کوردی           عربی

جه‌ژنی چوارشه‌ممه‌ سوور و سه‌ره‌تای‌ ساڵی‌ نوێی گه‌لی ئێزدیمان یپرۆز بێت‌

16/04/2019

Sunday‌


 
مرۆڤ هه‌بوونێكی كۆمه‌ڵایه‌تیه‌ و بۆ به‌رده‌وامی به‌ ژیانێكی حه‌قێقی و به‌ گوێره‌ی لۆژیكی بوونی خۆی هه‌میشه‌ له‌ ڕێگه‌ی فیكر و ڕامانه‌وه‌ و پیًَویستیه‌كانی ژیانی خۆی له‌ هه‌موو بواره‌كاندا ڕێكخستووه‌. بۆیه‌ كۆمه‌ڵگای كوردستانیش یه‌كێك له‌ كۆمه‌ڵگا سه‌ره‌كییه‌كان له‌ پێشه‌نگایه‌تی كاروانی مرۆڤایه‌تی و میزۆپۆتامیایه‌، كوردستان ژینگه‌ی شارستانیه‌ت و پێكه‌وه‌ ژیانی گه‌لان، ئایین و باوه‌ڕییه‌ جیا جیاكان بووه‌.
بۆیه‌ یه‌كێك له‌ باوه‌ڕییه‌ دێرین و ره‌سه‌نانه‌ی كوردستان، باوه‌ڕی ئێزدایه‌تیه‌ كه‌وا له‌ تێكه‌ڵی و هاوسه‌نگییه‌كی چڕ و پڕه‌ له‌ گه‌ڵ كۆمه‌ڵگا و سروشت و په‌روه‌درگاردا و له‌ ئه‌م باوه‌ڕییه‌ ره‌سه‌ندا هیچ شتێك به‌ كه‌م نابینرێت و مرۆڤیش به‌شێكه‌ له‌ گه‌ردوون و خۆی به‌ ناوه‌ند نازانێت. هه‌روه‌ها له‌ بۆنه‌ و یاده‌كانیدا میكانیزمێكی سروشتی و لۆژیكی یه‌كتر ته‌واوكردن به‌ بنه‌ما ده‌گرێت و هیچ كات باوه‌ڕی خۆی به‌ سه‌ر ئایین و باوه‌ڕییه‌كانیتردا نه‌سه‌پاندووه‌.
ئه‌گه‌ر به‌ مێژووی گه‌لی كورد و ئێزدیدا بچین به‌ هه‌زاران جار له‌ ژێر ناوی فه‌رمان  كۆمه‌ڵكوژی و تراژیدیای جه‌رگبڕ به‌ سه‌ریدا سه‌پاوه‌ بێ ئه‌وه‌ی هێرشی كردبێته‌ سه‌ر هیچ  گه‌ل و نه‌ته‌وه‌یه‌ك و بێ پاساو خۆێنی حه‌ڵال كراوه‌ و كۆمه‌ڵكوژییه‌كان به‌ پاساوی ئایینی فه‌رمانی خوا و خه‌لیفه‌ جێ به‌ جێ كراوه‌ و نمونه‌ی دوای فه‌رمانی 73هه‌م بوو له‌ كه‌سایه‌تی چه‌ته‌ خوێن مژه‌كانی داعش له‌ شنگال هاته‌ ئاراوه‌.
بۆیه‌ له‌ ڕۆژێكی پیرۆز وه‌ك ئه‌مڕۆدا كه‌ بریتیه‌ له‌ جه‌ژنی چوارشه‌ممه‌ سوور و سه‌ره‌تای‌ ساڵی‌ نوێی ئێزدی له‌ كاتێكدا پیرۆز ده‌كه‌ین كه‌وا تێكه‌ڵه‌ به‌ مزگێنی له‌ ناو چوونی چه‌ته‌ خۆێن مژه‌كانی داعش و ئه‌م جه‌ژنه‌ ده‌كرێت وه‌ك سه‌ره‌تایه‌ك بۆ به‌ دیهێنانی ژیانێكی نوێ و به‌ دوور له‌ زێهنیه‌تی چه‌ته‌گه‌ری و خوێن رشتن و كۆمه‌ڵكوژی به‌ بنه‌ما وه‌ربگیردرێت.
به‌مبۆنه‌وه‌ خاڵی گرینگ ئه‌وه‌یه‌ كه‌ تێكشكانی خه‌لافه‌تی چه‌ته‌كانی داعشی خۆێن ڕێژله‌ كۆبانی و ره‌قا و باخۆز به‌ گیانبازی و خۆنه‌ویستی ڕۆڵه‌ قاره‌مانه‌كانی گه‌لی كورد و گه‌لانی ئازادیخوازی ناوچه‌كه‌ و سه‌رتاسه‌ر جیهان و به‌تایبه‌ت ئیراده‌ی كچان و كوڕانی ئێزدی هاته‌ ئاراوه‌ و قۆناخێكی نوێ بۆ ئاشتی و ئارامی و پێكه‌وه‌ ژیان ده‌سته‌به‌ر كرد.
له‌ هه‌مانكاتدا وه‌ك ده‌زانرێت له‌ باكووری كوردستان له‌ به‌رامبه‌ر سیاسه‌تی قڕكردن و نكۆڵی ده‌وڵه‌تی فاشیستی توركیا و به‌ سه‌ركێشی ئه‌ردۆغانی سه‌رۆكی داعش، به‌ هه‌زاران سیاسه‌تمه‌دار و گه‌نج و ژن و كه‌سایه‌تی گه‌لی كورد و گه‌ڵانی ئازادیخوازی توركیا له‌ زیندانه‌كانی ده‌وڵه‌تی توركیا به‌ندكراون و له‌ به‌رامبه‌ر ئه‌م سیاسه‌ته‌ چه‌په‌ڵ و قێزه‌ونه‌دا به‌ پێشه‌نگایه‌تی هه‌ڤاڵ له‌یلا گۆڤه‌ن و ناسریاغز و هه‌زاران گیراوی سیاسی و چالاكوانی كورد له‌ چوارپارچه‌ی كوردستان و ده‌ره‌وه‌ی وڵات به‌رخۆدان ده‌كه‌ن و ده‌ستیان داوه‌ته‌ مانگرتنی بێ سنوور و ژیانی خۆیان و جه‌سته‌یان كردووه‌ته‌ قه‌ڵغان بۆ به‌رگری كردن له‌ گۆشه‌گیری له‌ سه‌ر ڕێبه‌ر ئۆجه‌لان و گه‌لی كورد. بۆیه‌ پێویسته‌ هه‌موان خاوه‌نداری له‌ بانگه‌وازییه‌ پیرۆزه‌كه‌ی مانگرتووان بكه‌ین و له‌ به‌رامبه‌ر ئه‌ركه‌ نه‌ته‌وه‌یی و ئه‌خلاقیه‌كه‌مان خاوه‌ن هه‌ڵوێست و كردار ببین و پشتگیری ده‌نگی مانگرتووان بكه‌ین و هاواریان بێ وڵام نه‌هێڵینه‌وه‌.
 بۆیه‌له‌ كۆتایدا ئێمه‌ وه‌ك ده‌سته‌ی ئایین و باوه‌ڕییه‌كانی ته‌ڤگه‌ر ئازادی كۆمه‌ڵگای كوردستان سه‌ره‌تا سه‌ری ساڵی نوێ و جه‌ژنی چوارشه‌ممه‌ سوور له‌ گه‌لی ئێزدیمان و هه‌موو گه‌لی كورد و مرۆڤایه‌تی پێشكه‌وتن خواز پیرۆز ده‌كه‌ین و دووباره‌ ده‌كه‌ینه‌وه‌ و ده‌ڵێین: پێویسته‌ به‌ وه‌فاداری به‌ خۆێنی شه‌هیدان و تێكۆشه‌رانی ڕێگای ئازادی گه‌لی كورد و مرۆڤایه‌تی له‌م قۆناخه‌ هه‌ستیاردا هه‌مووان له‌ حزبه‌ كوردییه‌كان، كه‌سایه‌تی، ڕۆشنبیران و ژنان و گه‌نجان و هه‌موو تاكێكی كۆمه‌ڵگای كوردستان و گه‌لانی ئازادیخوازی ناوچه‌كه‌ به‌ یه‌كڕیزی و ته‌بایی له‌به‌رامبه‌ر دووباره‌ بوونه‌وه‌ی هێرش و مه‌ترسیه‌كان وه‌ك باشترین ڕێگا تێكۆشانی دیموكراتیمان پێش بخه‌ین و ئه‌زموونی ڕۆژئاوای كوردستان له‌ چوارچێوه‌ی كۆنفیدراڵیزمی دیموكراتی و خۆبه‌ڕێوه‌به‌ری دیموكراتی وه‌ك ئه‌ڵته‌رنانتیڤ كرداری بكه‌ین.
 
ده‌سته‌ی ئایین و باوه‌ڕییه‌كانی
ته‌ڤگه‌ر ئازادی كۆمه‌ڵگای كوردستان
16/4/2019
 
 

چه‌ند هه‌واڵكی تر

‌هه‌رێمی كوردستان بووه‌ته‌ مۆڵگه‌ی ده‌زگا جاسوسی و سیخوڕییه‌كان...

‌ئەنجامنامەی کۆبونەوەی رێکخستنی ژنانی تەڤگەری ئازادی...

‌جه‌ژنی قوربانتان پیرۆزبێت...

‌گەمارۆدانی کەمپی پەنابەرانی مەخمور شەرمەزارییەکی گەوەرەیە بۆ دەسەڵاتدا...

‌سەرکەوتوبێت شۆرشی ۱۹ تەموز لەگەلی بەرخۆدێری ڕۆژئاوای کوردستان و تەواوی...

‌ته‌قینه‌وه‌‌و بۆردومانه‌كان هێرشی‌ یه‌ك پیلانن...

‌جەژنی ڕەمەزانتان پیرۆزبێت...

‌هێرشه‌كانی ده‌وڵه‌تی توركیا بۆ داگیركردنی باشووری كوردستان جێگه‌ی قبوو...

‌هەڵبژاردنێکی‌ نادیموکرات، قەیرانەکان قوڵتر ده‌کاتەوە...

‌یاسای سەرۆکایەتی هەرێم، لەپێناو پێشخستنی تاکڕەوێتی و سەرکوتکردنی کۆمەڵ...

‌مانگی‌ ره‌مه‌زان مانگی‌ قوڵبونه‌وه‌و به‌خۆدا چونه‌وه‌یه‌...

‌هێرش بۆ سه‌ر نه‌وه‌ی نوێ حسابنه‌كردنه‌ بۆسه‌روه‌ری یاسا و به‌كارهێنانی...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك