کوردی           عربی

لە دوزخورماتوو سیمینارێک لەسەر پیلانگێڕیی بەڕێوەچوو‌

14/02/2019

Tuesday‌




ئێوارەی ئەمڕۆ، ۱٤ی شوبات، لە دوزخورماتوو سیمینارێک بۆ ئازاد قادر ئەندامی بەڕێوەبەرایەتی تەڤگەری ئازادیی لە چوارچێوەی سمینارێکدا ۲۰مین ساڵەی پیلانگێڕی نێودەوڵەتی سەر ڕێبەر ئۆجەلان شەرمەزار کرا.

سەرەتای سیمینارەکە بەدەقیقەیەک ڕاوستان بۆ شەهیدان دەستی پێکرد، ئازاد قادر وتی:" سەرەتا بیستەمین ساڵوەگەڕی پیلانگێڕیی سەربەڕێز ئۆجەلان ڕسوا و شەرمەزار دەکەین، وەسەری ڕێز و ئەمەکداریی بۆگیانی پاکی سەرجەم شەهیدانی ڕێگەی ئازادیی گەلان و هەموو ئەو شەهیدانە دادەنەوێنین کەبەئاگری جەستەی خۆیان بوون بەپەرژینێکی ئاگرین لەچواردەوری بەڕێز ئۆجەلان، چوونکە ئەوەی لەئاستی ناسین و تێگەیشتنی کەسایەتی بەڕێزیدابووبێت ئەو ڕاستیەی دەبینی کەلەکەسایەتی بەڕێزیاندا پیلانگێڕی لەسەر سیستەم و هێڵی بەرخودانی گەلانی ڕۆژهەڵاتی ناوین و ئیرادەی ژنی ئازاد بەڕێوەدەچێت، کەچەندینی وەکوو ئەلەفتەریا و ڤیان و سەمایوجەکان لەچالاکی گیانبازیدا هیچ دوو دڵیەکیان نەکرد، چوونکە لەگەورەیی پیلانگێڕیی گەورەیی ئەو مەترسیەیان دەبینی و دەیانزانی بەپیلانگێڕییەکی بەوشێوەیە دەرگا بەڕووی زهنیەتێکی وەکوو داعش دەکرێتەوە و کەلەئەنجامدا بەرهەمی پیلانگێڕیی کۆمەڵکووژی مرۆڤایەتی لێ دەکەوێتەوە، ڕاستی ئەو مەترسیەش دەرکەوتە ڕوو، کەچی ماڵوێرانیی و کۆمەڵکووژیەکیان بەسەر گەلانی ناوچەکەدا هێنا، کە لەشەنگالدا کۆمەڵکووژی گەیشتە لوتکە و خواستیان لەژنانی شەنگالدا ئەو ئیرادەیەی ژنی ئازاد بشکێنن کەبەپیلانگێڕیی نەیانتوانی لەئیمراڵی دا تێکیبشکێنن".

هەروەها وتیشی:" هەر لەسەروبەندی پیلانگێڕییدا ژنان لەئاستی هەستیاری ئەو پیلانگێڕیە تێگەیشتن و خۆیانکرد بەپەرژینێکی ئاگرین و بەیەک دەنگ گووتیان ناتوانن ڕۆژمان لێ تاریک بکەن، بەڕێز ئۆجەلان لەهزر و فەلسەفەی خۆیدا چۆن ئیرادەی کۆمەڵگەیەکی ئازاد و خاوەن بڕیاری لەژنی ئازاد و خاوەن ئیرادەدا دەبینی، لەپراکتیکدا ئەو ڕاستیە لەبەرخودانیی کۆبانی و عەفرین دەرکەوتەپێش چاو کەبەپێشەنگایەتی ژنانی خاوەن ئیرادە توانیان لەپێش چاوی هەموو زلهێزەکانی جیهان پایتەختی داعش تەفروتونابکەن، کەلەهەمانکاتدا ئەو هەنگاوە تەفروتوناکردنی زهنیەتی پیاوسالاریش بوو".

لەکۆتایدا ئازاد قادر ڕایگەیاند:" بانگ لە ڕای گشتی و نێودەوڵەتی دەکەین، چیتر بێدەنگ نەبن لەبەرامبەر ئەو گۆشەگیریەی سەر بەڕێز ئۆجەلان و بەئەرک و بەرپرسیارێتی خۆیان هەستن، بەزووترین کات وڵامی ئەو مانگرتنە پڕشکۆیەی زیندانیانی سیاسی و ئەوروپا و ناوخۆی وڵات بدەرێتەوە کەبەپێشەنگایەتی لەیلاگۆڤەند دەستی پێکردوە، وەلەهەمانکاتدا بانگ لەگەلەکەمان و هەموو گەلانی ئازادیخواز دەکەین، کەهەڵمەتی شکاندنی گۆشەگیری بگەیەنینە لوتکە و ئازادیی گەلان و ژیانێکی پڕ لەئاشتی و پێکەوە ژیان بەدەست بێنن، بەئازادیی بەڕێز ئۆجەلان، داواکارین لەحکومەتی هەرێم و هەندێک لە لایەنە سیاسیەکانی باشووری کوردستان، لەوەزیاتر نەکەونە خزمەتی خواست و داواکاریەکانی داگیرکەرانی کوردستان لەپێناوی هەندێک بەرژەوەندی بچوکی حزبایەتی و بنەماڵەیی، بگەڕێنەوە بۆ خواست و ویستی گەلی بەرخودێری باشوور و بەتایبەتی خەڵکی شێلادزێی خاوەن هەڵوێست، کەبەزووترین کات گیراوانی ئەو ڕاپەڕینە پڕشکۆیە ئازادبکەن بەداوای لێبووردنەوە".

چه‌ند هه‌واڵكی تر

‌جه‌ژنی قوربانتان پیرۆزبێت...

‌گەمارۆدانی کەمپی پەنابەرانی مەخمور شەرمەزارییەکی گەوەرەیە بۆ دەسەڵاتدا...

‌سەرکەوتوبێت شۆرشی ۱۹ تەموز لەگەلی بەرخۆدێری ڕۆژئاوای کوردستان و تەواوی...

‌ته‌قینه‌وه‌‌و بۆردومانه‌كان هێرشی‌ یه‌ك پیلانن...

‌جەژنی ڕەمەزانتان پیرۆزبێت...

‌هێرشه‌كانی ده‌وڵه‌تی توركیا بۆ داگیركردنی باشووری كوردستان جێگه‌ی قبوو...

‌هەڵبژاردنێکی‌ نادیموکرات، قەیرانەکان قوڵتر ده‌کاتەوە...

‌یاسای سەرۆکایەتی هەرێم، لەپێناو پێشخستنی تاکڕەوێتی و سەرکوتکردنی کۆمەڵ...

‌مانگی‌ ره‌مه‌زان مانگی‌ قوڵبونه‌وه‌و به‌خۆدا چونه‌وه‌یه‌...

‌هێرش بۆ سه‌ر نه‌وه‌ی نوێ حسابنه‌كردنه‌ بۆسه‌روه‌ری یاسا و به‌كارهێنانی...

‌بەشێک دەبین لە تێکۆشانی کرێکاران و ڕەنجدەران لە پێناو ژیانێکی شایستە و...

‌جه‌ژنی چوارشه‌ممه‌ سوور و سه‌ره‌تای‌ ساڵی‌ نوێی گه‌لی ئێزدیمان یپرۆز ب...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك