کوردی           عربی
مامۆستا ئیبراهیم

مێژوو دوبارە دەبێتەوە‌



لەدوای جەنگی جیهانی یەکەم دەوڵەتی عوسمانی کەدەسەڵاتێکی ئاینی مەزهەبی بوو .بەکۆمەڵێ هۆکار لاواز لاواز بوو بوو بەپیاوە نەخۆشەکە ناسرا بوو. یەکێک لەهۆکارەکانی ئەو لاوازیە گەندەڵی و تاڵانی سەرانی سوڵتان و 
بنەماڵەکانیان بوو. 

موستەفا کەمال کەئەفسەرێکی سوپای عوسمانی بوو. دژ بەم دەسەڵاتە بوو هەوڵی گۆڕینی دەدا. ئەم ئەفسەرە هاتە ناوچە کورد نشینەکان لەباکوری کوردستان. لەو ێ لەگەڵ سەرانی خێڵە کوردیەکان تێکەڵاوی پەیدا کردو داوای هاوکاری لێکردن. کەبەشدار بن لەگەڵی و یارمەتی بدەن بۆ ڕوخانی دەوڵەتی سەڵەتەنەتی عوسمانی. 

 بەڵێنی پێدان ئەگەر هاوکاری بکەن و سەرکەوتن بەدەست بهێنێت .لە حکومەتەکەیدا مافەکانی گەلی کورد دابین دەکات. 

 ئەوە بوو سەرا نی خێڵ کەوتنە داوی موستەفا کەمال. ئیتر ئەم ئەفسەرە دەستی کرد بە ڕێکخستنی سوپایەک لەخێڵە کوردەکان و سەربازو ئەفسەرە هەڵهاتووەکانی لەشکری عوسمانی. 

چەندین چالاکی سەربازیان دژی فەرەنسیەکان و یونانیەکان ئەنجام دا. ئیتر کەمال ناوبانگی دەرکرد. بووە کەسێکی دیارو بەرچاو لەناوچەکە دۆست و دوژمن حسابیان بۆ دەکرد .

 لەئەنجام دا خێڵە کوردەکانی کرد بەپەیژەی سەرکەوتنەکانی خۆی و دەسەڵاتی خەلافەتی ڕوخاند و کۆماری تورکیای نوێی عیلمانی لەسەر ستایلی ڕۆژئاوایی دامەزراند .

 لەسەرەتادا هەندێ کوردی بردە پەرلەمان. دوای ئەوەی تەواوپێگەی خۆی بەهێز کرد گەورە سەرەک خێڵ (حەسەن بەگ) ی بەتۆمەتی خیانەت لەسێ دارەدا .

 پاشان سەرجەم ڕاپەڕینەکانی خێڵەکوردیەکانی دامرکاند کەخوێناوی ترینیان سەرکوت کردنی ڕاپەڕینی سەید ڕەزای دێرسیمی بوولەساڵی ۱۹۳۷ کۆمەڵ کوژ کردنی دێرسیمیەکانی لێکەوتەوە. سەید ڕەزاو هاوەڵەکانی لەدار دران. 

ئێستا ئەردۆگان هەمان سیناریۆی موستەفا کەمال بەستایلی سوڵتانە عوسمانیەکان دوبارە دەکاتەوە.
 ئەیەوێت دەوڵەتێکی ئیخوانیزمی ئاینی مەزهەبی دامەزرێنێ. بەپشتیوانی خێڵە جاشەکانی باکور و جاشەکانی ئەنەکەسەو هێڵی خێڵەکی خیانەتی باشوور وحیزبە ئیسلامیە ئیخوانیەکان ی کوردستان و دنیا و گروپە تیرۆریستیە جیهادیە سەلەفیەکانی داعش و قاعیدەو هاوبیرەکانیان .

بەسوود وەرگرتن لەتەکنەلۆجیای ناتۆو پەیوەندیە بازرگانی و تەنازولەکانی بۆ ڕوسیا .چەندین شارو شارۆچکەو گوندی داگیرکردووە لە باکوری سوریاو ڕۆژئاڤای کوردستان. 
ئێستا دەیەوێت لەڕێگەی هێڵی خیانەت و پاشڤەڕۆی باشووری کوردستانەوە. چەندین شارو شارۆچکەی باکوری عێراق و باشوری کوردستان وەکو مو سڵ ،کەرکوک ، تەلەعفەر ، شەنگال ، مەخمور،پشدەر ،سلێمانی داگیر بکات.  ئامانجی ئەوەیە لەهەنگاوی یەکەم دا پەکەکە لە قەندیل و چیاکانی تری کوردستان تەسفیەبکات .

 چونکەپەکەکەو هاوبیرەکانی بەربەستی هەرەگەورەی بەردەم خەونە داگیرکاریەکانی ئەردۆگانی ئیخوانیزمی تیرۆریستە. 

بێگومان پەکەکە پارویەکی ئاسان نابێت بۆ فاشیزمی ئیخوانی. ئەگەرئەردۆگان خوانەخواستە خەونە کانی بێتە دی بەرلەهەرکەس هێڵی خیانەتیش هەریەکەو بەتۆمەتێک لە ناو دەبات. 

پاشان دەبێتەمەترسی لەسەرعێراق و سوریاو دەوڵەتانی کەنداو دەست وەردەداتە کاروباری ناوخۆی ئەو وڵاتانە هەروەک چۆن ئێستا هێزی سەربازی ڕەوانەی قەتەرکردووە. بێگومان لەگەڵ بەهێز بوونی زیاتری ئەردۆگان تەنانەت ئەبێتە مەترسی بۆسەر ئێران و بەرژەوەندیەکانی ئەمەریکاش لە ڕۆژهەڵاتی ناوەڕاست .

 بۆیەپێویستە بەرەیەکی هاوکاری و هەماهەنگی دژ بەخواست خەون و ئامانجەگڵاوەکانی ئەردۆگان پێک بهێنرێت و توشی شکستێکی گەورەی بکەن.


چەند وتارێکی تر

كه‌ش و هه‌وا

فەیسبووك