کوردی           عربی

خەونی ئەردۆغان لە سێ پارچەی کوردستاندا ‌

22/12/2018

Sunday‌


لاڤە کوردە 
خەونی ئەردۆغان بۆ سێ پارچەی کوردستان ، باشور و باکور و رۆژئاوا دەبێتە راستی بۆیی و ئەوەی هەیە لە بەرامبەری تەنها لێدوان و ئیدانەکردنی دوورە دەستە، سەرەتا لە باکورەوە کە چەندەها ساڵە رێگە بە دروستبونی کورد نادرێت و هەموو مافێکی رەگەزیی لێ سەندراوەتەوە، ئەوەشی تازە هەیە لە ماوەی دوو ساڵی رابردوو بە تایبەتی لە دوای فراوانبونی پارتی دیموکراتی گەلان (هەدەپە) ،تورکیا بە ئاشکرا لەمپەر لەبەردەم ئەو پارتە دیموکراتخوازە دادەنێت و تا ئێستا نزیکەی 15 هەزار ئەندامی لێ زیندانی کردوون کە هاوسەرۆکانی گشتی و پەرلەمانتار و سەرۆک شارەوانی و هتد.. تێدایە، سەرەرای بڕیاری دادگای مافی مرۆڤی ئەوروپاش کە لە 20 نۆڤەمبەری ئەمساڵ لە دوای دوو ساڵ دەستبەسەرکردنی سەڵاحەدین دەمیرتاش هاوسەرۆکی پێشوی ئەو پارتە  کە لە 4-11-2016ەوە لە زیندانە، دەریکردو  داوای ئازادکردنی بەپەلەی دەکات ، بەڵام حکومەتی ئاکەپە بەردەوامە لە دادگاییکردنی دەمیرتاش و  سەدان دۆسیەی لەسەر کردۆتەوە .
بە قسەکردنم لەگەڵ ژمارەیەک پەرلەمناتاری پێشو و ئێستای هەدەپە ن ئەوەم پێدەڵێن کە رەوشی پارتەکە و کورد لە باکوری کوردستان و تورکیا زۆر خراپە و ئێستا کە هەڵبژاردنی شارەوانیەکان لە پێشەو بڕیارە لە 31-3-2019 ئەنجام بدرێت ، حکومەتی ئاکەپە تەواو کەوتۆتە پەلە قاژە و رۆژانە دەیان ئەندامی هەدەپە دەستگیردەکات ، کەواتە رێگری دەکات لەوەی کاندیدی پێویست هەبێت لە لایەن هەدەپەوە، ئەوە لە کاتێکدایە کە زیاتر لە 90 شارەوانی لەدەست ئەو پارتە بوو ئێستا لە لایەن قەیومەکانەوە بەڕێوەدەبرێت واتە تورکیا کەسی خۆی لە شوێنیان داناوە، بەڵام هەدەپە سورە لەسەر وەرگرتنەوەی ئەو شارەوانیانە و بە زیادیشەوە.
لە باشوریش (هەرێمی کوردستان) جێ دەستی تورکیا بە تەواوی دیارە هەر لە بونی دەیان بنکە و بارەگای سەربازییو سوپا و قوتابخانە و فیکری عوسمانیی، رۆژانە بۆردومان و تۆپبارانی ناوچەکانی هەرێم و نوێترینیش بۆردومانی شنگال و کەمپی پەنابەرانی باکوری کوردستانە لە مەخموور ، کە ئەوە لەبەرچاوو بوو کەمپی مەخموریش دەکرێتە ئامانج چونکە مانگێگ بەر لە ئێستا نوێنەرانی هەدەپە ئەوەیان وت کە چەندین جار تورکیا داوای داخستنی ئەو کەمپەی لە حکومەیت هەرێم کردوە و یەکێکیش بووە لە مەرجەکان.
لە لایەکی دیکەشەوە سوتانی بازاڕی قەیسەری کۆنی کەرکوک هەستانی تورکیا بە نۆژەنکردنەوەی جێی مەترسیە و کە ئەو قەیسەریە بۆ مێژووی عوسمانیەکان لە پارێزگاکە دەگەڕێتەوە و ئەردۆغان دەیەوێت بونی خۆیان لێرەدا بسەلمێنن.
بەدەر لە ئەندامان و پەرلەمانتارانی هەدەپە کەس بە شێوەیەکی راستەقینە لە خەمی ئەو داگیرکاریەی تورکیادا نیە و ئەوان لە قسەکانیان تەواو نیگەرانن لەم بارودۆخەی کوردی تێدایە  بە دەست سیاسەتی قڕکردن کە لە لایەن حکومەتەکەی ئەردۆغان پەیڕەو دەکرێت ، بەڵام ئەوەی جێی نیگەرانیمە پاڵپشتی هەندێک لە پەرلەمانتارانی هەدەپەیە بۆ حکومەتی هەرێم لە کاتێکدا دەزانن هێرشی سەر باشووری کوردستان بە هاوکاری حکومەتی هەرێمە.
ئەوەی دەستکەوتی چەند ساڵێکی کەمی کوردە لە رۆژئاوای کوردستانیش کە لە شەڕی داعش رۆڵێکی سەرەکییان هەبوو و هاوکات زۆربەی ناوچە کوردییەکان و تەنانەت ناکوردییەکانی باکووری سووریاش لەسەر دەستی کورد بە پشتیوانی هاوپەیمانان ئازادکران، بەڵام ئێستا کە شەڕی داعش کۆتایی هاتووەو بەدەر لەوەی حکومەتی سووریا چاوی لەوەیە بگەڕێتەوە ناوچەکە،تورکیاش بوننی خۆی لەوێ دەکاتە راستی و  لە دوای ئەنجامدانی ئۆپەراسیۆنی چڵە زەیتون کە لە سەرەتای ئەمساڵ ئەنجامیدا و داوی چەند مانگێک توانی عەفرین داگیربکات، کە خەڵکەکەی ئاوارەی هەرێمی شەهبا بوون و ژیان کردنیان سەختە و هەر کاتێک لەگەڵ هێڤی مستەفا هاوسەرۆکی کانتۆنی عەفرین قسە دەکەم زۆر بە خەمباریەوە باس لە پێداویستی ئەو خەڵکە دەکات و دەڵێت کە رێکخراوە نێودەوڵەتیەکانیش بە هانایانەوە ناچن  ، لە  ئێستادا تورکیا جارێکی لە ژێر ناوی قەڵغانی فورات ئۆپەراسیۆنێکی تری بۆ داگیرکردنی ناوچەکانی باکور و خۆرهەڵاتی سوریا (رۆژئاوا) دەستپێکردوەن هەرەچندە سەرەتا وەزارتی بەرگری ئەمریکا (پێنتاگۆن) هاتۆتە دەنگ بەڵام بەپێ کردەوەکانی پێشتری تورکیا بێت ئەمجاریش بۆی دەچێتە سەر و هەموو لایەک دەستبەرداری کورد دەبن لە ناوچەکە .

چه‌ند هه‌واڵكی تر

‌کابینەی نوێ و تراژیدیای ژن...

‌سەربازێكی تورك لەسەر سوچی گەڕەكەكەمان و خوێندنگەش لە پایتەخت ...

‌ له‌ بازیان بۆ پشتگیرى عه‌فرین چادر هه‌ڵدرا...

‌نەجیبە عومەر: ڕێبەر ئاپۆ توانی ژنان بکاتە خاوەن ئیرادە...

‌رەژاک"شه‌ره‌ف و ناموس خاک و وڵاته‌، نه‌ک ژن"....

‌بێریڤان محەمە: ێکۆشانی عەفیرن سەرکەوتنی ژنە لە هەموو جیهاندا...

‌هۆکاری شکستەکانی گەلی کورد و سەرکەوتنی...

‌سه‌مای زه‌مه‌نی سوور...

‌با کۆنفیدڕالیزمی دیموکراتی بکەینە دروشم و بیدەین بەگوێی پاڵەوانەکانی ف...

‌بەسێ هۆزات:پارتی ڕیفراندۆمی کردووەتە ڕۆژەڤ بۆ ئەوەی خۆی ڕزگار بکات...

‌ئەو فیشەکە!...

‌كۆبوونه‌وه‌ی ژنانی كورد كۆتایی هات و كۆمیته‌یه‌ك بۆ ئاماده‌كاری بۆكۆنف...

په‌ڕه‌یله‌ 4
ژماره‌ی بابه‌ت

كه‌ش و هه‌وا

فەیسبووك