کوردی           عربی

ئەنجامنامەی کۆبونەوەی رێکخستنی ژنانی تەڤگەری ئازادی‌

08/09/2019

Thursday‌


لە بەرواری ٧⁄٩⁄٢٠١٩ لە شاری سلێمانی رێکخستنیی ژنانی تەڤگەری ئازادی  کۆبونەوەی خۆی ئەنجامدا، لە کۆبونەوەکەدا ھەڵسەنگاندن بۆ بارودۆخی  سیاسی کرا، ئەوەخرایە ڕوو کە قۆناغێکی هەستیار بۆ گەلی کورد لە ناوچەکە و بەتایبەت ژنان هاتۆتە پێشەوە.
دەستنیشان کرا   شەری ناوچەکە شەرێکی ئایدۆلۆژییە و قەیرانی سیستم و ئابوریش لەھەمان چوارچێوەدایە،  هێزە داگیرکار و لەھەمان کاتدا ستاتۆپارێزەکان هەموو هەوڵی خۆیان دەدەن لە پێناو ئەوەی پرۆژەی گەلی کورد کە پرۆژەی ئاشتی و پێکەوە ژیان و بونیادنانی سیستەمی دیموکراتیە لەبار ببەن و ڕێگربن لە چارەسەری پرسی گەلان،  لەو چوارچێوەیەشدا هێرش دەکەنە سەر پێشەنگانی تێکۆشانی ئازادی و بەتایبەتی ژنانی کورد و دەستکەوتەکانی.
 باس لەوەش کرا کە لە باشوری کوردستان رۆژ بە رۆژ کورد دەسکەوتەکانی لەدەست دەدات و داگیرکاری سیاسی و ئابوری و سەربازی و سیخوری قوڵتر دەبێتەوە، لەلایەک لە ناوچە کێشە لەسەرەکان کۆچبەریەکی ترسناک دەستی پێکردووە و زۆرینەی گوندە کوردنشینەکان چۆڵ کراون و پرۆسەیەکی دیکەی تەعریب بەڕێوەدەچێت، ھاوکات گوندە کاکەیی نشینەکانیش لە دۆخێکی ناھەمواری بێ پاراستنیدان، لەلایەکی تریشەوە لەگەڵ دەستبەکاربونی حکومەتی نوێ قۆناغێکی تر لە پێشێلکاری و توندوتیژی و گرتن و ئەشکەنجە و نادادی ھاتونەتە کایەوە، تا ئێستاش دەیان چالاکوان و ڕاگەیاندنکاری ئازا و ئازاد دەستگیر کراون جگە لە بانگھێشت کردنی چالاکوانان و ھەوڵدانی نایاسایی بۆ کپ کردنیان، ئەمەش ڕەنگە لەلایەک بوونی کەسێکی ئەمنی ھەواڵگری و پاراستنی بێت بە سەرۆکی حکومەت و لەلایەکی ترەوە تەسلیم بوونی کابینەی نوێ بێت بە داگیرکاری تورکیا بەشێوەیەکی مەترسیدار، بێگومان ڕەنگدانەوەی ئەم حکومەتە لەسەر پەرلەمانیش بەرچاوە، وێڕای ئەوەی ژنێک کراوە بە سەرۆکی پەرلەمان،ئەم دەزگایە لە ئێستادا کراوەتە دەزگایەکی پاسیڤ و بێکاریگەر،

ھەڵبەتە زیندانی کردنی ئازادیخوازان و رۆژنامەوانان، پێشخستنی جۆرەکانی شەڕ لەبەرامبەر تێکۆشانی وڵاتپارێزی و وڵاتپارێزان، هێرشی سەر هێزە دیموکرات و ئۆپۆزسیونەکان بەتایبەت تەڤگەری ئازادی، گەمارۆدانی کەمپی پەنابەرانی مەخمور و  بێکاریگەرکردنی ژنانی ناو دەسەڵات و بەردەوامیدان بە کوشتنی ژنان و  داڵدەدانی ژنکوژان، خەسڵەتی دیاری ئەم حکومەتەن کە درێژکراوەی کابینەکانی پێشوون.

 لە کۆبونەوەکەدا جەخت لەوە کرایەوە سەبارەت بە ڕەوشی ناوچەکە لە ھەموو بوارەکانی سیاسی و یاسایی و کۆمەڵایەتی، بە ئەرک و بەرپرسیاری خۆیان دەبینن وەک ژنانی تەڤگەر پێشەنگایەتی بۆ تێکۆشانی هاوبەش لەگەڵ سەرجەم ژنانی ناڕازی و ئازادیخواز دەکەن و دەبنە هێزی چارەسەری  لە پێناو کۆتایی هێنان بە سەرجەم ستەمکاریەکان لەسەر ژنان و لەسەر کۆمەڵگەی باشوری کوردستان و عێراق.
لە کۆتایشدا ژنانی تەڤگەری ئازادی ڕەخنەی خۆیان کرد و خۆیان بەرپرسیار بینی بەرامبەر بە ھۆشیار کردنەوەی زیاتری کۆمەڵگە و پێشگرتن بەو کۆمەڵکوژیەی ڕۆژانە ڕوبەڕووی ژنان دەبێتەوە، وێڕای ئەوەی بەرنامە و پلانی داھاتوو دانراو ژنانی تەڤگەری ئازادی بانگەوازیان 
 لە ژنان کرد  و ڕایانگەیاند 

" با بە هەموو رەنگ و دەنگەکانەوە لە پێناو ئاواکردنی ژیانێکی شایستە بە ژنان و کۆمەڵگەکەمان، لە دەوری یەکتر کۆببینەوە و هێزمان بکەینە یەک و بێدەنگی بشکێنین ، دژی داگیرکاری دەوڵەتان و ستەمکاری دەسەڵاتدارانی ناوخۆ و عەقڵەیەتی دژە ئازادی و دژە دیموکراتی و دژە ژن و  یەکسانی، تێکۆشان و چالاکی بەرفراوان بکەین.


رێکخستنی ژنانی
 تەڤگەری ئازادی کۆمەڵگەی کوردستان
٧/٩/٢٠١٩


چه‌ند هه‌واڵكی تر

‌عێراق له‌به‌رده‌م گۆڕانكاری یان نائارمی وبۆشایی سیاسی و ئیداری...

‌ڕوونكردنه‌وه‌...

‌١٦ی ئۆكتۆبەر وەك دەرئەنجامی ریفراندۆم...

‌١٦ی ئۆكتۆبەر وەك دەرئەنجامی ریفراندۆم...

‌هه‌رێمی كوردستان بووه‌ته‌ مۆڵگه‌ی ده‌زگا جاسوسی و سیخوڕییه‌كان...

‌جه‌ژنی قوربانتان پیرۆزبێت...

‌گەمارۆدانی کەمپی پەنابەرانی مەخمور شەرمەزارییەکی گەوەرەیە بۆ دەسەڵاتدا...

‌سەرکەوتوبێت شۆرشی ۱۹ تەموز لەگەلی بەرخۆدێری ڕۆژئاوای کوردستان و تەواوی...

‌ته‌قینه‌وه‌‌و بۆردومانه‌كان هێرشی‌ یه‌ك پیلانن...

‌جەژنی ڕەمەزانتان پیرۆزبێت...

‌هێرشه‌كانی ده‌وڵه‌تی توركیا بۆ داگیركردنی باشووری كوردستان جێگه‌ی قبوو...

‌هەڵبژاردنێکی‌ نادیموکرات، قەیرانەکان قوڵتر ده‌کاتەوە...

په‌ڕه‌یله‌ 17
ژماره‌ی بابه‌ت

كه‌ش و هه‌وا

فەیسبووك