کوردی           عربی
تاكۆر زه‌رده‌شتی

ئايين و خايين دوو هێڤيێن داويێن ژناڤچوويا هێزا هه‌گه‌موون‌

 

چاوا كو خايين ل كێله‌ك ته‌ڤگه‌را گه‌لێ كورد مه‌زن بوون، هه‌روه‌سا ڤارێتى و به‌ر ب فحووشێ برنا ئايينى ژى پێش كه‌ت.

 پڕ ئاشكه‌رايه‌ كو بده‌ستێ زهنيه‌تا فاشيزم و تاكڕه‌ويا ڕژێما akp ژێر ناڤێ ئايين و چاندا مرۆڤاهيێ د كه‌سايه‌تا گه‌لێ كورد ده‌ مه‌زنترين تاوان لهه‌مبه‌ر ئايين و مرۆڤاهيێ گهيشتيه‌ لۆتكه‌يا هه‌رى بلندا ئاستا خوه‌ و ژێر ناڤێ خزمه‌تا دۆزا ڕه‌وايا گه‌لێ كورد ده‌ ژى بده‌ستێ تاكڕه‌ويا pdk خيانه‌تا نه‌ته‌وه‌يى گهيشتيه‌ ئاستا هه‌رى بلند د مێژوويێ ده‌.

ئه‌ڤ هنگاڤا مه‌زن و خورتا شه‌ڕێ مرۆڤاهيێ كو لهه‌مبه‌ر پێلێن فاشيزم و داگيركارى و بێ مافيا لهه‌مبه‌ر مرۆڤاهى و گه‌لێ كورد لڕاسه‌رى ته‌ڤ جيهانێ وه‌ك غه‌زه‌ب داشقتى و هه‌ر ئالى گرتيه‌ ژێر پرووسكێن ڕۆناكيێن خوه‌ يێ مانه‌وى و كايناتى و مرۆڤايه‌تى، بقاسه‌كێ بهێزه‌ كو نه‌دهێز و ئيراده‌يا تو هێزه‌كێ دايه‌ ژناڤ ببه‌ت، نه‌ژى ب هه‌موو هێزا خوه‌يا ته‌كنولۆجى و ڕاگهاندنى و شه‌ڕێ تايبه‌ت و ديماگوژى و له‌يستنا بناڤێ ئايين دكاريت ڕه‌شناڤ بكه‌ت. تنێ به‌خت ره‌شيا كوردان ئه‌وه‌ كو دوژمنان د ته‌ڤاهيا قۆناغێن مێژوويێ دا باوه‌ر كربوون كو يێ بكارن وان بۆ حه‌تاحه‌تا بێ ده‌نگ بكه‌ن و ڕۆناهيا مرۆڤاهيا خوه‌زايى بده‌نه‌ نخافتن. لێ د هه‌موو قۆناغێن مێژوويێ دا تاكه‌ هێڤى و ئۆمێدا دوژمنان ژى يان ئايين، يان بكار گرتنا كوردێن خايين و بێ ئيراده‌ بووه‌.

 لێ ئيرۆ ئێدى ئه‌شكه‌ره‌ بووه‌ كو حه‌تا ئاتۆم ژى نه‌د وێ هێزێ دايه‌ كو ڤێ ژناڤبرنێ بپێكێنيت. هه‌لبه‌ت هێزێن هه‌گه‌مون و داگيركاريێ ئه‌ڤ يه‌ك ژى باش دزانين كو شكه‌ستن يان شه‌ڕێ لهه‌مبه‌ر ڕۆناكى و مافداريا ڤێ هێزێ، ده‌رڤايى ژێر ناڤێ ڕۆناكيا بيردۆزيه‌ك ڕه‌وا د چاڤێ گه‌لاندا قه‌ت نه‌پێكانه‌، و وه‌ك تێ زانين دوژمنان د قۆناغێن مێژوويێ دا ژ ڤێ ڕاستيێ باش فێم كريه‌، له‌وره‌ ژى تمى ژێرناڤێ ئۆل و ئايين و ئه‌نفالان ڕه‌وايه‌تى به‌خشيه‌ ڤێ ژناڤبرنێ.
 لێ ئيرۆ ل ده‌مه‌كێ كو گه‌لێ كورد ب هه‌بوونا بيردۆزيه‌ك ڕێكخستى كو پڕ مه‌زنتر ژ قه‌واره‌يا پاشڤه‌ڕووتيا ئايينى يان نه‌ته‌وه‌يى د ساحا ناڤنه‌ته‌وه‌يى دا خوه‌ خستيه‌ به‌رچاڤ، ئێدى ڕێبازا شه‌ڕ لژێرناڤێ ئايين ژبۆ هزرا داگيركاريێ نه‌ڕێچاره‌يه‌.

زيهنيه‌ت و هێزا هه‌گه‌موونى و داگيركاريا توركێ فاشيست توجارى باوه‌ر نه‌كر كو هێزا مه‌زنا ڕۆناكا ماينده‌ قه‌ت نه‌هێزه‌ك ساناهى شكێنه‌ و د هه‌ر ڕه‌وشه‌كێ ده‌ سه‌رهلدێره‌. له‌وره‌ ژى تمى هه‌وڵێن خوه‌ بهه‌موو شێوازێن نامرۆڤانه‌ و دڕندانه‌ خستنه‌ گه‌ر. هه‌لبه‌ت ژى تاكه‌ هيڤيا مه‌زن و ب باندۆڕا هێزا هه‌گه‌موون ژ ڕوويێ نه‌چارى و داوى ڕێچاره‌ باڵێ خايينان بوويه‌. ئانكۆ ژ ڕوويێ نه‌چاريێ وه‌ج گرتنا ژ هنده‌ك پاريێن بچووك، ميناك پله‌ و پايه‌ و له‌زه‌تێن ده‌مكى و سه‌رخوه‌شكه‌ر لبه‌ر سينگێ هنده‌ك كوردێن بچووك بوون. مه‌زن كرن و ڕاگرتنا به‌ڵانسا هێزا وان كه‌سێن بچووك ژبۆ شكاندن و ژناڤبرنا كه‌سێن مه‌زن ل پێناڤا ژناڤبرن و قه‌لاندنا ڤێ ئيراده‌ و هه‌بوونا ماينده‌، وه‌ك ژى د سه‌لميت د مێژوويێ دا و لبه‌ر چاڤان ڕۆناكيا ڕئاليته‌، ب خوينا سۆرا ب جۆبار به‌رسڤا ڤێ حه‌قيقه‌تا ڕۆناك قيڕانديه‌، لێ لايه‌نێ كوردێن بچووك و ته‌ويايى و بێ ئيراده‌، كو ب پاريێ نه‌يار هار بوويين، ب توندى د هه‌ولا به‌رگريكرنا ژ وێ له‌زه‌تا سه‌رخوه‌شكه‌ر دانه‌ و به‌رهه‌ڤن هه‌ر نرخه‌كێ بكه‌ن قوربانى ڤێ له‌زه‌تێ و د گۆلا گه‌نيا خوه‌ده‌ بنخومن، كو وه‌كه‌ به‌رچاڤ دنخومن ژى. كو گه‌ركو ژ وێ هه‌موو پيسى و نه‌فره‌ت و سفكاتى و بێ ئيراده‌بوونا خوه‌ ژى نه‌نخومن، دوژمن يێ وان بده‌ نخوماندن. دوژمن بجاران ئه‌ڤ سۆزا خوه‌ بزار و زمان ژى قورانديه‌ و لسه‌ر وێ كۆك و ڕژده‌. نه‌زانێ سه‌رسه‌رى ل پێناڤا مسۆگه‌رتر كرنا گره‌نتيا وێ له‌زه‌تێ دكه‌ڤيته‌ ژێر وێ خزمه‌تێ حه‌تا كو دوژمن بكاريت هێز بگريت و ده‌ربێن خوه‌يێن گران ل ئيراده‌يا گه‌لێ كورد داوه‌شينيت. ئاليێن كوردێن ده‌ره‌به‌گ و ستاتۆپه‌رست و ده‌ستهلاتخواز، ب ترسۆنه‌كى و نه‌زانتى و چاڤ برچيبوون و دسه‌ر حالدا ژى خوه‌په‌رست، پڕ زێده‌تر ژ دوژمنان دوژمنتر و مه‌ترسيدارترن. دوژمنى بخوه‌ قه‌ت هێزا كو ژ خيانه‌تێ ده‌ردكه‌ڤيت نينه‌ و ڤێ باش دزانيت و ته‌جربانديه‌، له‌وره‌ بچوكان ژبۆ خوه‌ مه‌زن دكه‌ت و ددانيته‌ سه‌ر جاده‌ كۆلانان و لسه‌ر ڕێك و پران و دناڤا مێژى و ناخ و ناڤا لايه‌نێن دژبه‌رى خوه‌ و وه‌جه‌ك پڕ مه‌زن و ژبۆخوه‌ بكێر، بده‌ست دئينيت. هه‌ر ژبه‌ر ڤێ سه‌ده‌مێ كو ڤێ جارێ ته‌ڤگه‌را گه‌لێ كورد نه‌وه‌ك جاران بووه‌ و پڕ ببيردۆزى و هێز و ته‌ڤگه‌ره‌ك بێ ميناك ده‌ركه‌تيه‌ هۆلێ، له‌وره‌ باڵێ خيانتكاريه‌كه‌ مه‌زنتر و بهێزتر و ب باندۆرتر د ڤێ قۆناغا مێژوويى دا هاته‌ ڤه‌هاندن، كو دوژمن بخوه‌ ژى بجاران ئه‌ڤ ڕاستيه‌ بزمان ئانيه‌، ئانكۆ هه‌ڤپه‌يمانێن خوه‌ يێن كورد وه‌ك مه‌ترسيه‌كه‌ ديتر ل كێله‌ك مه‌ترسيا مه‌زن بناڤ كريه‌.

ئه‌ڤ راستيا گرنگ كو حه‌تا گه‌ركو جاش و چه‌ته‌ و خايينان، ژ ڕه‌وش و قۆناغا هه‌يى ب بيركرنه‌كه‌ كويربينانه‌ نێڕيبان و ژێ فێم كربان بێ گومان دكارين لگۆرى وێ سياسه‌ته‌ك ب ئيراده‌تر و بهێزتر و مه‌زنتر بسه‌ر وان هه‌ڤپه‌يمانێن خوه‌دا بده‌نه‌ مه‌شاندن، هه‌ڤپه‌يمانێن كو وه‌ك ئاغا و ئه‌ڕبابه‌كێ تمى لناڤا سه‌رێ وان دخن و دخنه‌ بيرا وان كو مه‌ ئوون مه‌زن كرنه‌ و ئوونێ ژێر ئيراده‌يا مه‌بن. لێ ئه‌وان لگۆرى كو ده‌وله‌تا فاشيستا تورك هه‌رده‌م لهه‌مبه‌ر كوردان ئه‌ڤ ڕێباز گرتيه‌ به‌ر كو وه‌كه‌ ژ وانڕه‌ بوويه‌ چانده‌ك دبێژن: (كوردێ هه‌رى باش، كوردێ مرى يه‌) يان: (چ جوداهى دنێڤبه‌را سه‌يێ سپى و سه‌يێ ڕه‌ش دا نينه‌) نموونه‌يێن ژ ميناكا "حه‌سه‌ن خه‌يرى به‌گ" ێ خايينێ مێژوويا كوردان د لاپه‌ڕێن ڕه‌شێن خيانه‌تا نه‌ته‌وه‌يى دا پڕ هه‌نه‌ كو هه‌رى داوى هاوار دكه‌ن و بانگا تفا ل گۆرا خوه‌ ل گه‌لێ خوه‌ دكه‌ن. له‌وره‌ ژى سه‌ره‌راى پێويستيا پڕ گرانا وان توركێن خايين ڤه‌هين ب سياسه‌تا ديبلۆماسيه‌تا دگه‌ل لايه‌نێن كوردى ژبۆ به‌ر چاڤێ جيهانێ و خاپاندنا ڕايا گشتى و هه‌م ژى د وارێ ستراتيژيه‌ت و هه‌ڤكاريێن گرێدايى ب ڤێ چه‌ندێ و هه‌م ژى ژ ئاليێ ئابۆرى ژێر گڤاشتنێن نه‌چاريا دۆستايه‌تيا دگه‌ل ده‌ستهه‌لاتدارێن باشوورن، لێ ديسان ژى وه‌ك ئاستا بێ ئيراده‌بوون و سه‌رڤه‌كى بوونا سياسه‌تێن pdk وه‌ج ژ ڤان ده‌ليڤان ژى نه‌هات گرتن و تا ئاسته‌كێ د ڤێ بباوه‌ربوونا ژ ده‌وله‌تا تورك و خوه‌ بيه‌كجارى ڕاسپارده‌كرنا بۆ ژێر ئيراده‌يا وان يا سياسى و ئابۆرى و ستراتيژى به‌ر ب پێشڤه‌ چۆن، كو دناڤدا كه‌تنه‌ ڕه‌وشا خه‌ندقينێ و ب چ ڕه‌نگان ناخوازن باوريێ ب ئيراده‌يه‌كه‌ سه‌ربخوه‌ بينن. هاوار و قێڕينا فاشيزما تورك لهه‌مبه‌ر هه‌ر ڕه‌نگێ ده‌سه‌ڵات و هه‌بوون و خوه‌بڕێڤه‌به‌رى و ئابۆريا سه‌ربخوه‌ و ئيراده‌يا سه‌ربخوه‌يا ژلايێ هه‌ر كورده‌كێ ل هه‌ر ئاليه‌كێ جيهانێ، ئه‌و ژى ب ئه‌شكه‌ره‌ و به‌رچاڤان د ڕه‌وشه‌كێ دايه‌ كو پێشه‌نگێن پارتيا بناڤ pdk يا كوردى ل باشورێ كوردستانێ بتايبه‌ت نێچيرڤان بارزانى به‌رامبه‌ر ئاكه‌په‌ و ئه‌ردۆغان، وه‌كه‌ هێڤى و ڕجا و لاوايا به‌ر ده‌ريێ ئاغا كو ڕه‌حمێ ب منده‌ ببه‌ و من ڤێ جارێ ژى عه‌فوو بكه‌، يان بپه‌ژرينه‌، يان بحه‌بينه‌، جودايى ڤێ كو ئاستا بێ سياسه‌تى و بێ كياسه‌تيا وان به‌رچاڤ دكه‌ت، مه‌زنترين حه‌قاره‌ت و سڤكاتيه‌ به‌رامبه‌ر ئيراده‌يا كورد كو ل چ سه‌رده‌مه‌كێ تا ڤێ ڕاده‌يا هه‌يى نه‌بووه‌. ل ده‌مه‌كێ كو ده‌وله‌تا تورك ب ئه‌شكه‌ره‌ مه‌زنترين دوژمن و خوينمێژێ مێژوويا دێرينا گه‌لێ كورده‌ و بتايبه‌ت د ڤێ سه‌دساڵا بهۆريده‌ مه‌زنترين تاوان و كۆمكوژى ده‌رحه‌قا گه‌لێ كورد ده‌ كريه‌ و د ڤان چه‌ند ده‌هكه‌ ساڵێن بهۆريده‌ ب هه‌ڤكارى و هه‌ڤده‌ستيا ڤێ بێ ئيراده‌تيا ده‌ستهه‌لاتا باشوور مه‌زنترين ده‌ربه‌ ل هێز و ئيراده‌يا گه‌لێ كورد دانه‌ و به‌رده‌وام گه‌لێ سڤيلێ باشورێ كوردستانێ دكه‌ته‌ ئارمانجا هێرشێن فڕۆكێن خوه‌يێن شه‌ركه‌ر و ژن و زارۆكێن كوردان پارچه‌پارچه‌ دكه‌ت و دخوينێ ده‌ لاشي وان يێ له‌تله‌ت بوويى دكه‌ته‌ شانوويا به‌رچاڤێ ڕايا گشتى، سه‌رۆك و ڕايه‌دارێن حكومه‌تا هه‌رێمێ بێ كو بچووكترين هه‌لويسته‌كێ لهه‌مبه‌ر ڤێ ڕه‌وشێ بده‌نه‌ ديار كرن، به‌ره‌ڤاژى وێ ب دژايه‌تيا خوه‌ دگه‌ل لايه‌نێ كوردى و ڕه‌وا كرنا هێرشێن داگيركه‌رانه‌يا توركيێ بۆ سه‌ر گه‌لێ مه‌زڵوومێ كورد د هه‌ولا به‌رده‌واميا هه‌ڤپه‌يمانيا خوه‌ دگه‌ل وێ فاشيزمێ دايه‌. نێچيرڤان بارزانى دچيته‌ توركيێ بۆكو به‌ژدارى ڕێوڕه‌سما سويندخوارنا ئه‌ردۆغان ل توركيێ ببيت، ئه‌و ژى ل ده‌مه‌كێ كو كه‌س و لايه‌نێن ل ئيراقێ بۆ به‌شداريا ڤێ مه‌راسيمێ هاتين بانگ كرن ناڤێ وان هاتينه‌ پارڤه‌كرن و قه‌ت ناڤێ ئاليه‌كێ ده‌ستهه‌لاتا باشوور تێدا نه‌هاتيه‌. بجاران ب شێوازێن سيسته‌ماتيك ب توندى هێرش و سڤكاتى دكه‌ساتيا بارزانيان و ژێر ناڤێ وان كو خوه‌ نوينه‌رێن كوردان دحه‌سبينن ل نه‌ته‌وا كورد دهێته‌ كرن. بێ گومان ئه‌ڤ حه‌قاره‌ت دچاڤێ توركيێ ده‌ ل گه‌لێ كورد دهێته‌ كرن و نه‌ك كه‌ساتيه‌كێ، و ئه‌رێ نێچيرڤان بارزانى ڤێ هه‌موو حه‌قاره‌تێ لسه‌ر چ بينگه‌ه دپه‌ژرينيت، يان ئه‌و براستى گه‌ر هه‌لگرێ ناسنامه‌يا گه‌لێ كورد بيت ئايا ڕه‌وا نينه‌ ئه‌و ژ ڤێ هه‌موو كێمكرن و حه‌قاره‌تا لسه‌ر ناڤێ گه‌لێ كورد، ژ پشتى ريفراندۆما كوردى و تا ئيرۆ ل وان دهێته‌ كرن بخوه‌ده‌ بچن؟! ئه‌رێ گه‌لێ كورد ڤان كارێن ده‌ستهه‌لاتدارێن باشوورێ كوردستانێ گه‌ر يان بێ ئيرادبوون، يان خيانه‌ته‌ك هه‌رى گران نابينيت، چ دبينيت؟! ئه‌رێ ئه‌ڤه‌ نه‌ داوى هاتنا هێزا خيانه‌تكاريێ ل كوردستانێ يه‌؟! ئه‌رێ ئه‌ردۆغان پشتى شكه‌ستنا د شه‌ڕێ ژێرناڤێ ئايين و شه‌ڕێ ب هه‌ڤكاريا باڵێ خايين، ب ڤێ بده‌ستگرتنا ده‌ستهه‌لاته‌ك ناڤه‌ندگه‌ريا تا سه‌ر هێسكان داگيركه‌رانه‌، په‌ياما ئێكگرتنا نه‌ته‌وه‌يى ناخينته‌ به‌ر گوهێ گه‌لێ كورد؟!


كه‌ش و هه‌وا

فەیسبووك