کوردی           عربی

کافتریاکان و نێرگەلە، داهاتووی گەنجەکانمان بۆ کوێ دەبەن؟‌

01/08/2019

Wednesday‌



نوسینی: دێکان عەلی


پێشکەوتن و گەشەسەندنی کۆمەڵگە ڕۆژهەڵاتییەکان بەجۆرێ خێرابوو، وەک بڵێی چاوتروکانێک یا سەرخەوێک شکاندن بوو، لەماوەیەکی کوورت ،لەکۆمەڵگەیەکی ڕۆژەهەڵاتی بووینە کۆمەڵگەیەکی ڕۆژئاوایی(کەدەڵێم ڕۆژئاوای لەشکڵ و شێوەی جلو بەڕگ و ڕوخسار نەک ناواڕۆکمان) گۆڕانکارییەکان هێندەخێرابوو کە فریانەکەوتین پێش بەکارهێنان و سوود بینین پەروەردەی گەنجەکانمان بکەین چۆن مامەڵەی لەگەڵ بکەن؟؟؟

دیاردەیەکی زەق لەئێستادا لەحاڵەت بۆتە دیاردە ، دیاردەی نێرگەلەکێشان و چوونە کافتریایی گەنجان(هەڵبەت هەمووکەس پێویستی بەپشووە بەڵام بەم مەستیەی ئێستای گەنجان نا) لەئێستا گەنجان بەجۆرێ لەودیاردە نغرۆ بوون کە بەتەواوی وەک ئالودەبوو تەماشادەکرێن، جگە لەفێڕۆدانی پارەیەکی زۆر، چۆن ئەو ژەهرە کوشندە دەکەنە جەستەیان، زۆربەی کافتریاکان جمەیان دێت لەگەنجەکانمان چ کچ چ کوڕ، لە مێردمنداڵێکی 12_13ساڵان تا پێگەشتوەکانمان لێی بێ بەری نین ، ژەهرێک بۆتە داهاتووی گەنجەکانمان.

هەمیشە بۆچارەسەری ئەو کێشانە من دەگەڕێمەوە بۆ پەروەردەی دروستی خێزان،کە سەرچاوەی پەروەردەی درووستی تاکی کۆمەڵن، هەمیشە دایک و باوک ئەتوانن ڕۆڵێکی گرنگ ببینن لە پەروەردەی منداڵەکانیان ، بیانوو بۆهەڵەی منداڵەکانیان نەهێننەوە.
ڕاگەیاندنەکانیش دەتوانن ڕۆڵێکی کاریگەرو بەرچاو ببینن لەهۆشیاری تاک و کۆمەڵ ، ئەویش بەدەست پێکردنی هەڵمەتێکی چڕی هۆشیاری ، کەبۆیان ڕوونبکەنەوە چۆن بەدەستی خۆیان چ ژەهرێک دەکەنە جەستەیان ،چۆن ئەو ژەهرە هێواش هێواش جەستەیان بێ کەڵک و لاواز و بیمار دەکات.

لەکۆتایی دەڵێم لەبری کات کوشتن بەچوونە کافتریا ونێرگەلەکێشان هەوڵ بۆ فێربوون و بنیاتنانی خوودی خۆیان بکەن ئەویش لەڕێگەی فێربوونی زمانی جیاواز و ئاشنا بوون بەکلتووڕی گەلان و هەوڵدان بۆ خۆڕۆشنبیرکردن لەڕێگەی خوێندنەوەی کتێبە سودبەخسەکان و سەردانی کتێبخانەکان و گەلەرییەو شوێنی میوزیک و مەڵبەندە ڕۆشنبیرییەکان.


چه‌ند هه‌واڵكی تر

‌کابینەی نوێ و تراژیدیای ژن...

‌خەونی ئەردۆغان لە سێ پارچەی کوردستاندا ...

‌سەربازێكی تورك لەسەر سوچی گەڕەكەكەمان و خوێندنگەش لە پایتەخت ...

‌ له‌ بازیان بۆ پشتگیرى عه‌فرین چادر هه‌ڵدرا...

‌نەجیبە عومەر: ڕێبەر ئاپۆ توانی ژنان بکاتە خاوەن ئیرادە...

‌رەژاک"شه‌ره‌ف و ناموس خاک و وڵاته‌، نه‌ک ژن"....

‌بێریڤان محەمە: ێکۆشانی عەفیرن سەرکەوتنی ژنە لە هەموو جیهاندا...

‌هۆکاری شکستەکانی گەلی کورد و سەرکەوتنی...

‌سه‌مای زه‌مه‌نی سوور...

‌با کۆنفیدڕالیزمی دیموکراتی بکەینە دروشم و بیدەین بەگوێی پاڵەوانەکانی ف...

‌بەسێ هۆزات:پارتی ڕیفراندۆمی کردووەتە ڕۆژەڤ بۆ ئەوەی خۆی ڕزگار بکات...

‌ئەو فیشەکە!...

په‌ڕه‌یله‌ 4
ژماره‌ی بابه‌ت

كه‌ش و هه‌وا

فەیسبووك