کوردی           عربی

لە ساڵرۆژى تیرۆرکردنیان، نمایشکردنى فلمى ساکینە جانسز قەدەخە دەکرێت!‌

09/01/2019

Wednesday‌


گرتنەبەری ئەو کارانە دەبێت لەترسی چی بێت؟؟ دەبێت بۆ خزمەتی کێ بێت؟؟!!!!
بۆ ڕای گشتی و تەواوی گەلەکەمان
ئەگەرچی لەم هەرێمە بەناو نیمچە ئازادە، کەئەویش بەری رەنج و تێکۆشانی تەواوی گەلەکەمانەو بەرلە هەمووشمان خوێنی شەهیدان، بەڵام زۆر بەداخەوە هەموو دەسکەوتەکان بەحزبی کراوەو لەوەش ناشیرینتر ئەوەندەی ئەم هەرێمە خراوەتە خزمەتی داگیرکارانی کوردستان و ئەوان لێ سودمەندن، ئەوەندە گەلەکەمان سودمەند نەبووە، ئەوەندەى داهاتء سەروەتء سامانى ژێرخانء سەرخانء بەها پیرۆزەکانى ئەم گەلە پێشکەش بە داگیرکارانء بەتایبەت دەوڵەتى فاشیستى تورک کراوە ئەوەندە خزمەت بەم گەلە ستەمدیدەیە نەکراوەء پێشکەشى نەکراوە. بە رادەیەک تا دەچێت سنورەکانى ئازادى تەنگ دەکرێتەوەء ناتوانرێت بەئازادی لەم هەرێمەدا ژیان بکرێت.
لەهەرێمی  کوردستان هەر ڕۆژ زیاتر مەودای ئازادی بەرتەسک دەکرێتەوەو ئازادیەکان بن پێ دەخرێن، مافی دەربڕینی حزب بوون و ڕێکخراو بوون و دەربڕینی ئازادیە تاکەکەسیەکان ئاستەنگ دەکرێت، ماوەیەکە بەبیانوی بێ بنەماو بێ یاسایى بارەگاکانی تەڤگەری ئازادی کراوەتە ئامانجی هێرشى هێزەکانی ئاسایشء دادەخرێن، هەر بەداخستنی  بارەگاکانی تەڤگەری ئازادیەوە نەوەستان بارەگای رێکخراوەکانى ژنان و گەنجانء رێکخراوەکانى چاندو هونەر کە مۆڵەتیان لاى خۆیان پێ درابوو کرانە ئامانجء داخران! جیاواز لەوەش مافی خۆپیشاندانء گربوونەوەش قەدەغە دەکرێت. خاوەنداری کردن لە ڕێبەرو تێکۆشەرانی ئەم گەلە خێرلەخۆنەدیوە قەدەغە دەکرێت! بە تاوانى خاوەنداریکردن لە ڕێبەری دیموکراتی گەلان ڕێبەر ئۆجالان، کە گەنجانی وولاتپارێز دەیانخواست چالاکی خۆپیشاندانء ناڕەزایی ئەنجام بدەن دژی گۆشەگیری سەر بەرێزیان، بەڵام 100 گەنج دەسگیر دەکرێنء ئازارء ئەشکەنجە دەدرێن! لە هەمووى ئابڕوبەرانەتر بۆ ئەم دەسەڵاتە لەسەر فرۆشتنی پەرتوکەکانی ڕێبەر ئۆجالان ئەوە دووڕۆژە هێرش دەکەنە سەر فرۆشیارانء راوەدوو دەنرێتء دەستگیرء زیندانیان دەکەنء پێیان دەڵین فرۆشتنی پەرتوکی ئۆجالان قەدەغەیە! لەسەر ئامادەکاری بۆ نمایش کردنی فلیمی بەشێک لە ژیانء تێکۆشانی ژنە شۆڕشگێڕى گەلەکەمان ساکینەجانسز سینەما سالم دادەخرێت! ئەوە لەکاتێکدایە بارەگاى دەزگا سیخوڕیەکانی داگیرکەرانی کوردستان و هێزو سوپاکانیان ئازادن لەهەرشوێنێکی هەرێمی کوردستان کاربکەنء بنکەو بارەگا دابنێن وێراى ئەوەى ئاسایشیشیان پارێزراوە. پەخشء نمایشکردنی درامای تورکی کە بەشێوەیەکى مەترسیدار ئەخڵاقء دابونەریتى کۆمەڵگەى کوردى رووبەرووى هەڵوەشانء لێکترازان کردۆتەوەء کاریگەرى راستەوخۆى کردۆتە سەر ژیانی گەلەکەمان، وێراى ئەوەى چەندین جار داواى وەستاندنیان کراوە بە بێ سانسۆر بەردەوامن، داگیرکردنى باشورى کوردستان لەلایەن دەوڵەتى فاشیستى تورک لە رووى سەربازى، ئابورى، کۆمەڵایەتى، کلتوریەوە بەڵام تا دەچێت زیاترء زیاتر دەپارێزرێن! 
وەک تەڤگەرى ئازادى کۆمەڵگەى کوردستان وێڕای بە توندى شەرمەزارکردنء ئیدانەکردنى هەموو ئەوکارە نەشیاوانە، دەسەڵاتی هەرێمی کوردستان ئاگادار دەکەینەوە دەستبەرداری ئەو کارانە بێت، لەجێی ئەوە خزمەتی شوڕشگێران و کلتوری گەلەکەمان بکات، نەک خزمەتی داگیرکەران. هەروەها تەواوی گەلەکەمان و ڕای گشتی لە و هێرش و پەلامارانە ئاگادار دەکەینەوە بێ دەنگ نەبن و ڕێگری بکرێت لەو جۆرە کارە دزێوانەو نەهێڵین زیاتر تەشەنەبکات، ئەوە جگەلەوەی بەزیانی گەورە دەشکێتەوە بۆ سەر گەلەکەمان، لەهەمان کاتدا ئەزموون و مێژووی گەلەکەشمان ڕەش و لەکەدار دەکات.
 لە کۆتاییدا جارێکى تر هەموو ئەو هێرشانەى دەسەڵاتى هەرێمى کوردستان شەرمەزارء رسوا دەکەینء  دەپرسین گرتنەبەری ئەو کارانە دەبێت لەترسی
چی بێت؟؟ دەبێت بۆ خزمەتی کێ بێت؟؟!!!! 


تەڤگەری ئازادی کۆمەڵگەی کوردستان
9 / 1 / 2019 

چه‌ند هه‌واڵكی تر

‌جەژنی ڕەمەزانتان پیرۆزبێت...

‌هێرشه‌كانی ده‌وڵه‌تی توركیا بۆ داگیركردنی باشووری كوردستان جێگه‌ی قبوو...

‌هەڵبژاردنێکی‌ نادیموکرات، قەیرانەکان قوڵتر ده‌کاتەوە...

‌یاسای سەرۆکایەتی هەرێم، لەپێناو پێشخستنی تاکڕەوێتی و سەرکوتکردنی کۆمەڵ...

‌مانگی‌ ره‌مه‌زان مانگی‌ قوڵبونه‌وه‌و به‌خۆدا چونه‌وه‌یه‌...

‌هێرش بۆ سه‌ر نه‌وه‌ی نوێ حسابنه‌كردنه‌ بۆسه‌روه‌ری یاسا و به‌كارهێنانی...

‌بەشێک دەبین لە تێکۆشانی کرێکاران و ڕەنجدەران لە پێناو ژیانێکی شایستە و...

‌جه‌ژنی چوارشه‌ممه‌ سوور و سه‌ره‌تای‌ ساڵی‌ نوێی گه‌لی ئێزدیمان یپرۆز ب...

‌ئەنفال مەترسیەکی بەردەوامە پێویستی بە تێکۆشانێکی نوێ هەیە...

‌پیرۆزبێت سەرکەوتنی ماناداری هەدەپە...

‌هه‌موارکردنه‌وه‌ی یاسای سه‌رۆکایه‌تی هه‌رێم، پێویستی به‌ زیهنیه‌تێکی د...

‌سەرکەوتنی سەردەم لە گشت جیهان پیرۆز دەکەین...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك