کوردی           عربی

" دیدارێکی ئاسایی نەبوو..." ‌

20/02/2019

Wednesday‌

نەجیبە قەرەداغی 

" هەر دیدارێکی ئاسایی بە وشەی سڵاو، چۆنی؟ دەست پێدەکات و بەماڵئاوایی کۆتایی دێت، بەڵام ئەوە دیدارێکی ئاسایی نەبوو. دیدارەکەمان بەئەحواڵپرسین دەستی پێنەکرد و بەخاترخواستن دوایی نەهات، هەم سەرەتا و هەم دوایی بە زمانی چاو لەگەڵ یەک قسەمان کرد. ئەوە قورساییەکی لەسەر مرۆڤ دروست دەکرد، ئەرکی قۆناغی دەهێنایەوە یادمان. ئەوان بە چاوی خۆیان داواکانیان بە ئێمە گوت و ئێمەش لە چاویان دا هیوامان بینی و هەردوولاشمان هەستیار بووین و چاومان پڕ بوو لەفرمێسک". 

ئەوە قسەی پرۆفیسۆری ئیتالی خەڵکی ساردینیا - جان لویجی دەیانا یە کە ماوەی شەش رۆژ پێکەوە لەگەڵ ٨٠ ئینتەرناسیۆنالیست کە لە زیاتر لە ٤٠ وڵاتی جیهانەوە هاتبوون لە لۆکسەمبورگەوە دەستمان بە رێپێوانی درێژمەودا کرد بەرەو ستراسبۆرگ لە پێناوی ئازادی ڕێبەر ئۆجالان و پشتگیری لە داخوازی مانگرانی ناکۆتا. 

پرۆفیسۆری ئیتالی خەڵکی ساردینیا - جان لویجی دەیانا  هەم دۆستێکی کەوناری بزوتنەوەی ئازادی و هەم لە چوونی رێبەر ئۆجالانەوە بۆ ڕۆما لە ساڵی ١٩٩٩ ەوە هەموو ساڵ بۆ نەورۆز، بۆنەکانی دیکە و هەم بۆ چاودێری هەڵبژاردنەکان خۆی دەگەیەنێتە باکور. ئەو یەک لەو پێنج کەسە بوو کە وەک نێردە دەستنیشان کران کە بەناوی بەشدارانی رێپێوانی درێژەوە سەردانی مانگرانی ستراسبۆرگ بکەن، کە گەڕانەوە هەرکەس بە جۆش و مەراقەوە چاوەڕێی چاودێری و پەیامەکانی ئەوان بوو. هەر یەک لەوانە زانیاریان دا بەڵام ئەوەی جان لویجی لە هەمان کاریگەرتر بوو. ئەو بەو پەرەگرافەی سەرەوە دەستی پێکرد و لە ناخ، دڵ و مێشکی خۆیەوە هاوسەنگانە و هەستیارانە قسەی دەکرد و گوتی " جاری وایە کە چەند نیگایەکی زمانی چاو بەبەرتەقای دە سەعات قسە کردنە. ئەوان بەنیگاکانیان ئەرکی ئێمەیان هێنایەوە بیرمان و بە جەستەی خۆیان ئامانجەکانی خۆیان پێگوتین. ئێمە لە ژێر ئەو کەشە قورسەی بەرپرسیارێتیدا تەنیا لە چاوانی ئەوانمان دەڕوانی". ئەو گوتی یەک لە بەشدارەکانی مانگرتنی ستراسبۆرگ کاردۆ بۆکانی پێی گوتین: " ئێمە لە مردن ناترسین، بەڵام ئێمە بۆ شتێک لێرەین، بۆ شکاندنی گۆشەگیری دەستمان بە مانگرتن کردووە، ئێمە بۆ مردن نەهاتوینە ئێرە، بۆ ژیانێکی بەکەرامەت لێرەین". 
جان لویجی وەها باسی لە هەستی خۆی کرد: " هەستیاربوونمان و فرمێشکی چاوانمان لە لاوازیمانەوە نیە، بەڵام لە وەفاداری و پەیوەستبوونمانە بەیەک، ئەوان لە قوڵایی ناخەوە ئێمەیان هەژاند، دەبێ ئەو قوڵاییەش بگەیەنینە هەرجێیەک". 
کریستینا گەنجێکی خەڵکی سویسراش لە هەمان گروپدا بوو وتی : " ئەم بابەتە زۆر میدیایی نەبووە لە جیهاندا. میدیای جیهان بە ئاگاییەوە خۆی لێ گێڵ دەکات، دەبێ مسۆگەر شتێک بکەین، لەوانەیە هێزی من کەم و بچوک بێت بەڵام ئەوەی هەمە سەفەربەری دەکەم". دوای رێپێوانی درێژ و کۆبونەوە گەورەکەی ستراسبۆرگ کە مانگرەکانی ستراسبۆرگیش خۆیان هاتن و پەیامیان دا، بەشدارانی رێپێوانی قۆڵی ئینەرناسیۆنالیستیش کاتی لەیەکدابڕانیان هاتبوو بەڵام هەر چۆن جان لویجی ئەو دیدارەی لەگەڵ مانگراندا بە نائاسایی وەسف کرد، دیدارەکەی ئێمەش هەروا، بۆ ئەوەش کە یەک دابڕاین ئەرکی بەپەلەمان هێنایە یادی یەکتر. 
ژنانی بەشداری رێپێوانەکە هەر چۆن لە نامەکەی خۆیاندا بۆ لەیلا گویڤەن نەسیبوویان ڕاوەستان تاوانە، نابینە هاوبەشی ئەو تاوانە، هەموو هاوڕا بوون لەسەر ئەوەی کە هێزی هەژمونی و دەولەت سیستەمی ئیمرالیان دامەزراند، بەڵام مێژوو ئەوەی سەلماندووە کە هیچ هێزێک ناتوانێ لەبەرامبەر هێزی گەل و ئیرادەکەی تا سەربچێت و بەهێزتر نیە. کاتێ لە یەکدابڕاین بەڵێنمان بە یەکدا کە درێژە بە کاروانی بەرخودان بدەین. هیوامان خواست ساڵی ٢٠٢٠ بۆ هەمان ئامانج رێپێوان ئەنجام نەدەین، لەبەرئەوەی کە رۆژی ئازادی لە ساڵی ٢٠١٩ دا هەڵدێت و کۆتایی بە دکتاتۆری و فاشیزم دێت. 

لەیلا گویڤەن بە هەست و ئەقلی خۆی ئەزمونێکی مێژوویی نوێکردنەوەی بەرخودانی پێداین و هەروەک گوتی" سەرکەوتن لە هەموو کاتێک نزیکترە" لە دیدارێکی تردا بۆ پیرۆزکردنی ئەو سەرکەوتنە لەگەڵ هەڤاڵانی ئینتەرناسیۆنالیستدا دەگەینەوە یەک. 


چه‌ند هه‌واڵكی تر

‌لوت به‌رزی و بێ مێشكی جه‌نگی سییه‌می جیهانی هه‌ڵئه‌گرسێنی...

‌خراپ به‌كارهێنانی ته‌كنه‌لۆجیا و سۆشیاڵ میدیای ساخته (فه‌یك) ...

‌هاتنه‌كه‌ی مه‌ولود ئۆغلو گوماناوییه‌...

‌له‌ ساڵیادی نووسه‌رو رۆشنبیری تیكوشه‌ر دانا جه‌لال...

‌هەولێر ناوندێک بۆ داڵدەدانی تاوانباران...

‌( بەڕای من پەکەکە یەکێکە لە دواکەوتوترین ئەحزابی ناسیۆنالیستی ناوچەکە…...

‌مانگرتنی بێسنوور وه‌كوو چالاكییه‌كی ده‌گمه‌ن...

‌پەکەکە دوای کشانەوەی ئەمریکا چی دەکات؟...

‌3ی ئاب خاڵی وەچەرخان لە عەقڵی تاكی كورد...

‌ئه‌رته‌شی ئازاد یان ئه‌رته‌شی تیرۆریست؟...

‌ده‌نگدانه‌، ده‌نگدانه‌...

‌تا بەرەو بەرزی چیاكان دەرۆین دیمەنی سروشت جوانتر دەنوێنن...

په‌ڕه‌یله‌ 7
ژماره‌ی بابه‌ت

كه‌ش و هه‌وا

فەیسبووك