی قه‌ره‌داغی و ئیخوانچییه‌كان...

‌سه‌رۆك كۆمار پشكی سه‌وزه‌ یان زه‌رده‌؟...

‌كه‌ی به‌رپرسان هێرشه‌كانی توركیا رێسوا ئه‌كه‌ن؟...

‌بۆ عه‌لی قه‌ره‌داغی شیوه‌ن بۆ لیره‌ی توركی ئه‌كات؟...

‌پێشنیاریک بۆ تەڤگەری ئازادیی...

‌باسی‌ كام ئازادی‌ ئه‌كه‌ن؟...

‌لەم هەڵبژاردنەدا ئەمریکا دەیویست شەڕی ئێران بخاتە گۆڕەپانی خۆیەوە!...

‌حكومه‌ت و په‌رله‌مان!...

په‌ڕه‌یله‌ 10
ژماره‌ی بابه‌ت

كه‌ش و هه‌وا

فەیسبووك