کوردی           عربی

حكومه‌ت و په‌رله‌مان!‌

27/03/2018

Wednesday‌

د. شوان عەبدوڵا حەمەد

'مێژووی دروستبوونی ئەم حکومەت و پەرلەمانە هۆکاری ئەوەمان پێ بۆ ئاشکرا ئەکەن کە بۆچی ئەوەنە لەبەردەم و دەستی داگیرکاران و دوژمنان کڵۆڵ و دەستەمۆن'

لە دوای ڕاپەڕینەکەی خەڵکی باشووری کوردستان کۆمەڵێک حیزب و بنەماڵە ڕاپەڕینیان بۆ خۆیان فڕاند و ئیتر لەو رۆژەوە دەستیان کرد بە نۆکەرایەتی بۆ داگیرکاران و کۆمەڵگەی کوردستانیشیان ڕووبەڕووی ماڵوێرانیەکەی مەزنی سیاسی و ئابووری و ئەخلاقی و کۆمەڵایەتی و کەلتوری کردەوە.

حکومەت و پەرلەمان لەساڵی ۱۹۹۲ و بە رەزامەندی داگیرکارانی دراوسێ و بەتایبەتی دەوڵەتی تورکیا و بە چاودێری ئەمەریکا و بەریتانیا و هتد بە فیفتی فیفتی دامەزرا. یەکەم بریاری ئەو پەرلەمانەش ئەوەبوو کە هێزەکانی حیزب و بنەماڵە هێرشی سەر هێزەکانی پارتی کرێکارانی کوردستان بکەن و بە هەمئاهەنگی هەموویان، پەکەکە لە ناوی ببەن.

کەواتە هیچ ناحەقی پەرلەمان و حکومەتێک ناگیرێ ئەگەر هەڵوێستی زۆر ترسنۆکانە و بێ ئەخلاقیانە بێت بەرامبەر بە هێرشی ئەو داگیرکارانەی کە خۆیان دروستیان کردوون و ووتەبێژی ئەو حکومەتە بنەماڵەییە، وابەستە بە داگیرکارە دوور لە هەموو پرەنسیپێکی ئەخلاقی بیانوو بۆ هێرشی تەیارەی تورکی بهێنێتەوە و لە جیاتی ئیدانەکردن و شەرمەزارکردنی تورکیا، بڵێت "پەکەکە هۆکاری ئەو هێرشانەیە و با لەناو گوندەکان بکشێتەوە"

باشە با بڵێین گەریلاکانی پەکەکە لەو ناوچەیە هەبوونیان هەیە، کە بە گوێرەی لێدوانی خەڵکی ناوچەکە ئەم قسەیە راست نیە، ئەی بۆچی هیچ گەریلایەک نەک ئەمجارە هیچ جارێکی تر شەهیدنەبوون و تەنها هاووڵاتی سڤیل و بێ چەک بەرئەکەون و شەهید ئەبن؟ کەواتە ئەو بیانووە شەرمنانە و ترسنۆکانەی حکومەتی ٥ حیزبەکە ئەیهێنێتەوە هیچ راستی تیا نیە و تەنها شەرمەزاری و بێ مۆرالی خۆیان چەند بارە ئەسەلمێنن.

دواجار، ئەرکی سەرشانی گەلی باشوورە ئەم دەسەڵاتی حکومەت و پەرلەمانە وابەستە بە داگیرکار شەرمەزار بکات و کاری داهاتوومان بۆ رزگارکردن و لەژێر دەست دەرهێنانی دامەزراوەکانی هەرێمە لە ژێر هەژموونی حیزب و بنەماڵە و بە نیشتیمانی کردنیانە، بۆ ئەوەی رێگە لە کۆمەڵکوژی خەڵکی سیڤیل بگرین و بەرامبەر هێرشی داگیرکاران هەڵوێستی جدی وەبگرین.


چه‌ند هه‌واڵكی تر

‌تۆ تەنها تەماشای ئەو تاقە وێنەیە بکە!...

‌پۆستی سەرۆک کۆمار لە نێوان بەهار و پایزدا!...

‌چۆن هه‌ڵپژاردنێك وكام په‌رله‌مان پێویسته‌؟...

‌رووره‌شی و سه‌رشۆری بۆ دوژمنانی كوردو كوردستان...

‌له‌ گه‌ڵ وراوه‌كانی عه‌لی قه‌ره‌داغی و ئیخوانچییه‌كان...

‌سه‌رۆك كۆمار پشكی سه‌وزه‌ یان زه‌رده‌؟...

‌كه‌ی به‌رپرسان هێرشه‌كانی توركیا رێسوا ئه‌كه‌ن؟...

‌بۆ عه‌لی قه‌ره‌داغی شیوه‌ن بۆ لیره‌ی توركی ئه‌كات؟...

‌پێشنیاریک بۆ تەڤگەری ئازادیی...

‌باسی‌ كام ئازادی‌ ئه‌كه‌ن؟...

‌لەم هەڵبژاردنەدا ئەمریکا دەیویست شەڕی ئێران بخاتە گۆڕەپانی خۆیەوە!...

‌هه‌ڵوێسته‌یه‌ك ده‌رباره‌ی گه‌ریلاكانی زاپاتیستان...

په‌ڕه‌یله‌ 10
ژماره‌ی بابه‌ت

كه‌ش و هه‌وا

فەیسبووك