کوردی           عربی
تاكۆر زه‌رده‌شتی

كورد له‌ قۆناغێكی‌ زۆر هه‌ستیار، ناله‌بار، گرنگ، مه‌ترسیدار و چاره‌نوس ساز‌




بۆ هه‌ر كوردێكی‌ خاون وژدان و خاون ڕه‌چه‌له‌ك و ڕه‌سه‌ن:
ئه‌وه‌ی‌ كه‌ تا ئێستا له‌ ته‌واوی‌ مێژوو به‌سه‌ر كورد دا هاتووه‌ و ئه‌وه‌ی‌ كه‌ تا ئێستا به‌ قۆناغێكی‌ هه‌ستیار و به‌ دۆخی‌ ناڵه‌بار و به‌ فیناڵ له‌ قه‌له‌م ده‌درا هه‌موو له‌ پێناو یان مه‌سله‌حه‌تی‌ سیاسی‌، یان به‌رژه‌وه‌ندی‌ حیزبی‌، یان به‌پێی‌ گرنگی‌ ڕه‌وش كه‌ وه‌كو بانگه‌وازی‌ ده‌یانگێڕا بوونه‌ و به‌گشتی‌ هیچ دۆخێك هه‌ستیارتر له‌م دۆخه‌ی‌ ئێستا له‌پێشبه‌رماندا نه‌بووه‌. ئه‌مڕۆ به‌متمانه‌وه‌ بزانن كه‌ كورد له‌ هه‌ستیارترین و ناڵه‌بارترین و گرنگترین و مه‌ترسیدارترین و چاره‌نوس سازترین قۆناغدا  تێپه‌ر ده‌بێت..
به‌ به‌رچاوگرتنی‌ دۆخی‌ سیاسی‌ كورد به‌تایبه‌ت له‌ باشوری‌ كوردستان، ئه‌م هه‌موو پارچه‌بوون و ئه‌م هه‌موو ناڕێكخستنی‌ و دووبه‌ره‌كی‌ و ده‌ به‌ره‌كی‌ و سه‌دبه‌ره‌كی‌ بوون كه‌ له‌ناو كورد دا دروست بووه‌ و دروستیان كردوون، دیسان ڕێگه‌ ناده‌ت كورد شه‌رافه‌تی‌ گه‌وره‌ و ڕۆناكی‌ مرۆڤایه‌تی‌ خۆی‌ كه‌ سه‌رمایه‌ی‌ ته‌واوی‌ جیهانه‌ بپارێزێت. 
دونیا بێخه‌به‌ره‌ كه‌ كورد بناغه‌ی‌ هه‌موو شه‌رافه‌ت و كه‌رامه‌ت و بوون و نه‌بوونی‌ مرۆڤایه‌تیه‌ و ئاڵاهه‌ڵگرانی‌ ناوی‌ وژدان و ئایین و مرۆڤایه‌تی‌ له‌هه‌وڵی‌ بڕینی‌ ڕه‌گ و ڕیشه‌ی‌ ئه‌م گه‌وره‌ سه‌رمایه‌یه‌ن، یانیش له‌وانه‌یه‌ به‌زانابوونێكی‌ ته‌واو ئه‌مه‌ شه‌ڕی‌ ڕاسته‌قینه‌ی‌ "خێر و شه‌ڕه‌" كه‌ له‌ سه‌ره‌تای‌ شارستانیه‌ته‌وه‌ تا ئێستا هه‌بووه‌ و ئێستاش له‌ فینالێكی‌ مه‌ترسیدار و چاره‌نوس ساز دایه‌.!
بێ ڕه‌وشتانه‌ترین و دژه‌ مرۆڤانه‌ترین تاوان له‌ قۆناخی‌ ده‌یان ساڵی‌ ڕابردوو و كه‌ تا ئێستاش درێژه‌ی‌ هه‌یه‌، ده‌رحه‌ق به‌ كوردانی‌ خاون ئیراده‌ و خاون گیانی‌ پاكی‌ مرۆڤایه‌تی‌ كراوه‌. وه‌كو پێشه‌ی‌ دێرینه‌ی‌ دوژمنانی‌ تاریكدڵ كه‌ توانایی‌ هێزی‌ گورزی‌ ڕۆناك و گه‌وره‌ی‌ ئه‌م شه‌رافه‌ته‌یان نیه‌، نه‌چار به‌ دروستكردنی‌ دووبه‌ره‌كی‌ له‌ناو كورد بوون، كه‌ ئێستا بووه‌ته‌ به‌ هه‌زار به‌ره‌كی‌ و لێكجیابوونه‌وه‌یه‌كی‌ پڕ له‌ ڕق و كین و مه‌ترسیدار، هه‌لبه‌ت له‌ژێر ناوی‌ زۆر جوان و خاوێنی‌ دیموكراسی‌ و دژایه‌تی‌ تیرۆر و به‌ ناوی‌ پیرۆزیه‌كان و ئایینداری‌.
دوژمن له‌هه‌ر لایه‌ن كوردانی‌ به‌كرێگیراوی‌ ڕێكخست، ئه‌وان چاك ده‌زانێت ته‌نیا له‌م حاله‌ته‌دا توانایی‌ خۆڕاگری‌ به‌رامبه‌ر به‌ كوردی‌ هه‌یه‌. ده‌زانێت ته‌نیا به‌ده‌ستی‌ خودی‌ كورد ده‌توانێت كورد له‌ناو ببات و به‌ دوبه‌ره‌كی‌ دروستكردنه‌وه‌ و سود گرتن له‌ چه‌مكی‌ خیانه‌تی‌ نه‌ته‌وه‌یی‌.
ئه‌وانه‌ی‌ كه‌ متمانه‌یان به‌خۆیان و مێژو و ڕه‌سه‌نی‌ و خوێنی‌ ئه‌ژدادی‌ خۆیان نه‌بێت زۆر به‌سانایی‌ و ترسنۆكانه‌ لاق له‌سه‌ر هه‌موو نرخ و به‌هاكان داده‌نێن و ده‌چنه‌ ژێر باڵی‌ دوژمن و به‌ چاوێكی‌ داخراو و دڵێكی‌ تاریك و وژدانێكی‌ سه‌خته‌ و ناڕێك ته‌نیا له‌پێناو مانه‌وه‌ی‌ خۆیان هه‌رچی‌ تاوانێكی‌ پیستر له‌ دوژمنان ده‌رجه‌ق گه‌لی‌ خۆیان ده‌كه‌ن.
 دروستبوونی‌ دووبه‌ره‌كی‌ له‌ناو كورد تاكه‌ ڕێگای‌ هۆی‌ دروستبوونی‌ ئه‌م هه‌موو شكه‌سته‌ی‌ ته‌واوی‌ مێژوون و به‌س. سه‌ركرده‌كانی‌ كورد یان مردن و یان خۆیان كوشت و یان دزی‌ تاوانه‌كانیان وه‌كو ڕۆژی‌ ڕۆناك كه‌وتنه‌ به‌رچاوان و یان به‌ كوێلایه‌تی‌ دوژمنان بێ جه‌وهه‌ر و په‌سیف و مارژیناڵ بوون، یانیش له‌ چواردیواری‌ ته‌سك و تاریكی‌ ده‌ستی‌ ئه‌هریمانانی‌ دوژمن دا بێ ده‌نگ كران. 
گه‌لی‌ كورد به‌بێ سه‌رچاوه‌یه‌كی‌ سه‌رمایه‌ و ئابۆری‌ له‌ هه‌رچوارپارچه‌ی‌ كوردستان له‌خه‌ونی‌ ساڵانی‌ پێشوو دا هاوار ده‌كه‌ن و ئاگایان لێ نیه‌ كه‌ هه‌ر خۆیان بوون كه‌ دوینێ متمانه‌یان به‌ ته‌ریقه‌ت و ڕێ و ڕێبازێك دا كه‌ ئه‌وانیان گه‌یانده‌ ئه‌م ڕۆژه‌، كه‌چی‌ تا ئێستاش ئاگایان لێ نیه‌ كه‌ سه‌رچاوه‌ی‌ ئه‌م نه‌هامه‌تیانه‌ی‌ كه‌ پێوه‌ ده‌ناڵێنن له‌ كوێوه‌ بووه‌ و نازانێت ئێستاش ده‌بێت چی‌ بكه‌ت. تا ئێستاش له‌ ته‌نشت گه‌لێكی‌ وشیار و به‌ئاگا و ڕێكخستوو و خاون ئایدیولۆجی‌ به‌شێكی‌ زۆڕتری‌ نه‌زان كراو و په‌روه‌رده‌ نه‌كراو و ناڕێكخستوو و سه‌رگه‌ردان و چاوبرسی‌ هه‌ڵده‌خه‌له‌تێنن. ڕایه‌دارانی‌ باشوریش كه‌ وا ده‌بینن، زیاتر وره‌ له‌سه‌ر  ئه‌م نه‌زانی‌ و ترس و بێ متمانیه‌ی‌ خه‌لك به‌هه‌ر شتێك، زیاتر به‌رده‌وام بوون له‌سه‌ر شه‌ڕی‌ تایبه‌ت و فه‌حشای‌ سیاسی‌ و ڕاگه‌یاندنی‌ له‌ پێناو ڕه‌واكردنی‌ فه‌حشای‌ ئیداری‌، به‌مشێوه‌یه‌ گه‌نده‌لی‌ به‌شێوازێكی‌ ڕه‌وا و ڕێكخستنكراو زیاتر په‌ره‌ی‌ سه‌ند و سیاسه‌تی‌ فاحیشه‌ی‌ به‌كوێله‌كردنی‌ گه‌لیش به‌ ڕێی‌ كه‌ناله‌كان و سیسته‌مه‌كانی‌ ڕاگه‌یاندنی‌ و به‌هه‌موو شێوازی‌ شه‌ڕی‌ تایبه‌ت به‌پێی‌ سیسته‌می‌ داڕێژراوی‌ فاشیستانی‌ تورك له‌سه‌ر گه‌لی‌ خۆیان به‌رده‌وام ده‌كه‌ن..
ئه‌ردۆغان كه‌ بڵێی‌ گوایه‌ ته‌واوی‌ نه‌فره‌ت و ناپاكی‌ و تاریكی‌ مێژووی‌ گه‌لی‌ كورد له‌ناخی‌ ئه‌م پیاوه‌دا كۆبۆیته‌ته‌وه‌، به‌ ئاشكه‌را و زۆڕ زیره‌كانه‌ و به‌سیسته‌ماتیك تاوانی‌ گه‌وره‌ی‌ نامرۆڤانه‌ دژ به‌ ئه‌م گه‌له‌ مه‌زڵومه‌ و خوداییه‌ له‌ژێر ناوی‌ خودا و پیرۆزیه‌كان دا ده‌كات و پیاوه‌ ئایینیه‌ ئه‌هریمه‌نیه‌كانی‌ سه‌رده‌میش له‌ تورك و عه‌ره‌به‌وه‌ تاكو كورد و هه‌موو جیهان ئه‌مه‌ به‌ ڕه‌وا پێشانی‌ چاوی‌ ڕای‌ گشتی‌ جیهانی‌ ده‌ده‌ن و تا ڕاده‌یه‌ك كه‌ خودی‌ كۆمه‌ڵگای‌ پاشوه‌ڕۆی‌ كوردیش پێ هه‌لده‌خه‌له‌تێن، و ئه‌مه‌ش له‌ژێر په‌روه‌رده‌ی‌ ناپه‌روه‌رانه‌ی‌ ده‌یان ساڵی‌ حكومداری‌ نه‌زانسه‌روه‌ری‌ سیاسه‌توانانی‌ باشووره‌وه‌ پێكهاتووه‌. له‌ڕۆژگارێك كه‌ ته‌واوی‌ جیهان له‌ حه‌قیقه‌تی‌ ناوه‌ڕۆكی‌ ئایین دوور كه‌وتووه‌، هه‌ر لایه‌نگریه‌ك له‌ناو ئه‌م هه‌موو ڕێكخستنه‌ ئایینیه‌كان گه‌وره‌ترین تاوان به‌رامبه‌ر خودی‌ ناوه‌رۆكی‌ په‌یامی‌ ئایینه‌. چونكه‌ هه‌ست و عه‌قل و وژدانی‌ مرۆڤایه‌تی‌ له‌سه‌ر حوكمی‌ خۆی‌ و ناخی‌ خۆی‌ نه‌ماوه‌. چونكه‌ ئێستا ڕق و كینی‌ نه‌فره‌ت و ترس و بێ متمانه‌یی‌ و حه‌سوودی‌ و خوبینی‌ ته‌واوی‌ په‌یكه‌ری‌ ده‌سه‌ڵاتداران و سه‌ره‌ك خێڵ و بچوك برژواكانی‌ باشوری‌ كوردستانی‌ داگیركردووه‌. 
باشوری‌ كوردستانێك كه‌ خه‌ریك بوو ده‌بوو به‌ نموونه‌ و سیمبولی‌ ئازادی‌ و یه‌كسانی‌ و ئاشتی‌ له‌ ڕۆژهه‌لاتی‌ ناوین بوو هه‌موو گه‌لان، سه‌یری‌ كه‌ن چۆن به‌ ده‌ست و ئیراده‌ی‌ دوژمنان له‌سه‌ره‌وه‌ی‌ هه‌مویانه‌وه‌ تورك و ئه‌وانیش به‌ هیمه‌تی‌ ترسنوكه‌كانی‌ خایین و به‌رژه‌وه‌ندی په‌رستی‌ سه‌ركرده‌ ناسه‌ركرده‌كانی‌ به‌ناو كوردی‌ ناكورد، كردنه‌ به‌ سه‌رچاوه‌ی‌ ئاگر و برسیه‌تی‌ و گه‌نده‌ڵی‌ و بێ ئیراده‌یی‌ و ناكۆكی‌ و شه‌ڕ و ده‌ربه‌ده‌ری‌ و وێرانی‌؟!
هیمه‌تی‌ خایینان تاكه‌ ده‌ریچه‌ و ده‌روازی‌ ئۆمێد یان هه‌ر سه‌ركه‌وتنێكی‌ دوژمنانه‌، له‌ تروا گه‌وره‌ترین ده‌رس و وانه‌ كه‌ گرتمان، نه‌بوونی‌ هێز و توانایی‌ له‌شكه‌ری‌ یونان بۆ به‌كار هێنانی‌ چه‌مكی‌ خیانه‌ت له‌ قه‌لای‌ ترۆواییه‌كان بوو، به‌ڵام له‌ڕێی‌ بانگه‌وازی‌ ئاشتی‌ و هه‌ستی‌ پیاوه‌ ئایینیه‌كان توانیان بكه‌ونه‌ ناوه‌ندی‌ قه‌لاكه‌ و شكه‌ستێكی‌ سه‌ختیان پێ بێنن. بانگی‌ ئاشتی‌ ئه‌ردۆغان بۆ كوردانی‌ به‌رژه‌وه‌ندی‌ په‌رست و بێ دیراسه‌ت و نه‌زان و تاریك و به‌كارهێنانی‌ پیاوه‌ ئایینی جاهیل و هاوشێوه‌، جیا له‌ درۆ و زیندیقی‌ و مونافقی‌ و هه‌لخه‌له‌تاندنێكی‌ گه‌وره‌ نه‌بووه‌، و سه‌دان و هه‌زاران جار له‌مێژوشدا سه‌لمێنراوه‌ و هه‌رگیزیش نابێت. 
ئێستا كاتی‌ دانشتن و بیركردنه‌وه‌یه‌. ئێستا كاتی‌ حیساب له‌خۆپڕسینه‌وه‌یه‌. ئێستا كاتی‌ وشیاری‌ فینالێكی‌ گه‌وره‌یه‌. هه‌موو ئه‌و نرخ و به‌ها و سه‌رمایانه‌ی‌ كه‌ به‌خوێنی‌ سه‌دان هه‌زار، یان به‌زاراوه‌ و هه‌ژمارێكی‌ تر بێ گومان به‌ خوێنی‌ مڵیوونان كورد بۆ میله‌ته‌كه‌مان به‌ده‌ست هاتبوو، ئێستا خه‌ریكه‌ هه‌موویان له‌ده‌ست دران و ئه‌وه‌ی‌ كه‌ ماوه‌ ژیانی‌ سروشتی‌ و ئاسایی‌ یه‌ كه‌ حه‌تا توركی‌ ئه‌هریمه‌ن ئه‌ویش داگیر نه‌كات و نه‌خاته‌ ژێر ئیراده‌ی‌ خۆیه‌وه‌ ئارام و قه‌راری‌ هه‌رگیز نابێت. تورك حه‌تا له‌ وجودیدا ڕه‌حم به‌ گۆڕستان و سروشت و گیانه‌وه‌ره‌كانی‌ كوردیش نابات، ئه‌ی‌ چۆن ڕه‌حم به‌ كۆیله‌كانی‌ كورد ده‌كات؟! كێشه‌ی‌ تورك و دوژمنكاری‌ ئه‌و ئه‌مه‌ نیه‌ كه‌ تووشی‌ هێرش و دوژمنایه‌تی‌ و ترسی‌ هه‌بوونی‌ كورد دێت، كێشه‌ی‌ ئه‌مه‌یه‌ كه‌ سه‌دان ساڵه‌ نه‌ته‌وه‌ی‌ كورد بۆخۆ وه‌كو گه‌وره‌ترین ته‌هدید ده‌بینێت. ناتوانێت كورد قه‌بوول بكات، ڕۆناكی‌ پاك و ڕه‌سه‌نایه‌تی‌ كورده‌ كه‌ ئازار ده‌گه‌ینێته‌ ڕوحی‌ تاریك و ناڕه‌سه‌نی‌ تورك. هێز و ئیراده‌ و سه‌رچاوه‌ئابۆرییه‌كانی‌ سه‌ربه‌خۆی‌ كورده‌ كه‌ توركه‌كان لێ ده‌ترسن، هێزی‌ ئافڕانكاری‌ گه‌وره‌ی‌ كه‌ ناو وجوودی‌ كورد دا هه‌یه‌، ده‌بێته‌ هۆی‌ وه‌ك مه‌ترسییه‌ك له‌سه‌ر خۆ بینینی‌ دوژمنانی‌ دراوسێ به‌تایبه‌ت تورك. بۆیه‌ هێرشه‌كانی‌ بۆ سه‌ر ته‌نیا كیان و گیان و ئابۆری‌ سه‌ربه‌خۆی‌ كورد و هه‌بوونی‌ كورد نیه‌، گرنگتر له‌مانه‌ هێرشی‌ بۆ سه‌ر ناسنامه‌ و ڕه‌سه‌نایه‌تی‌ و شوێنه‌ مێژووییه‌كان و ئاساریه‌كانی‌ ڕه‌گ و ڕه‌چه‌له‌ك و حه‌تا گۆڕستانی‌ كورده‌، كه‌ له‌ته‌واوی‌ قۆناغی‌ مێژوودا به‌ته‌واوه‌تی‌ پێگیری‌ ئه‌م هێرشانه‌بووه‌ و به‌رده‌وام له‌ هه‌وڵی‌ له‌ناوبردنیدا بووه‌. 
بوونی‌ ناسناو و ڕه‌سه‌ناتیه‌كی‌ ئه‌وها دێرین و پاك و ڕۆناك وه‌كو گه‌وره‌ترین مه‌ترسی‌ له‌سه‌ر بوونی‌ زیهنیه‌تی‌ فاشیستی‌ و ناره‌سه‌نی‌ خۆی‌ ده‌كات. عه‌ره‌ب و ئێرانیش دڕندایه‌تیه‌كی‌ ئه‌وهای‌ پێڕه‌وی‌ كردووه‌، به‌ڵام كه‌س وه‌كو تورك به‌شێوه‌یه‌كی‌ سیسته‌ماتیك و شه‌ڕی‌ سوور و شه‌ڕی‌ سپی‌ و شه‌ری‌ تایبه‌ت، له‌ ته‌واوی‌ مێژووی‌ هه‌بوونی‌ خۆی‌ پێگیری‌ نه‌بووه‌. ئێستا مێژوو بۆ كورد گه‌یشتووه‌ ئاستی‌ چاره‌نووس سازترین قۆناخی‌ خۆی‌، كه‌ له‌لایه‌كه‌وه‌ به‌داخه‌وه‌ هیچ شتێكی‌ به‌ده‌سته‌وه‌ نیه‌ و ئه‌وه‌ی‌ هه‌بووه‌ش له‌ده‌ستی‌ داوه‌ و له‌ لایه‌كیشه‌وه‌ خۆشبه‌ختانه‌ هێزێكی‌ خاون ئیراده‌ و خاون تێگا و فه‌لسه‌فه‌ و له‌خۆ به‌باوه‌رێكی‌ وه‌كو ته‌ڤگه‌ری‌ گه‌لی‌ كوردیان هه‌یه‌، ده‌یان و سه‌دان هێز و ڕێكخراو و كۆریدۆرێن ڕێكخستنی‌ و خۆبه‌رێوه‌به‌ری‌ و به‌رخودانی‌ و سیاسییان هه‌یه، ڕێبه‌رێكیان هه‌یه‌ كه‌ خاونی‌ هه‌زاران لاپه‌ڕه‌ی‌ ڕێبازی‌ چۆنیه‌تی‌ خۆبه‌رێوه‌ه‌به‌ری‌ و به‌رخودانی‌ و ئاوه‌دانی‌ و مرۆڤایه‌تی‌ یه‌ بۆ كورد و جیهان. 
گه‌لی‌ باشوری‌ كوردستان قوربانی‌ یه‌كه‌می‌ ئه‌م مه‌ترسیه‌ن، چونكه‌ دۆخی‌ دوینێی‌ وان له‌لایه‌ن سیاسی‌ و ئابوری‌ زۆڕ جیاواز و جێگیرتر بوو له‌ پارچه‌كانی‌ تری‌ كوردستان، به‌ڵام چونكه‌ له‌لایه‌ن په‌روه‌رده‌یی‌ و ڕێكخستنیه‌وه‌ له‌ئاست ئه‌وانی‌ تردا نه‌بوو ئێستا هیچ شتێكی‌ نه‌ماوه‌.
 چاره‌سه‌ری‌ هه‌ره‌ گونجاو، یان بڵێین تاكه‌ چاره‌ی‌ هه‌موو كێشه‌كانی‌ باشوور یێكگرتنه‌وه‌یه‌كی‌ یه‌كجاریه‌ له‌گه‌ڵ كوردانی‌ تر و به‌ستنی‌ كۆنگره‌یه‌كی‌ نه‌ته‌وه‌یی‌ یه‌، كه‌ تاكڕه‌وانی‌ ناسیاسی‌ چه‌مكی‌ خیانه‌ت هه‌رگیز له‌پێناو به‌رژه‌وه‌ندییه‌ شه‌خسیه‌كانیان ڕازی‌ به‌ پێكهاتنه‌وه‌ له‌گه‌ل ئه‌م ڕێچاره‌یه‌ نابن، له‌لایه‌ك ئه‌وه‌نده‌ گرێدراو بوون به‌ سیاسه‌ته‌كانی‌ ده‌وله‌تی‌ توركی‌ داگیركه‌ر له‌كاتێك كه‌ ل هه‌ر شه‌رتومه‌رجێك توركیا به‌ئاشكرا بوونی‌ هیچ كوردێكی‌ سه‌ربه‌خۆ هه‌رگیز قه‌بوول ناكات، له‌م لایه‌ش كوردانی‌ خاون هه‌لوێست و وشیاری‌ كورد له‌ پارچه‌كانی‌ تر و هه‌موو جیهان هه‌بوونی‌ باشورێكی‌ تا سه‌ر ئێسقان له‌ ژێر ئاڵا و هه‌ژموونی‌ توركیایه‌كی‌ فاشیست هه‌رگیز قه‌بوول ناكات. ئه‌م په‌یامه‌ گرنگه‌ ده‌بێت له‌ژێر گوێی‌ گه‌لی‌ باشوری‌ كوردستان تاك به‌تاك بخوێندرێته‌وه‌ و ده‌بێت به‌هه‌ر شێوازێك كه‌ ده‌كرێت له‌سه‌ر مه‌ترسیه‌كی‌ زۆڕ گه‌وره‌ و وێرانبار و دوور له‌ چاره‌سه‌ری‌ ئاگاداریان پێ بدرێت. خه‌لك چیتر سه‌یری‌ هیچ كه‌نالێكی‌ كوردی‌ ناكات، ئه‌سله‌ن زۆڕبه‌ی‌ هه‌ره‌ زۆڕی‌ خه‌لك ته‌ماشه‌ی‌ تلڤزیۆن ناكات، به‌ ڕاستی‌ ئه‌وانه‌ی‌ كه‌ سه‌یری‌ كه‌ناله‌كوردیه‌كانیش ده‌كه‌ن به‌ دوودڵی‌ و بێ باوه‌ری‌ و بێ هه‌لویستیه‌وه‌ سه‌یری‌ ده‌كه‌ن. خاك و نه‌ته‌وه‌ و ئایین و سیاسه‌تی‌ كورد له‌یێكتر جیاكران، به‌ڵام ته‌نیا نه‌یانتوانی‌ ڕوحی‌ كورد له‌یه‌كتر جیابكه‌نه‌وه‌ كه‌ ئه‌ویش ئێستا تا ڕاده‌یه‌ك به‌ هیمه‌تی‌ ناسیاسیه‌كانی‌ به‌كرێگیراوی‌ كورد له‌ باشوری‌ كوردستان تا راده‌یه‌ك پێان كرا.
 ئێستا ده‌بێت ئه‌م له‌ڕوحدابڕانه‌ چاره‌سه‌ر بكرێت و به‌یه‌كه‌وه‌ ببه‌سترێته‌وه‌. كۆنگره‌ی‌ نه‌ته‌وه‌یی‌ ده‌بێت بڕیاری‌ فینالی‌ خۆی‌ بدات و ته‌واوی‌ لایه‌نه‌ كوردیه‌كان له‌یه‌كتر كۆبكاته‌وه‌ و چیتر هه‌رچی‌ كه‌س و لایه‌نێك كه‌ نه‌كه‌وته‌ ناو ئه‌م بازنه‌یه‌ ده‌بێت وه‌كو دوژمنێكی‌ سه‌رسه‌خت ته‌ماشه‌ بكرێت. گه‌ل له‌ حزبه‌كان و لایه‌نه‌كان دابڕاوه‌، ئه‌م حزبانه‌ به‌یه‌كجار به‌ره‌و به‌رژه‌وه‌ندی‌ په‌رستی‌ و ئۆپۆرتونیست و ڕانتخۆری‌ و توتالیتاریستی‌ وه‌ چووه‌، و چیتر هیچ كه‌سێكی‌ كوردیش ڕازی‌ نابێت كه‌ بتوانێت خۆی‌ بۆیان به‌كوشت بدات و له‌م ناوه‌وه‌ نه‌ته‌وایه‌تی‌ هیچ واتایه‌كی‌ نه‌ماوه‌. له‌كاتێك كه‌ هیچ دۆستێكمان له‌سه‌رانسه‌ری‌ جیهان نه‌بووه‌ و نیه‌، ئێمه‌ چۆن ده‌توانین ڕه‌وایه‌تی‌ به‌ ئه‌م حزبه‌ ڕانتخۆر و مافیایی‌ و گه‌نده‌لانه‌ بده‌ین كه‌ موسه‌ببی‌ ته‌واوی‌ نه‌هامه‌تیه‌كانی‌ گه‌لی‌ كورد هه‌ر خودی‌ ئه‌وانه‌ن. گه‌ل پێویستی‌ به‌ په‌روه‌رده‌یه‌كی‌ گشتی‌ نه‌ته‌وه‌یی‌ هه‌یه‌ له‌ژێر یه‌ك سیوان و له‌ژێر یێك چوارچێوه‌، كه‌ ئه‌ویش كونگره‌ی‌ نه‌ته‌وه‌یی‌ كوردستانه‌ و دامه‌زرندنی‌ له‌شكه‌رێكی‌ یێكگرتوی‌ هاوبه‌شه‌ كه‌ هیچ نه‌بێت له‌پێناو پارێزوانی‌ له‌ ناموس و شه‌رافه‌ت و خۆپاراستنی‌ گیانی‌ خودی‌ خۆی‌ و خێزان و گه‌له‌كه‌ی‌ دا له‌كاتی‌ پێویست تێكۆشان بكات. هه‌ر بێ هه‌لوێستیه‌ك به‌رامبه‌ر هێرشه‌ بێ ئه‌مانه‌كانی‌ تورك گه‌وره‌ترین شه‌رمه‌زاریه‌، به‌ڵام له‌وێ گه‌وره‌تر ئه‌مه‌یه‌:
هه‌موو كوردێك ده‌بێت بزانێت كه‌ ئێستا له‌سه‌رده‌مێك دا ژیان ده‌كات كه‌ گه‌وره‌پیاوی‌ فه‌لسه‌فه‌ی‌ دێرینی‌ مرۆڤایه‌تی‌ نزیكی‌ بیست ساڵه‌ به‌گۆشه‌گیركرنێكی‌ بێ وێنه‌ له‌ مێژوی‌ مرۆڤایه‌تی‌، له‌ پاییزی‌ ژیانیدایه‌ و جیهان كپه‌ و ئه‌ویش بێ هه‌لوێست. بێ گومان سه‌رده‌مانێك دێت كه‌ ئه‌م بێ هه‌لوێستیه‌ له‌لایه‌ن هه‌ر كوردێك بێت به‌ گه‌وره‌ترین شه‌رمه‌زاری‌ ئه‌م سه‌رده‌مه‌ ده‌بینرێت.


كه‌ش و هه‌وا

فەیسبووك