کوردی           عربی

تۆ تەنها تەماشای ئەو تاقە وێنەیە بکە!‌

08/11/2018

Wednesday‌

د. شوان عەبدوڵا حەمەد

بەرێز ئۆجالان کاتێک باسی شەڕەنگێزی دایکی ئەکات، ئەڵێت ئەو شەڕەنگێزێکی بێ پلان و بێ زانست بوو. خۆ نەیووتووە بێ چەک بوو. لە شەڕی مەزندا بۆ ڕزگاری مرۆڤایەتی، چەک کۆتا وەسیلەیە مرۆڤ پێویستیەتی. ئەوەی لە هەمووی گرنگترە فکر و مێشکیەتی؛ ئەو فکر و مێشکەی کە هەتا ئێستاش زوڕناژەنەکانی دەوڵەتی کوردی و ئابوری سەربەخۆ و عەمیلەکانی واشنتۆن و تاران و ئەنکەرە نیانە! 

بابێینە سەر وێنەکە:
تەعبیر لە کۆبوونەوەی سێ مرۆڤی شۆرشگێر ئەکات بۆ گفتوگۆکردن لەسەر پلاندانان بۆ شەڕی مەزن لە پێناوی رزگاری مرۆڤایەتیدا. ئەوەی من بەدەستیانەوە ئەیبینم تەنها سێ لێنووسە (دەفتەر) و هیچی تر. نە دەمانچە و نە کلاشینکۆف و نە گوللە و نە نوکە چەقۆیەک. شێوەی وەستانەکەشیان سایکۆلۆجیەتێکی خۆی هەیە: قەرەیڵان کە وای باس ئەکەن، هەندێک گێچی کوردبوونەکەی لە بایک زیاتر بێت (ئاخر کالکان هەر کورد نیە)، کەمێک دوور وەستاوە و جوان زەینی هەڤاڵەکانی ئەدات. بایک ووتە ئاڵتونیەکە ئەڵێت، کالکان کەمێک سەری دانەواندووە و زەردەخەنەیەک لەسەر لێوێتی. ئەبێت ئەو ووتانە چی بووبن لەو نێوانەدا هاتووچۆیان کردووە؟!
قەرەیلان کە دەستی لە گیرفانی پاڵتۆکەیدایە، ئەڵێت، پاڵتۆی ئەمەریکی بەکارئەهێنم بۆ خۆ گەرم کردنەوە، بەڵام هەرگیز تەسلیمی ئەمەریکا نابم. کەچی کالکان گیرفانی شەڕواڵە کوردیەکەی بە ئامانج گرتووە. وەک بە زمانی جەستە پێمان بڵێن، ئەوەش گیرفانەکانمان سەروو خوار، جگە دەستی خۆمان، هیچ ماڵ و موڵکێکی گەلی تیا نیە، نە پارە و نە ماڵ؛ لەراستیادا ئێمە زیاتر لە سی ساڵیشە هیچ جۆرە دراو و پارەیەکمان نەبینیووە. ئاخر هیچ ئیشمان بەو 'کوڕە' نەگریسەی سەرمایەداری لیبرالیزم نیە. ئێمە ئەوەندە ساڵیشە کەسوکاری خۆمان نەدیووە، خۆمان لە هەموو خۆشیەکی ژیان بێ بەش کردووە، تەنها یەک خۆشیمان هەیە، ئەویش رزگاری مرۆڤایەتیە. 
لە پشتەوەش، نە ریزە لێکسز و نە باڵەخانە و نە هەزار پاسەوان (ئاخر ئەوان زنجیرە چیاکانی زاگرۆس پاسەوانیانە)؛ تەنها سەر و شانی گەریلایەک دیارە، نزمە بەنگڵۆیەکی (خانوويەكی بچووكی يەك نهۆمی) بە بەرد دروستکراو؛ لە نێوانی قاچی کالکان و بایک باتریەکی بچوکی ئوتومبێڵ، رەنگە بۆ هەندێ چارج (شەحن) کردنەوەی ئامێرەکانیان بەکاریان هێنابێت، ئەگینا ئەوان گڵۆپیان بۆچیە، کە خۆیان خۆر و سەرچاوەی ژیان و ژینگەپارێزین!

ئاخر چۆن ئەمەریکا کە ئێستا خۆی بە خوای مۆدێرنەتەی سەرمایەداری ئەزانێت، لێتان ناتۆقێت؟ ئەگەر ئێوە رێبەرایەتی شەڕی مەزن بۆ رزگاری مرۆڤایەتی بکەن، واتە خۆتان کردووە بە دوژمنی هەرە سەرسەختی مۆدێرنەتەی داڕزیووی سەرمایەداری لیبرایزم و چینی باڵادەستی جیهانی و لەسەریشیانەوە ئەمەریکای نەفرەت لێکراو. کەواتە ۱۲ ملیۆنەکە زۆر زۆر کەمە، ئەمەریقا ئەکەوێتە سواڵ و هێشتا ئێوە نادۆزێتەوە!


چه‌ند هه‌واڵكی تر

‌پۆستی سەرۆک کۆمار لە نێوان بەهار و پایزدا!...

‌چۆن هه‌ڵپژاردنێك وكام په‌رله‌مان پێویسته‌؟...

‌رووره‌شی و سه‌رشۆری بۆ دوژمنانی كوردو كوردستان...

‌له‌ گه‌ڵ وراوه‌كانی عه‌لی قه‌ره‌داغی و ئیخوانچییه‌كان...

‌سه‌رۆك كۆمار پشكی سه‌وزه‌ یان زه‌رده‌؟...

‌كه‌ی به‌رپرسان هێرشه‌كانی توركیا رێسوا ئه‌كه‌ن؟...

‌بۆ عه‌لی قه‌ره‌داغی شیوه‌ن بۆ لیره‌ی توركی ئه‌كات؟...

‌پێشنیاریک بۆ تەڤگەری ئازادیی...

‌باسی‌ كام ئازادی‌ ئه‌كه‌ن؟...

‌لەم هەڵبژاردنەدا ئەمریکا دەیویست شەڕی ئێران بخاتە گۆڕەپانی خۆیەوە!...

‌حكومه‌ت و په‌رله‌مان!...

‌هه‌ڵوێسته‌یه‌ك ده‌رباره‌ی گه‌ریلاكانی زاپاتیستان...

په‌ڕه‌یله‌ 10
ژماره‌ی بابه‌ت

كه‌ش و هه‌وا

فەیسبووك