کوردی           عربی

دیدی قیزەونترین و بێ ئابڕووترین سیستەم کە بێ ویستی خۆمان زۆربەمان ئاڕاستە ئەکا‌

15/07/2019

Wednesday‌

ئارام ڕەشـانی 

لە کۆمەڵگایەکدا کە سەرمایەداری پشکی شێری بەر کەوتبێ ئەوکات هیچ بەهایەک بۆ گیانی هاوکاری و       خوشەویستی و هەست و سۆز و برادەرایەتی و خزمایەتی ڕاستەقینە نامێنێتەوە سەرەڕای ئەمانەیش ئەو پێوەرانەی بۆ هەڵسەنگاندی مرۆڤێکی باش دانراون له ناو چەمکی سەرمایەداریدا زۆر دەگۆڕێن بۆ نموونە هـیچ کات مرۆڤ لەسەر ڕەوشت بەرزی و ویژدان و ئەخڵاق و نیشتیمان پەروەری هەڵ نابژێردرێ بەڵکوو  مەرجی هەڵ بژاردنی مرۆڤی باش تەنها و تەنها  بوونی (پارەیە)لەم جۆرە سیستەمەدا بەنرختریت شتێک کە هەبێ و مرۆڤ نەتوانێ بۆ یەک ڕۆژیش لێی دووربێ تەنها بوونی پارەیە ،تەنانەت ئەگەر باسی خۆشەویستیان بۆ بکەی بە ئەقڵت پێ ئەکەنن بەڵام ئەگەر باسی پارەیان بۆ بکەی چاویان دەر دەتۆقێنن و دەم دا ئەچەقێنن و بەتامەزرۆییەوە گوێت بۆ دەگرن ،لەم فکرە قێزەونە کە شەرمەزارترین سیستەمی تاک و کۆمەڵگاکانە هەر له خۆر هەڵهاتن تا خۆر ئاوابوون و تەنانەت دوای خۆر ئاوا بوونیش هـــەموو هەوڵێکی تاکەکان تەنها بۆ کۆکردنەوە و کەڵەکە بوونی پارەی زیاترە ئێستایش من لەوە نەگەیوم جگەلە خۆتێرکردن و   پۆشتە بوون ئەو پارە زیادانە سودی چییە ؟؟ئەگەر بتەوێ ڕۆژێ ژیان بکەی  هەموو ئەو هۆکارانەی پێویستن بۆ ژیانێکی ئاسایی بەبێ قوربانی دان هەرگیز ناتوانی وەدەستیان خەی تەنانەت ئەگەر بتەوێ کەسێک گوێت بۆ بگرێ یان بتەوێ خواردنت هەبێ یان خواردنەوەیەک بخۆیتەوە یان هەر بیشمری ئەبێ خەمی ئەوەتبێ کەس و کارەکەت بتوانن پارەیەکیان هەبێ تا بتوانن گۆڕێکی شەرەف مەندانەت بۆ بکڕن ئەوی شتێک لەبیریان چووبێ تەنها هەناسەدانە کە قوربانی دانی ناوێ ،تاکە یەک ڕۆژیش ناتوانی ژیان بکەی بەبێ پارە ،لەم سیستەمەدا مرۆڤی بێ پارە هاوشێوەی ئەو ماسییە کە شەپۆلەکان فڕێی دەدەنە سەر کەنارەکان هەرچەن زۆر پەلەقاژە دەکا بەڵام ناتوانێ وەک ناو ئاوەکە خۆی بدا بەدەم ئاوە و بەدڵی خۆی مەلە بکاو هەناسەبدا ،،سەرەڕای ئەوەیش تاکی چاو چنۆکی ناو ئەم سیستەمە تەنهاو تەنها بیر بۆ یەک کەس دەکاتەوە ئەویش خودی خۆیەتی بیرکردنەوە بۆ کۆمەڵ لای ئەم بێ بنەمایەو بوونی نیە ،ئەوەی کەزۆر لەبیریدائەبێ و فکری مەژغوڵ دەکا ئەم پرسەیە چۆن بەدەستی بێنم ؟؟ ئەگەر ڕۆژێک لای تاکێکی سەرمایەدار دابنیشی یەکسەر ئەڵێ فڵانە شت هی منەو ئیتر ئەو شتە پیاڵەیەک بێ یان  سەیارەیەک یان هەرشت ئەڵێ ئەمانە هی منن و وریابە نەیان بەی ئیتر ناکرێ دەستی بۆ بەری با زۆر پێویستیشت پێی هەبێ ،،ئێستا تۆ چی بەو کەسە دەڵێی ماڵێی گەورەی هەیەو بەڵام ئامادە نییە میوانداری ڕێبوارێکی لێ قۆماو بکاتەوە و خزمەتی بکا؟؟ یان چی بەو کەسە دەڵێی هێشویەکی گەورە مۆزی پێیەو یەک مۆز نادا بەفەقیرێ کە برسیەتی و داوای مۆزێکی لێ ئەکا ؟؟ دڵنیام بۆ وەڵامی ئەو دووپرسیارە ئێستا توڕەی لەسەر لێوت نیشتووە ئەمەیش نیشانەی ئەوەیە جارێ ئەم سیستەمە قیزەونە جیهانی تۆی داگیر نەکردوە و ئێشتا هەستی پاکی و مرۆڤ دۆستیت تیاماوە



چه‌ند هه‌واڵكی تر

‌پشتگوێخستنی کەرتی پەروەردە لە ھەرێمی کوردستان...

‌پانێلێك بۆ پێکه‌وه‌ژیانکردنی ئایینه‌ جیاوازه‌کان به‌ڕێوه‌چوو...

‌دراما توركیەكان كۆمەڵگەی باشووریان داگیركردوە...

‌كاریگەری دراما توركیەكان لەسەر كۆمەڵگای كوردی...

‌سلێمانی؛ به‌پێی ئامارێك رێژه‌ی توندووتیژی دژبه‌ژنان چه‌ن قات زیادی كرد...

‌هه‌ولێر، كه‌سێك خه‌سووه‌كه‌ی و دراوسێیه‌كی خۆی كوشت...

‌زۆر بەکارهێنانی تۆڕەکۆمەڵایەتیەکان و زیانەکانی...

‌40%ی دانیشتوانی هەرێم جگەرە دەكێشن و ساڵانە 70ملیۆن دۆلار دەده‌نه‌ جگە...

‌رۆژهه‌ڵاتی كوردستان؛ له‌ساڵێكدا 65 پیاو 54 ژن خۆیان كوشتوه‌...

‌نیوه‌ی دانشتوانی هه‌رێم ناتوانن سێ ژه‌مه‌ خواردن دابین بكه‌ن...

‌(63)له‌سه‌دی ژنانی هه‌رێم رووبه‌ڕووی توندوتیژی ده‌بنه‌وه‌...

‌لە قەڵادزێ ژنێك كەدایكی سێ منداڵە گری لەجەستەی خۆی بەردا‌...

12
په‌ڕه‌یله‌ 2
ژماره‌ی بابه‌ت

كه‌ش و هه‌وا

فەیسبووك