کوردی           عربی

لە سایەی حوکمڕانی یەکێتی و پارتییەوە، سەرجەم نرخ و بەها و نەریتە کوردەوارییەکان بنپێ خراون‌

15/01/2019

Wednesday‌


بۆتان گەرمیانی


سەراڕای بەرتەسککردنەوەی نەفەسی ئازادی لە باشوری کوردستان و ئەو هەموو هێرش و دەستدرێژییانەی، کە دوور لە هەموو پێوانێکی مرۆیی و نەتەوەیی و ئەخلاقی و دیموکراتی، بۆسەر خاک و پەروەردە و زمان و چاند و هونەر و نەریت و ڕاستینە و سەرجەم نرخ و بەها کوردەوارییەکان دەکرێت، بە پێشەنگایەتی سەرانی لۆمپەنی هەردوو پارتی دەسەڵاتداری بەکرێگیراو و میللی گەرای سەرەتایی، یەکێتی و پارتی، لە پێناو بەدەستخستنی کۆمەڵێک بەرژەوەندی تەسکی حزبی و شەخسی و خزمەتکردن بە داگیرکەران و ئەو دەوڵەت نەتەوانەی کە سەردەستمانن، لە نزیکترین نموونەی وەکوو ئەوەی لەم ڕۆژانەی دواییدا دەبینرێت لەقەدەغەکردنی کتێب و داخستنی سینەما و بارەگای پارتی سیاسی و ڕێکخراوی هونەری و ڕێگریکردن لە چالاکی ژنان و ڕێبەندکردنی هەڵوێست و پشتگیری بۆ بەشەکانی تری کوردستان و یادکردنەوەی پێشەنگ و ئەو کەسایەتییانەی کە نرخ و بەهای گەلی کورد و مرۆڤایەتین، هاوتای ئەمانەش لە ڕێگای شەڕی تایبەتەوە، سەرمایە و ماتریاڵ و میدیا و زەمینەیەکی زۆر دەڕەخسێنن بۆ درووستکردنی ئەنتەرناتیڤ (بەدیل)ی ساختە و بێ ناوەڕۆک، بۆ هاتنەژوورەوەی قارەمان و پیرۆزی ساختە و نەریت و چاند و فەرهەنگی داگیرکەران و بەرهەمهێنانی کۆمەڵگایەکی شکڵی و تەقلیدی و بێبەرهەم، و تاکێکی بێ ئاگا و ناهۆشیار و نا سیاسی و چاولەدەر و بێگانەپەرەست، لە ئێستادا بەهۆی قۆرخکردنی سەرجەم سێکتەرەکانی بەڕێوەبردنی کۆمەڵگا، کە هەندێکیان کاریگەری ڕاستەوخۆیان هەیە لەسەر ئاراستەکردن و پەروەردەکردن و تێڕوانینی کۆمەڵگا و ئاستی هۆشیاری، لەلایەن هەردوو پارتی دەسەڵاتدارەوە، بەتایبەتی وەزارەتی ڕۆشنبیری و هوونەری و خوودی بێ پلانی و بێ بەرنامەیی و بێ ئیرادەیی ئەو وەزارەتە و نەبوونی هیچ فیلتەرێک لە پەخش و بەرهەمهێناندا بۆ تەواوی کارە هوونەریی و ڕۆشنبیرییەکان، لە هەردوو سنوری زەرد و سەوزدا چەندان تۆڕ و گرووپی دۆبلاژکردنی فیلم درووستکراون بێگومان لەگەڵ ڕەخساندنی زەمینە و ئیمکانێکی زۆر، بەبێ حساب و هیچ فلتەرێک ڕۆژانە دەیان فیلمی تورکی و بیانی دۆبلاژ دەکەن و لە ڕێگەی میدیاکانەوە وەکوو ژەهر دەرخواردی کۆمەڵگای دەدەن، کە ئەمەش هاوتای ئەو شەڕە داگیرکارانەیە و بگرە مەترسیدارتریش، کە دووژمنانی گەلەکەمان و بەتایبەتی تورکیا لە ئەرزی واقعدا بۆ سڕینەوەی ناسنامە و فەرهەنگ و کلتور و هونەر و زمان و پەروەردە و شکاندنی ئیرادەی ئازادیخوازانەو شۆڕشگێڕانەی گەلەکەمان بەڕێوەیدەبات، بێگومان ئەگەر کەمێک چاوکراوەبین بەڕوونی دەبینین کە ڕووداوەکان گرێدراوی یەکن، دواجاریش ئامانج لێی پەرتکردن و لێدانە لە گەلی ئێمە، تا ئاستی توانەوەمان، هاوتای ئەمەش نوغبەیەکی بەناو ڕۆشنبیر و نوسەر و هونەرمەندیان بەرهەمهێناوە، کە لە ڕاستیدا تەواو پێچەوانەی بنەما و پرەنسیپ و جەوهەری هەریەک لەو فۆرمانەن، بەڵکو بە ڕوونی خەریکی چەواشەکاری و خۆڵکردنە چاوی خەڵکن، بە گۆڕینی ڕاستییەکان و بڵاوکردنەوەی زانیاری ناڕاست (درۆ)، یاخود پێشخستنی تەرزێکی ژەهراوی بە چێکردنی دەیان وەهم و نائومێدییەکی موتڵەق، پیرۆزکردنی کۆمەڵێک نەریت و بابەتی ژیانی سادە و شاردنەوەی حەقیقەت و دابڕانی تاک لە واعیع (ڕاستی) خۆی و کۆمەڵگاکەی و ڕازاندنەوە و جوانکردنی ئەم تەرزە بەتایبەتی لەناو گەنجاندا، کە ئەمەش ڕاستەوخۆ لە پێناو دەستخستنی لایەنێکی مادی و ژیانی بۆ خوووی نوسەر و خزمەتکردن و درێژەدان بەو دەسەڵاتە کۆنەپارێز و دیکتاتۆرەیە، واتا بازرگانییەکی ڕووت و نائەخلاقییە و باجەکەشی کۆمەڵگا ئەیدا،
 ڕێبەر ئۆجالان لە هەڵسەنگاندن و باسکردن لە ڕۆڵ و پێوانەکانی ڕۆشنبیر و هونەرمەند و نوسەر لەناو گەلدا زۆر بەجوانی ئێژێ" ئەگەر بمانەوێت بە خۆمان بڵێین نوسەر و ڕۆشنبیر و هونەرمەند، دەبێ لە خۆمان بپرسین چیمان بۆ شۆڕش و میللەت کردووە؟ بۆ ئەوەی وەڵامی ئەم پرسەش بدەینەوە، دەبێت بزانین کە شۆڕش و میللەت چین؟ شۆڕش و گەل چۆن بەیەکەوە گرێدراون؟ لەمەش زیاتر شۆڕش چ مانایەک بۆ گەلی کورد هەڵدەگرێت؟ لەوانەیە شۆڕش بۆ هەندێ گەل شتێکی زۆر پێویست نەبێت، لەوانەیە بەچەند ڕیفۆرمێکی کۆمەڵایەتی زۆر بەرەوپێشەوە بچێت، بەڵام بۆ ڕەوشی گەلی کورد شۆڕشێکی چۆن پێویستە؟ ئەم شۆڕشە تا چەند پێویستی بەکاری ڕۆشنبیری و هونەری هەیە؟ ئەگەر ڕۆشنبیرێک بە قوڵایی لەسەر ئەم شتانە نەبێتە خاوەن بۆچوون و ئیرادەیەکی مەزن ئەوا ناتوانێ بڵێ من ڕۆشنبیری گەلێکم".
لێرەدا یەک پرسیار دەکەم: 
گەر ئەم هێز و گوڕەی لە باوەشی گەرمی کوردەوارییدا مۆڵی بەستووە، لە  گەرمیان و کەرکوکەوە تا عەفرین و کرماشان و ئیلام، لە بۆتان و ئامەد و دەرسیمەوە تا مهاباد و موکریان و هەولێر و بارزان و بادینان، لە سلێمانیی و شارەزوور و شارباژێڕەوە تا سنە و هەورامان و ئورمییە، لە پێناوی ئازادیی چاند و کۆمەڵگەی کورد، لە پێناوی ئازادیی ژنی کورد، لە پێناو ئازادیی سەرتاسەریی کوردستان بە خەرج درابا، ئێستا ڕۆژی کوردان هەڵهاتبوو یان نا؟ گەر هێڵی خیانەت و چەورەی ناوخۆ لێ گەڕابا، ئێستا کوردستان و بەها و نرخ و نەریتەکەی‌ بە چەشنێ بوو، کە تێکڕای داگیرکەر و فاشیستان لاتراسکەیان لێ دەبەست و لە سێبەری دەسڵەمینەوە.


چه‌ند هه‌واڵكی تر

‌ڕاستینەی ئیسلام لە دیدی ئۆجالان...

‌نێچیرڤان بارزانی ڕاستدەکات هەموو شتێ خەتای پەکەکەیە.!...

‌هاتنی تورکیا بۆ قه‌ندیل خیانه‌تیک به‌تامی31ئاب...

‌منبیج، کشانەوەی هێزە کوردییەکان بۆچی؟ ئامانج و پلانەکانی تورکیا چین؟...

‌داپڵۆساندنی کۆمه‌ڵگه‌... له‌ که‌سایه‌تی گه‌نجدا...

‌ئەوکاتەی شۆڕش دەبێتە پارە!...

‌هەڵوێستەیەک لەسەر بزوتنەوەی گۆڕان...

‌مێژوو جارێکیتر مەیلی خۆ دوبارەکردنەوەی هەیە!...

‌عەفرین لەنێوان پشتگیری و دژایەتیدا...

‌گەنجان و حیزب...

‌بۆچی لەم کاتەدا ڕیفراندۆم؟ ...

‌گۆڕینی ڕۆژەڤ "بابه‌ت"...

123
په‌ڕه‌یله‌ 3
ژماره‌ی بابه‌ت

كه‌ش و هه‌وا

فەیسبووك