کوردی           عربی

‎شه‌نگال ده‌بێت برینه‌كانی ساڕێژ بكرێت، نه‌ك جارێكی تر شه‌هید بكرێته‌وه‌

19/03/2019

Sunday‌

له‌مێژووی ڕابردوودا 74 جار فه‌رمان و كۆمه‌ڵكوژیی له‌سه‌ر شه‌نگال به‌ڕێوه‌ براوه‌، دواهه‌مینیشیان له‌3/8/ 2014 و به‌ده‌ستی چه‌ته‌كانی داعش و به‌پیلانی هه‌ندێ هێزی نێوده‌وڵه‌تی و هه‌رێمی و به‌تایبه‌تیش ده‌وڵه‌تی توركیا به‌ڕێوه‌ چوو. له‌و فه‌رمانه‌دا زیاتر له‌5000 كه‌س له‌ خه‌ڵكی شه‌نگال و ده‌وروبه‌ری كۆمه‌ڵكوژكران، ئه‌و كاره‌ساته‌ش ویژدانی كۆمه‌ڵگه‌ی نێوده‌وڵه‌تی خسته ژێر به‌رپرسیارێتی و تاكو ئاوڕێكی لێبده‌نه‌وه‌، له‌وه‌ش گرنگتر خه‌ڵكی ئێمه‌ی ئێزدی و به‌پاڵپشتی هه‌ندێ هێزی كوردی توانیان بپارێزرێن و خاوه‌ندارێتی له‌باوه‌ڕ و خاك و خه‌ڵكی خۆیان بكه‌ن. له‌ئێستاشدا خاوه‌ن هێزی پاراستنی خۆیانن و له‌خۆبه‌ڕێكخستن كردنیاندا ئێستا بوونه‌ته‌ خاوه‌ن ئیداره‌یه‌كی خۆماڵی و خۆبه‌ڕێوه‌به‌ر.

 به‌ڵام دیاره‌ هه‌موو ئه‌وانه‌ی نه‌یانویستووه‌ خاوه‌ندارێتی له‌خۆیان بكه‌ن، به‌م كاره‌ی ئێزدیه‌كان ناره‌حه‌تن و له‌هه‌وڵی ئه‌ودان جارێكی تر ئه‌و ئیراده‌یه‌ تێكبشكێنن، ئێمه‌ پێمان وایه‌ جێگه‌ی ره‌خنه‌یه و شه‌رمه‌زارییه‌ له‌ئێستا هیچ هێزێك ماف به‌خۆی بدات هێرشی سه‌ر گه‌لی ئێمه‌ی كورد له‌شه‌نگال بكات. مێژووی رابردووش ئه‌وه‌ی سه‌لماندووه‌ هیچ هێزێك نه‌یتوانیوه‌ پارێزگاری له‌ خه‌ڵكی ئێمه‌ی ئێزدی بكات، به‌هێزه‌كانی عێراق و هه‌رێمی كوردستانیشه‌وه‌، مافێكی ڕه‌واشه‌ هه‌ر پێكهاته و باوه‌ڕمه‌ندیه‌كیش له‌چوارچێوه‌ی پاراستنی خۆیدا هێزی پاراستنی خۆی هه‌بێت، به‌تایبه‌تیش له‌ئێستادا ناوچه‌كه‌ له‌نائارامی دایه‌ و به‌دۆخێكی شه‌ڕ و ئاڵۆزیدا تێپه‌ڕ ده‌بێت و هێشتاش برینه‌كانی كاره‌ساتی كۆمه‌ڵكوژی شه‌نگال ساڕێژ نه‌بووه‌ و دیله‌كانی ده‌ستی داعش رزگاریان نه‌بووه‌ و گۆڕه‌ به‌كۆمه‌ڵه‌كان هه‌ڵنه‌دراونه‌ته‌وه‌، هێشتاش ئاواره‌كانی شه‌نگال و ده‌وروبه‌ری نه‌گه‌ڕێنراونه‌ته‌وه‌ شوێنی خۆیان. به‌ڵام هێرش ده‌كرێته‌وه سه‌ر شه‌نگال.

 ئێمه‌ پێمان وایه‌ ئه‌وه‌ كاریگه‌ری ده‌ستی ده‌ره‌كییه و ده‌سه‌ڵاتدارانی عێراق ده‌بێت خۆیان له‌و كاریگه‌رییه‌یان رزگاربكه‌ن، به‌تایبه‌تی ئه‌وانه‌ی گشت عێراق و شه‌نگالیشیان ڕووبه‌ڕووی ئه‌و كاره‌ستانه‌ كرده‌وه‌، ده‌بێت له‌ئێستادا ڕه‌وایی بدرێت به‌خۆپاراستنی ئێزدیه‌كان و ئه‌وه‌ی پێویسته‌ له‌ئێستادا بكرێت گه‌ڕانه‌وه‌ی ئاواره‌كان و ئاوه‌دانكردنه‌وه‌ی شه‌نگال و ئه‌و ناوچانه‌یه‌، ڕزگاركردنی دیل و گه‌ڕان به‌دوای ونبووه‌كاندا، نه‌ك هێرش كردن بۆسه‌ر شه‌نگال. 

بۆیه‌ داوا ده‌كه‌ین ده‌سه‌ڵاتدارانی عێراق و هه‌موو هێزه‌ ئازادیخواز و دیموكراتی خوازه‌كان هه‌رچی زووه‌ ڕۆڵی خویان ببینن له‌ئاسایی كردنه‌وه‌ی ئه‌و دۆخه‌دا، گرنگیشه‌ هه‌ر هێزێك له‌وه‌ تێبگات ئه‌وان توانیان خۆیان ڕزگاربكه‌ن و ده‌بێت ئه‌و هێزه‌ش به‌فه‌رمی بناسێنرێت، تاوه‌كو ئه‌وكاته‌ی گرنتی پاراستنی ئێزدیه‌كان ده‌كرێت و ده‌بێت ئه‌و ڕاستیه‌ش قه‌بوڵ بكرێت كه‌ ئه‌و ئیداره‌ خۆبه‌ڕێوه‌به‌رییه‌ی له‌شه‌نگال و ناوچه‌كه‌ هه‌یه‌ به‌رهه‌می ڕه‌نج و تێكۆشانی خۆیانه و ده‌بێت په‌سه‌ند بكرێت.

تەڤگەری ئازادیی كۆمەڵگەی كوردستان

دەستەی هاوسەرۆكایەتی

١٩/٠٣/٢٠١٩

چه‌ند هه‌واڵكی تر

‌سەرکەوتوبێت شۆرشی ۱۹ تەموز لەگەلی بەرخۆدێری ڕۆژئاوای کوردستان و تەواوی...

‌ته‌قینه‌وه‌‌و بۆردومانه‌كان هێرشی‌ یه‌ك پیلانن...

‌جەژنی ڕەمەزانتان پیرۆزبێت...

‌هێرشه‌كانی ده‌وڵه‌تی توركیا بۆ داگیركردنی باشووری كوردستان جێگه‌ی قبوو...

‌هەڵبژاردنێکی‌ نادیموکرات، قەیرانەکان قوڵتر ده‌کاتەوە...

‌یاسای سەرۆکایەتی هەرێم، لەپێناو پێشخستنی تاکڕەوێتی و سەرکوتکردنی کۆمەڵ...

‌مانگی‌ ره‌مه‌زان مانگی‌ قوڵبونه‌وه‌و به‌خۆدا چونه‌وه‌یه‌...

‌هێرش بۆ سه‌ر نه‌وه‌ی نوێ حسابنه‌كردنه‌ بۆسه‌روه‌ری یاسا و به‌كارهێنانی...

‌بەشێک دەبین لە تێکۆشانی کرێکاران و ڕەنجدەران لە پێناو ژیانێکی شایستە و...

‌جه‌ژنی چوارشه‌ممه‌ سوور و سه‌ره‌تای‌ ساڵی‌ نوێی گه‌لی ئێزدیمان یپرۆز ب...

‌ئەنفال مەترسیەکی بەردەوامە پێویستی بە تێکۆشانێکی نوێ هەیە...

‌پیرۆزبێت سەرکەوتنی ماناداری هەدەپە...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك