کوردی           عربی

ئۆباڵی شکستی گۆڕان بەملی کێ؟‌

08/10/2018

Tuesday‌

 
دوابەدوای (۱۰)ساڵ لەدروستبونی گۆڕان وهاتنەکایەی بزوتنەوەیەک کەدروشموو پرەنسیبەکانی دژی زوڵم و ستەم و گەندەڵی بێت بۆ ئەبێت شکست بێنێت ،پرسیارەکە لێرەدایە ئایا کۆمەڵگا ناهۆشیارە نەیتوانیوە ڕەش و سپی لێک جیاکاتەوە یان نەیان توانیوە دروشمەکانیان بکەنە کردار و لەگەڵ دەنگدەرەکانیان ڕاستگۆ نەبون یان ڕێگا خۆشکەربون بۆ کەسانێ کەتەنها بەرژەوەند پەرستبون یان لە سەرەتاوە ڕاستگۆ نەبون و تەنها کاریان بۆ تۆڵە سەندنەوە کردوە یان ناتوانن وەک پێویست سیاسەت بکەن بتوانن سەرکەوتوبن یان ڕاوەدونانی ئەوکەسانەی کەبەڕاستی گۆڕانکاری لە ناخیاندابوە خۆشگوزەرانی میللەتەکەیان پێش هەموو بەرژەوەندیەکان بوە یاخود کۆچی دوای ڕەوان شاد نەوشیروان مستەفایە ، ئەمانەو کۆمەڵێک ئەگەری تر کەهەموو لێی بەرپرسن....
ئیدی پەشیمان داد نادات پێویستە هەرچی گۆڕانخواز هەیە و بڕوایان بەو کارو بەرنامەی گۆڕان هەبوە کە دایڕشتوە لێیان قبوڵ نەکەن ئەو شکستەی گۆڕان بخەنە ئەستۆی ئەو کەسانەی کەتائێستا نەیان توانیوە قوتابخانەیەک بن پەروەردەی کادرو ئەندامەکانیان بکەن بیانکەنە خاوەن فکر ،بۆیە تائێستا خاوەن هێزێکی فکری نین ناشتوانن یان نایانەوێت پەرە بەلایەنی پەروەردەو فکری سیاسی بدەن،چونکە سەرچاوەکانی خەباتی کوردستانی باشور بنەمایەکی فکری بۆ دانەڕێژراوە بڕوایان بە وەنەبوە کەڕۆژێ دێت دەسەڵاتیان هەبێ هەرچەندە لەسەرەتاوە پەیڕەویان لە چەن فکرێک ئەکرد  بەڵام تەنها بۆ ناو بوە بۆنمونە پارتی لەسەر چ فکرێک کادرەکانیان پەروەردە دەکەن ،زۆربەی جار کێشەکان لەسەر ناکۆکی سیاسی و پلەو پۆستە نەک ململانێی فکری زۆربەی کێشەکان لەسەر نەبونی شەفافیەت و گەندەڵیە ،چونکە زۆرێک لە سیاسیە گەورەکان وازیان لەفکر هێناوە بۆ سەرمایە داری ،ئەوانەی کەدەزانن فکر چیەو چۆنی فکری سیاسی بنیات دەنرێ گاڵتە بەکادرو خەڵکی ناکەن بەڵکو دەستبەرداری پلەو پایەیان دەبنەوە ڕەوتێکی سیاسی بنیات دەنێن لەگەڵ فکرو سیاسەتیان بگونجێ ،بۆیە دەیبینین لەسەرەتای دروستبونی هەرهێزێک کەسی یەکەمی شتێکی لێبێت یان دور کەوێتەوە ئەو پارتە لاواز دەبێت چونکە هەموو دەسەڵاتە مادی و بڕیارو چالاکی ئەو حزبە لەیەک کەسدا کۆبۆتەوە ،نمونەش زۆرە لەبەر دەستدا هەر لەبزوتنەوەی گۆڕانەوە دوای نەوشیروان مستەفا ،یەکێتی نیشتمانی دوای مام جلال ،پارتی دیموکراتیش بەدەر نیە لەو بیرو باوەڕە چونکە ئەوان مسعود بارزانی بە مەرجەعی کورد ناوزەند ئەکەن دڵنیاش بن بەدورکەوتنەوەی لە ساحەی سیاسی وەزعیان زۆر لە حزبەکانی تر باشتر نابێ،
زۆر بەڕون و ئاشکرای پێش هەڵبژاردنەکان بزوتنەوەی گۆڕان درکیان بەو شکستە کردبوو هەروەک چۆن لە میدیاکانەوە دوای کۆبونەوەی پارتی و گۆڕان شۆڕش حاجی ناڕاستەوخۆ داوای دواخستنی هەڵبژاردنەکانی کرد ،،بۆیە لێرەوە دەڵێم گۆڕان بەکەسانی بەئیرادەو دور لەبەرژەوەندی و لەخۆبردوو ئامانجی گەورە ئەکرێ گۆڕان بەدەرکردنی بەیان نامەو ناڕەزای ناکرێ گۆڕانکاری بە هەوڵ و تەقەلای هەموو چین و توێژەکانی کۆمەڵ و بیروڕا جیاوازو ئاینەکانەوە بەسەرکەوتن دەگات....بۆیە لێرەدا بە وتەیەکی چێ گیڤارا کۆتای پێ دێنم دەڵێ (چ سودێکی دەبێت بۆ کۆمەڵگا ئەگەر پارە ببەمەوەو مرۆڤەکان بدۆڕێنم)

چه‌ند هه‌واڵكی تر

‌لە ساڵرۆژى تیرۆرکردنیان، نمایشکردنى فلمى ساکینە جانسز قەدەخە دەکرێت!...

‌ساڵی 2018 ساڵێکی پڕ لە قەیران و نائومێدی بوو بۆ باشوری کوردستان...

‌باوکی محمد عبداللە هاوسەرۆکی تەڤگەری ئازادیی کۆچی دواییکرد...

‌بوش پاڵه‌وان و حاجییه‌ یان تاوانباری جه‌نگه‌؟...

‌ دیاریکردنی دوو پۆستی باڵا بۆ یه‌ک حزب مه‌ترسی گه‌وره‌یه‌...

‌لێدوانی نوێنه‌ری توركیا له‌ ناوخاكی هه‌رێمی كوردستان پێشێلی سه‌روه‌ری ...

‌رونکردنەوەیەک لە تەڤگەرى ئازادى کۆمەڵگەى کوردستان-ەوە...

‌باهه‌موومان خاوه‌ن له‌شه‌هیده‌كانمان ده‌ركه‌وین...

‌بەلاغی کۆتایی کۆبونەوەی دەستەی بەڕێوەبەرایەتی تەڤگەری ئازادیی کۆمەڵگەی...

‌بەیاننامەی تەڤگەری ئازادیی بەبۆنەی ڕۆژی جیهانی خۆڕاگریی کۆبانێ...

‌كه‌مپینێك بۆ قه‌ره‌بووكردنه‌وه‌ی بناری قه‌ندیل ڕاگه‌یه‌ندرا...

‌پرۆژه‌یه‌ك بۆ چارەسەری دیموكراتیانەی قەیرانەكانی باشووری كوردستان ‌و ع...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك