کوردی           عربی

بکوژانى 17ى شوبات دیارن کە کێن، بۆیە دەبێت بدرێنە دادگا‌

16/02/2019

Wednesday‌


بەر لە هەر شتێک شەهیدانى 17ى شوبات بە بیر دێنینء سەرى رێزو نەوازش لە بەرامبەر گلکۆى پیرۆزیان دادەنەوێن، سڵاو دەنێرین بۆ تەواوى بنەماڵە سەربەرزەکانیان. 
لە دوای ڕاپەڕینی ساڵی 1991 وە گەلی باشوری کوردستان دووچاری گەورەترین قەیران و نەهامەتی بوو، هەرچەندە ژێرخانی ئابوری هەرێمی کوردستان ئەوەندە دەوڵەمەند بوو کە دەرفەتی ئەوەی نەهێشتبووەوە گەل دووچاری قەیرانی دارایی ببێت، بەڵام گەندەڵی سیاسی،  نەبونى عەقڵیەتێکى دیموکراتیىء کەسانى شایستەء دەست پاک لە بەرێوەبەرایەتى، ئەم هەرێمە بوو بە سەرچاوەى قەیرانء نەهامەتیەکان بۆ گەلەکەى. ئەگەرچى گەلی کورد دوای ڕاپەڕین ئومێدێکى بە دەسەڵاتی کوردی پەیدا کرد، بەڵام هەر زوو خەڵکى هەقیقەتى دەسەڵاتدارانی ئەم هەرێمەى بۆ دەرکەوت. لەلایەکی ترەوە هەڵگیراسانی شەڕی ناوخۆ بە فیتی دەوڵەتە داگیرکەرەکانی کوردستان وەکو تورکیا و ئیران ئەوەندەی تر ڕەوشی باشوری کوردستانی تێک دا ، ئەم ڕەوشە خراپەش لە ئەنجامی نزمی ئاستی هۆشیاری سیاسیء دیموکراتی بوو، تا کار گەشتە ئەوەی حیزبە دەسەڵاتدارەکان گەندەڵیء خیانەتەکانیشیان بە نرخی کوردایەتی بە گەل بفرۆشنەوە، ئەم گەندڵیە گەشتە ئاستی ئەوەی جەماوەری باشوری کوردستان بتەقێتەوە بە ناڕەزایەکی دیموکراتیانە داوای بەجێهشتنی دەسەڵات لە حیزبە دەسەڵاتدارەکان بکەن، کە ئەمە داواکاریەکی مەدەنی و دیموکراتی و حقوقی بوو ، بەڵام هێزی دەسەڵات لە بەرامبەر ئەم ناڕەزاییء داواکاریانەى گەل، دەستی بە وەڵامدانەوەی سەربازی کردووە و چەندین کەس شەهیدءء بریندار بون.
هێزە کانی دەرەوەی دەسەڵاتیش  کە بانگەوازی خاوەنداریان دەکرد لەو سەرهەڵدانە ، بەڵام ئەوانیش بۆ خۆیان بە هەمان تەرز و رێبازی دەسەڵات خەریکی بە کار هێنانی جەماوەر بون بۆ بەهێز کردنی پێگەی دەسەڵاتی حیزبی خۆیان. دەرەنجام پاش نزیکەی دوو مانگ ناڕەزایی و تێکۆشان ئەنجام بە شەهید بونی چەندین ڕۆڵەی گەلەکەمان و هێور کردنەوەی دەنگی ڕەزایی خەڵکی ستەمدیدە کۆتایی هات سیاسەتی سەرکوتکردن و لاوازی ئۆپۆزیسیۆن ئەوەندەی تر ڕەوشەکەی ئاڵۆزتر کردءء دڵی دوژمنی خۆش کرد، هەرچەندە کە دەوڵەتە هەرێمیەکان لە هێشتنەوەى ئەو دەسەڵاتە لەو کاتەدا رۆڵێکى بەرچاویان هەبوو بۆ ئەوەى خۆپیشاندانەکان بێ ئەنجام بن، کە ئەمەش خەسارەتێکی گەورە بوو.
پەندی گرنگ لەم سەرهەڵدانە جەماوەریە ئەوەیە هەتا گەل ئاستی هۆشیاری بەرز نەبێتەوە ناتوانێ بە ئیرادەی خۆی خاوەنداری لە دەستکەوتەکانی خۆی بکات.  بەڵکو کۆمەڵێ هێز هەلەکە دەقۆزنەوە و بۆ مەرامی خۆیان بەکاری دەهێنن خاڵێکی تر ئاستی ڕێکخستنی سەهەڵدانەکە لەسەر فکر و ڕێبازێکی دیار، گرەنتی سەرکەوتنە.
وەک تەڤگەرى ئازادى کۆمەڵگەى کوردستان کە هەمیشە دەنگمان لەگەڵ نارەزایەتیەکانى جەماوەرء ئازادیخوازەکان بووە، وێراى بەبیر هێنانەوەى شەهیدانء سڵاو کردن لە بنەماڵە سەربەرزەکانیان، هیواى هەرچى زوو چاکبونەوە بۆ بریندارەکان دەخوازین. 
لە ساڵڕۆژى سەرهەڵدانەکەى 17ى شوباتدا داواکارین لە پەرلەمانتارانى هێزە ئۆپۆزسیۆنەکان بە فەرمى لە پەرلەمانى کوردستانەوە ئەم دۆسیەیە بجوڵێننء داواى دادگایى کردنى بکوژانء تەقەکەران بکەن کە دیارە کێنء ئاشکران. 
لە کۆتاییدا دەڵێین داواکاریەکانى گەلەکەمان لە 17ى شوباتء تەواوى سەرهەڵدانەکان لە بەرامبەر گەندەلىء نادیموکراتى ئەم دەسەڵاتە ناڕەزایەتىء داواکارى بەجێ بوونء بەجێن، لە هەر هەلومەرجێکء قۆناخێکدا پشتیوانى لەم دەنگە ناڕەزایەتیەکانە دەکەینء لەسەر داواکارىء رێبازى ئەو شەهیدانەء تەواوى شەهیدانى رێگەى ئازادى درێژە بە کارو خەبات دەدەین. 
دەستەى بەرێوەبەرایەتى 
تەڤگەرى ئازادى کۆمەڵگەى کوردستان
17ى  شوبات 2019

چه‌ند هه‌واڵكی تر

‌یاسای سەرۆکایەتی هەرێم، لەپێناو پێشخستنی تاکڕەوێتی و سەرکوتکردنی کۆمەڵ...

‌مانگی‌ ره‌مه‌زان مانگی‌ قوڵبونه‌وه‌و به‌خۆدا چونه‌وه‌یه‌...

‌هێرش بۆ سه‌ر نه‌وه‌ی نوێ حسابنه‌كردنه‌ بۆسه‌روه‌ری یاسا و به‌كارهێنانی...

‌بەشێک دەبین لە تێکۆشانی کرێکاران و ڕەنجدەران لە پێناو ژیانێکی شایستە و...

‌جه‌ژنی چوارشه‌ممه‌ سوور و سه‌ره‌تای‌ ساڵی‌ نوێی گه‌لی ئێزدیمان یپرۆز ب...

‌ئەنفال مەترسیەکی بەردەوامە پێویستی بە تێکۆشانێکی نوێ هەیە...

‌پیرۆزبێت سەرکەوتنی ماناداری هەدەپە...

‌هه‌موارکردنه‌وه‌ی یاسای سه‌رۆکایه‌تی هه‌رێم، پێویستی به‌ زیهنیه‌تێکی د...

‌سەرکەوتنی سەردەم لە گشت جیهان پیرۆز دەکەین...

‌‎تەڤگەری ئازادی: وەرن لە دژی داگیرکاری و تەسلیمکاری نەورۆزی سەرهەڵدا...

‌‎شه‌نگال ده‌بێت برینه‌كانی ساڕێژ بكرێت، نه‌ك جارێكی تر شه‌هید بكرێته‌و...

‌کۆمه‌ڵکوژی نیوزلاند ئیدانه‌وشه‌رمه‌زار ده‌که‌ین...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك