کوردی           عربی

بەشێک دەبین لە تێکۆشانی کرێکاران و ڕەنجدەران لە پێناو ژیانێکی شایستە و ئازاددا‌

30/04/2019

Sunday‌



مانگی ئایار مانگی تێکۆشانی کرێکار و زەحمەتکێشان و ئازادییخوازانە لە دژی ستەم و چاوساندنەوەی دەسەڵاتداریی و سیستەمی سەرمایەداری کە بۆتە بەڵای سەری مرۆڤایەتی، بە بۆنەی هاتنی ١ی ئایارجەژنی کرێکاران سه‌ره‌تا بۆ ئه‌و شەهیدانەی ڕۆحی خۆیان لە پێناو مرۆڤایەتی و ژیانێکی دادپەروەرانە و یەکساندا بەخشی سه‌ری ڕێز دادەنەوێنین، هەروەها ئەمڕۆژە بە ئومێدەوە پیرۆزدەکەین لە سەرجەم کرێکار و زەحمەتکێش و ئازادیخواز.

 لە کاتێکدا مۆدێرنیتەی کاپیتالیزم لە هەر کات زیاتر کرێکار و جوتیاران لە جیهاندا بە گشتی ڕوبەڕووی چەوساندنەوە کردۆتەوە، چینەکان ڕۆژ دوای ڕۆژ جیاوازی نێوانیان زیاتر دەبێت و هەژاریی ژیانی زۆرێک لە گەلان و کۆمەڵگەکانی بەگشتی خستۆتە مەترسیەوە، هەروەها ساڵانە لە سەرتاسەری جیهان بەلایه‌نی کەمه‌وە به‌ ده‌یان هه‌زار کرێکار بەهۆی سەختی کارەکانیان گیان لەدەست دەدەن.

 نوخبەیەکی کەمی دەسەڵاتخواز و بەرژەوەندی پەرست لە باشووری کوردستانیش کە دەسەڵاتیان گردۆتە دەست و خۆیان لەسەر ڕەنج و زەحمەتیەکانی گەلەکەمان دەوڵەمەند کردوە و بازرگانی بە ژیان و خوێنی گەلەکەمانەوە دەکەن، زۆرینەی کۆمەڵگه‌یان ڕووبەڕووی هەژاریی و چەوساندنەوە و ژیانێکی سەخت کردۆتەوە، داهات و سامانی وڵات دەدزن، موچەی خەڵک دەبڕن، کەچی لەولاشەوە سادەترین پێداویستیەکانی ژیانیی رۆژانەشیان بە ئاو و کارەبا و خوێندن و چارەسەری تەندروستی ...هتد، کردۆتە سەرچاوەی وەرگرتنی پارە و ڕوتاندنەوەی کۆمەڵگه‌، لەم دۆخەشدا کرێکاران، ڕه‌نجده‌ران، ژنان،  گەنجان و خاوەن پێداویستە تایبەتەکان زەرەر مەندی یەکەمن و ڕۆژانە دەبنە قوربانیی.

وێڕای هەموو ستەم و چەوساندنەوەکانی سیستەمی دەسەڵاتداریی، خۆشبەختانە لە هەر شوێنێکی جیهان بە گشتی و کوردستان بە تایبەت لە هەر کات زیاتر تێکۆشانی ئازادیی و یەکسانی بڵند دەبێت، پەتی ستەمکاریی و چەوساندنەوە لە کەسایەتی ژنی ئازادا كه‌ به‌مانگرتنی بێسنوور له‌ كوردستان و ده‌ره‌وه‌ی وڵات بە پێشانگایەتی لەیلا گۆڤەن، هەروەها هەرێم مه‌حمود ڕۆژ بەڕۆژ زیاتر ورد و خاش دەکرێت و ئیرادەی ڕەنجدەران و ئازادیخوازان بەرەو سەرکەوتن هەنگاو دەنێت.

وەک تەڤگەری ئازادیی كۆمه‌ڵگه‌ی كوردستان وێڕای  ئەوەی جارێکی تر ١ی ئایار لە گەلە ڕەنجدەرەکەمان پیرۆز دەکەین، لە هەمان کاتدا بانگەوازی لە کرێکاران و هەموو مرۆڤە ئازادیخواز و ڕەنجدەرەکان دەکەین،  لە دەوری یەکتر کۆببنەوە و ڕێکخستنیان بەرفراوان بکەن و دەست لە ناو دەست کە لە پێناو مافەکانی خۆیان و کۆمەڵگەکەشماندا لە ناو تێکۆشاندا بن، چونکە ڕێکخستنبوون و بڵندکردنی تێکۆشان تاکە ڕێگه‌یە لە پێناو فەراهەم کردنی ئازادیی، یەکسانی، دادپەوەری و ژیانێکی شایستەدا، لە هەمانکاتدا ڕاشیدەگەیەنین تێکۆشانی تەڤگەری ئازادیی وەک ڕێکخستنێکی‌ ئۆپۆزسیۆنی لە باشووری کوردستان دەبینە بەشێک  لەو تێکۆشانە کە بە جەوهەری تێکۆشانی گشتی کۆمەڵگەکەمانی دەزانین.


تەڤگەری ئازادیی کۆمەڵگەی کوردستان
ده‌سته‌ی به‌ڕێوه‌به‌رایه‌تی
30/4/2019


چه‌ند هه‌واڵكی تر

‌هه‌رێمی كوردستان بووه‌ته‌ مۆڵگه‌ی ده‌زگا جاسوسی و سیخوڕییه‌كان...

‌ئەنجامنامەی کۆبونەوەی رێکخستنی ژنانی تەڤگەری ئازادی...

‌جه‌ژنی قوربانتان پیرۆزبێت...

‌گەمارۆدانی کەمپی پەنابەرانی مەخمور شەرمەزارییەکی گەوەرەیە بۆ دەسەڵاتدا...

‌سەرکەوتوبێت شۆرشی ۱۹ تەموز لەگەلی بەرخۆدێری ڕۆژئاوای کوردستان و تەواوی...

‌ته‌قینه‌وه‌‌و بۆردومانه‌كان هێرشی‌ یه‌ك پیلانن...

‌جەژنی ڕەمەزانتان پیرۆزبێت...

‌هێرشه‌كانی ده‌وڵه‌تی توركیا بۆ داگیركردنی باشووری كوردستان جێگه‌ی قبوو...

‌هەڵبژاردنێکی‌ نادیموکرات، قەیرانەکان قوڵتر ده‌کاتەوە...

‌یاسای سەرۆکایەتی هەرێم، لەپێناو پێشخستنی تاکڕەوێتی و سەرکوتکردنی کۆمەڵ...

‌مانگی‌ ره‌مه‌زان مانگی‌ قوڵبونه‌وه‌و به‌خۆدا چونه‌وه‌یه‌...

‌هێرش بۆ سه‌ر نه‌وه‌ی نوێ حسابنه‌كردنه‌ بۆسه‌روه‌ری یاسا و به‌كارهێنانی...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك