کوردی           عربی

تەڤگەری ئازادیی پرسەی زانیار و لوقمان مورادیی بەسەرکردەوە‌

09/09/2018

Sunday‌

شاندێکی هاوسەرۆکان و ئەندامانی تەڤگەری ئازادیی کۆمەڵگەی کوردستان، پرسەی شەهیدان زنیار و لوقمان مورادییان لە شارۆچکەی پێنجوێن بەسەرکردەوە، کە بەرەبەیانی دوێنێ لەلایەن ڕژێمی ئێرانەوە لەسێدارە دران.


دوانیوەڕۆی ئەمڕۆ، شاندێکی هاوسەرۆکان و ئەندامانی دەستەی بەڕێوەبەریی و ئەنجومەنی بەشێک لە هەرێمەکانی تەڤگەری ئازادیی کۆمەڵگەی کوردستان، پرسەی شەهیدان زنیار و لوقمان مورادییان لە ماڵی دایکی شەهید زانیار لە شارۆچکەی پێنجوێن-ی سەر بە پارێزگای سلێمانی بەسەرکردەوە.

چەندین دروشمی وەک "شەهید نامرێ" و "بمرێ کۆماری سێدارە" لەلایەن بەشداربووانی مەراسیمی پرسەکەوە دەوترانەوە و پانکارد و وێنەی زانیار و لوقمان مورادی و ڕامین حسێن پەناهیی بەرزکرابوونەوە.

لە مەراسیمەکەدا، محەمەد عەبدوڵا، هاوسەرۆکی تەڤگەری ئازادیی کۆمەڵگەی کوردستان وتارێکی پێشکەشکرد و وتی: دوژمنانی گەلی ئێمە خەیاڵیان خاوە ئەگەر بیانەوێ بە سێدارە و تیرۆر و شەهیدبوون و کیماباران ڕێگای خەبات و تێکۆشانمان بۆ سەرکەوتن و ئازادیی لێ ونبکەن.

وتیشی: پیلانگێڕییەکی گشتیی لەسەر گەلەمان بەڕێوەدەچێت، دەبێت گەلی ئێمە لەوبارەیەوە هۆشیاربێت، دەبێت بزانین کە نەبوونی یەکێتیی ناو گەلی کورد زیانی زیاترمان پێدەگەیەنێت، ئەو کەلێنەی کەوا لەناو ڕیزەکانی گەلی کورددا هەیە، هێزی داوەتە داگیرکەرانی کوردستان، تا بەئاسانیی بتوانن لەناو نیشتمانەکەماندا لەشکرکێشیی بکەن و ڕۆڵەکانمان شەهید بکەن.

دواتر، دایە ئامینە، دایکی شەهید زانیار مورادی، وتارێکی پێشکەشکرد و سەرەخۆشیی خۆی ئاراستەی هەموو گەلی کورد کرد و وتی: هیوادارم چیتر ڕۆڵەی گەلی کورد لەسێدارە نەدرێت، دوژمن خەیاڵی خاوە کە وابزانێت بە لەسێدارەدانی منداڵەکانمان و بە تیرۆرکردنی ڕۆڵە قارەمانەکانی گەلی کورد و شەهیدبوونی ئیقبال مورادی، ورەی گەلی کورد دەڕووخێت، بەڵام بەپێچەوانەوە ورەی گەلی کورد و ڕۆڵەکانی سەر چیاکان بەهێزتر دەبێت.

جێگای ئاماژەپێکردنە، بەرەبەیانی دوێنێ شەممە، حکومەتی ئێران هەرسێ زیندانی سیاسیی کورد ڕامین حسێن پەناهیی و زانیار و لوقمان مورادیی لە زیندانی رەجاییشەهری کەرەج لەسێدارەدا.

هەر دوێنێش حکومەتی ئێران هێرشێکی موشەکیی کردە سەر بارەگاکانی حزبی دیموکراتی کوردستان (حدک) و حزبی دیموکراتی کوردستانی ئێران (حدکا) لە شارۆچکەی کۆیەی سەر بە پارێزگای هەولێر و بەهۆیەوە ١٥ کەس گیانیان بەختکرد و ٤٠ کەسی دیکەش برینداربوون.


چه‌ند هه‌واڵكی تر

‌‎تەڤگەری ئازادی: وەرن لە دژی داگیرکاری و تەسلیمکاری نەورۆزی سەرهەڵدا...

‌‎شه‌نگال ده‌بێت برینه‌كانی ساڕێژ بكرێت، نه‌ك جارێكی تر شه‌هید بكرێته‌و...

‌کۆمه‌ڵکوژی نیوزلاند ئیدانه‌وشه‌رمه‌زار ده‌که‌ین...

‌بەیاننامەی تەڤگەری ئازادیی بەبۆنەی ٣١ مین ساڵی کیمابارانی هەڵەبجەی شەه...

‌به‌یاننامه‌ی ته‌ڤگه‌ری ئازادیی‌ به‌بۆنه‌ی ٢٨ مین ساڵ یادی راپه‌رینه‌مه...

‌بکوژانى 17ى شوبات دیارن کە کێن، بۆیە دەبێت بدرێنە دادگا...

‌لە دوزخورماتوو سیمینارێک لەسەر پیلانگێڕیی بەڕێوەچوو...

‌بە بەرخۆدان و تێکۆشان سیستەمی‌ ئیمراڵی‌ تێک دەشکێنین...

‌ئه‌وه‌ دام و دەزگاکانی حکومەته‌‌ پێشێلی یاسا دەکات، نەک ئێمە...

‌ئەنجامنامه‌ی کۆبونەوەی‌ دەستەی‌ بەڕێوەبەرایەتی‌ ته‌ڤگه‌ری ئازادیی...

‌ڕاپه‌ڕینی شیلادزێ زیندوو ڕاگرتنی ڕاپه‌ڕینی به‌هاری 1991...

‌هاوسەرۆکی هەرێمی بادینانی تەڤگەری ئازادیی و چەندین کەسایەتیتر دەزگیر ک...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك