کوردی           عربی
مه‌حمود عه‌بدوڵڵا

شەق و شۆڕش‌



"تەنیا ئەو شەقە بەکارە کە هەڵدەدرێت لە هیچ"
هیچترین دەسەڵات دەسەڵات دەسەڵاتی کوردییە، بۆیە ئەم دەسەڵاتە مافیاییە بە قەڵەم و بەزمان وەسف ناکرێت،گەر تاڕۆژی قیامەت لەسەری بنوسیت ڕەخنەی لێبگریت هێشتا گوێ ناگرێت، زمانی ئەم دەسەڵاتە زمانی شەقە و تەنیا  لەشەقیش تێدەگات. ئەوترێت"هەمو دەسەڵاتێک جۆلانێ دەکات لەنێوان سایکۆلۆژیاو ئایدیۆلۆژیا"کاتێک دەسەڵات لە ڕوی ئایدیۆلۆژیاوە  افلاس دەکات، هیچی پێ نییە بۆ داهاتو دەگەڕێتەوە بۆ سایکۆ لۆژیا ڕوەوە شاراوەکەی کە بریتییە لە توندوتیژی و شەق وەشاندن.بێگومان ئەم دەسەڵاتە مافیاییە لە شەق زایاتری پێنەماوە بۆ هاوڵاتیان.
دەسەڵاتێک لەسەر بنەمای بەکرێگیراوی دروستبووە، هەر دەبێت بچوککردنەوەی میللەت بکەن بە ستراتیژی خۆیان،چونکە گەروانەکەن کۆتاییان دێت.چەند گەمژەییە مرۆڤ بەتەما بێت ئەمانە بەوشە بگۆڕێت ئەمانە وەک بەردن لۆژیک کار لەبەرد ناکات. ئەم دەسەڵاتە پێویستی بەوە نییە ڕەخنەی بکەیت، ئەوان بە زانایی کار لەسەر تێکشکاندنی تاک ومیللەت دەکەن،بێشک سیاسەتی داگیر کەران پەیڕەودەکەن.
دەبێت گەلیکوردستان باش بزانێت کە هەڵبژاردنیش هیچ شتێک ناگۆڕێت، هێزە نوێیەکانیش جگە لە پەرتکردن و دابەشکردنی خەڵک هیچ شتێکیتر بەدیاری ناهێنن،چەندە هێزی نوێ دروستببن کۆمەڵگا زیاتر دەبەش دەبێت و بچوک دەبێتەوە بەشێوەیەک کە ئیدی شتێک نامێنێت بەناوی کۆمەڵگا.
بەکورتی ئەگەر کۆمەڵگای ئێمە هزرو هێزی مابێت دەبێت شەقێک لەم دەسەڵاتە هەڵبدات کە سیاسەتی دەگیر کەران پەیڕەو دەکات و نوێنەری ئەوانە.ئەگەر کۆمەڵگا هەست و شکۆی مابێت دەبێت شەق هەڵدان لەمامۆستا یان هەر هاوڵاتییەک قبوڵنەکات.لەتونس زللەیەک بووە هۆی شۆڕش و کۆتایی ڕژێمێک،ئاخۆ  کۆمەڵگای ئێمە هێندەی تونس هزرو هۆشی ماوە شەقێک ببێتە هۆی شۆڕش و کۆتایی بە دەسەڵاتی شەق وەشێن بهێنێت.


چەند وتارێکی تر

كه‌ش و هه‌وا

فەیسبووك