کوردی           عربی

ناکرێت و نابێت، کوردستانی ڕۆژهەڵات ئەمە لەبیربکات!‌

16/05/2019

Tuesday‌


 شەماڵ حەسەن


"کۆمەڵگایەک جەللاد بە ڕزگارکەری خۆی بزانێت، وەک گوێرەکەیەک وایە چەقۆی قەسابەکەی بلێسێتەوە!!"
"کارل مارکس "

گەلەکەمان لە ماکۆ تا ئیلام لە کوردستانی ڕۆژهەڵات، تا ئەبەد مەحکومە بەوەی کار و کردەوە قێزەوەنەکانیی دەسەڵاتدارانیی بنەماڵەی بەرزانی لەیاد نەکات، تا دووبارە نەکەوێتەوە ڕەوشێکی دژواری ڕابردوو هەر تا تیرۆرکردنی (سولەیمان موعینی) تا چێکردنی قیادە مووقەت، ٥۱ ساڵ دروست لەڕۆژێکی وەک ئەمڕۆدا، دیارترین و بەرچاوترین گورز لەبزووتنەوەی ئازادیی کوردستانی  ڕۆژهەڵات درا.

بەفەرمانیی سەردەستی ئەوکاتی بنەماڵەی (بەرزانیی)، مەلا مستەفا بارزانی، فەرماندرا، بە بەدیلگرتنی سەرکردەیەکی دیار و جوامێر شۆڕشگێڕ کاک سولەیمان موعینی ئەندامی سەرکردایەتیی ئەوسای حیزبی دیموکراتیی کوردستانی ئێران، و پاشان تەسلیمکردنەوەی تەرمەکەی بە ڕژێمیی شای ئێران، وهەروەها تەرمەکەی بە شارەکانیی ڕۆژهەڵاتی کوردستان گەڕێندرا، ئەوەی جێگای هەڵوەستە و ڕامانە لەسەری لەئیستادا، ماوەیەکە پارتی دیموکراتی کوردستان لە رێگای کۆمەڵێک خەڵکی بەکرێگیراوی کوردستانی رۆژهەڵات بە تایبەتیش لە ریگای کۆمەڵێک کادری حیزبی دیموکراتی کوردستانی ئێران دەیەوێت مێژووی پارتی و بنەماڵەی مەلا مستەفا بارزانی پیرۆز بکەن و خیانەت و کوردکوژییەکانیان بۆ پەردەپۆش بکەن، دووبارە زەمینە سازبکەن، بۆ بەرنامە و پرۆژەکانیی بنەماڵەی بەرزانیی و لەڕێگای چەند کەناڵیی دیاریکراوەوە بەئەجیندا و شەڕێکی تایبەت، ئەقل و هۆش و تێڕوانینەکانیی گەلەمان لە ڕۆژهەڵاتی کوردستان داگیربکەن و دووبارە بۆ خزمەتیی ئامانجە ناڕوونەکانیی خۆیان بەکاریان بهێننەوە.

لەهەر ئاڵوگۆڕێکی چاوەڕوانکراودا جڵەوی دەسەڵات بگرنە دەست و مۆدێلیی شتکستخواردووی باشوور تەرجەمەی ڕۆژهەڵاتی کوردستان بکەن، بۆ ئەوەی چیتر نەوەی نوێی گشت کوردستانی گەورە، بەتایبەتیی کوردستانی رۆژهەڵات و حیزبی دیموکراتی کوردستانی ئێران چەواشەنەکرێن، گەرەکە مێژوو و ڕابردوویان بخوێننەوە، تا لە دروشم و پەیامە چەواشەکارییەکانی هێڵی بەکرێگیراویەتیی و وابەستە بە ئیرادە و هێزی دەوڵەتانیی داگیرکەر تێبگەن کە پارتی دیموکراتی کوردستانی _ئێراق پێشەنگایەتیی دەکات،و جارێکیتر نەکەونە ڕەوشێکی دژوار و ناڕەحەت، سەرکردە و ڕێبەر و پێشەنگە حەقیقەکانی لەیاد نەکەن، ئەوانەی تێکۆشانیان بۆ داهاتوویەکی باشتر بۆ کوردستانی ڕۆژهەڵات کردووە.


چه‌ند هه‌واڵكی تر

‌با تێبکۆشین له‌ پێناو ده‌رکردنی تورکیای داگیرکه‌ر...

‌پەکەکە ئەبێت چی بکات؟...

‌كه‌ركوك و داگیركردنی خاكی كوردستان...

‌داعش ودوو سه‌رۆكی درۆزن...

‌سیستەمی سەرۆکایەتی و گۆڕینی بۆ پەڕڵەمانی، لەڕوانگەی (نەوشیروان مستەفا)...

‌تكایه‌ ئه‌و شانۆگه‌رییه‌ راگرن...

‌ تیرۆرکردنی سەردەشت عوسمان و ئازادی رۆژنامەگەری...

‌ئیرهابی فیکری و شەڕی کۆنە قین...

‌ئایا سه‌رۆكی‌ هه‌رێم پێویسته‌؟...

‌١٤ى تەمووز و ٨ى تشرینى دووەم دوو مێژووى بەرەنگاربوونەوەى فاشیزم...

‌ئایا قوباد چی لەنێچیر ئەچێت؟...

‌تۆ تەنها تەماشای ئەو تاقە وێنەیە بکە!...

په‌ڕه‌یله‌ 11
ژماره‌ی بابه‌ت

كه‌ش و هه‌وا

فەیسبووك