کوردی           عربی
مامۆستا ئیبراهیم

ئیرهابی فیکری و ئازاری جەسەدی‌



  فیکرو بیر کردنەوە یەکێکە لەوهۆکارە زۆر گرنگانەی کەدەبێتە هۆی گەشەو پێش کەوتنی کۆمەڵگە، مرۆڤی بیرکەرەوە. مرۆڤێکی هۆشیارو بەهەڵوێستە، پڕ ئیرادەیەو مۆڕاڵێکی بەرزی هەیە .حەق لەناحەق جیادەکاتەوه‌. دژ بەناحەق هەڵوێست وەردەگرێت .بۆیە بوونی کۆمەڵگەیەکی بیرکەرەوەو خاوەن فیکرو فەلسەفەیەکی مرۆڤ و ژینگەوزیندەوەران دۆست زۆر گرنگە. فیکرو بیرکردنەوەی دیموکراتیانە، بنەمای کۆمەڵگەیەکی تەندروست و ئەخلاقی و دیموکراتیە. کۆمەڵگەی ئازاد کۆمەڵگەیەکی خاوەن فیکره‌. ئەوەی لەباشووری کوردستان دەگوزەرێت، لە تیرۆر کردنی ڕۆژنامەنووس تۆقاندن و هەڕەشە و لێدان و سوکایەتی کردن بە نووسەرو ڕەخنەگران، ئیرهابی فیکری و جەسەدیە. 

 ئەوەی لەتورکیاو ڕۆژهەڵاتی ناوین ڕودەدات لەئیعدام و زیندانی کردنی سەدان هەزار مرۆڤی ڕەخنەگرو ڕۆژنامە نووس و نووسەرو چالاکی مەدەنی و سیاسی ئیرهابی فیکری و جەسەدیە. ئیرهابی فیکری و جەسەدی تاکە هۆکاری دەگەڕێتەوە بۆ نەبوونی سیستمێکی دیموکراتی ڕاستەقینە. بوونی سیستمی دکتاتۆری گەندەڵی دەسەڵاتخوازە.  ئەوەی دەسەڵاتە شمولی فاشستەکانی لەڕۆژهەڵاتی ناوین توشی شۆک کردووە فیکرو ئیرادەو مۆراڵە.
کۆڵ نەدانە لەخەبات و بەرخودانی خاوەن فیکرەکانە دژ بە ستەمکاران .کەئیرهابی فیکری و جەسەدی بەکاردەهێنن بۆمانەوەیان لەدەسەڵات و درێژەدان بەحوکمە ڕەشەکەیان .ئەوەی کۆمەڵگەی باشوری توشی شکست و داڕمان کردووە. هەزاران دزو چەتە ی ئافراندووە. لەژێر بەرگی کوردایەتی درۆیینە. نەبوونی فیکروفەلسەیەکە بۆژیان و مۆراڵ و  ئیرادە. نەبوونی سیستمێکی دیموکراتی ڕاستەقینەیە. دزو تاڵانچی مۆراڵ و فیکریان نیە. ئیرهابی فیکری و جەسەدیان هەیە.دژ بەمرۆڤی خاوەن فیکرو بیرکەرەوەن .ئەوان کۆمەڵگەی بێ فیکریان دەوێت.

 کۆمەڵگەی بێ فیکر و فەلسەفە تەمەڵ و نەخوێندەوارو بێ هەڵوێستە .دەسەڵاتی ستەمکارو دزو درۆزن. رۆڤی بێ فیکرو مۆراڵ دەستەمۆ دەخاتەوە .کۆمەڵگە هەڵ دەوەشێنێت . بەوشێوەیە گۆش و ئاراستەیان دەکات کەخزمەتی مانەوەی خۆیانی پێ بکات. بۆ ئەوەی لەئیرهابی فیکری و جەسەدی ڕزگارت بێت. پێویستە سزای بکەرانی بدەیت و دکتاتۆرە دزوچەتەکان تاڵانچیەکان لەدەسەڵات لابەریت. خۆیشت وەک تاک وەک کۆمەڵگە بکەیتە خاوەن فیکرو فەلسەفەیەکی دیموکراسی گشتگیر. خوێندنەوەی بەردەوام مرۆڤی ڕۆشنبیری خاوەن فیکر دەئافرێنێت. ئیرهابی فیکری و جەسەدی کۆڵی پێ نادات. دژ بە ستەمکاران و دکتاتۆرەکان لەخەبات بەردەوام دەبێت تالابردنیان لەدەسەڵات.


چەند وتارێکی تر

كه‌ش و هه‌وا

فەیسبووك