کوردی           عربی
مامۆستا ئیبراهیم

بەڕێەوەبەرێتی دیموکراتی لەباشووری کوردستان‌


 سیستمی سیاسیی لەهەرێمی باشووری کوردستان، سیستمێکی دەسەڵاتخوازی قۆرخکاری چەوسێنەرو ستەمکارە!  لە راستیدا ئەخلاقی دەسەڵاتخوازیی بۆخۆی رۆحێکی چەوسێنەرانەی هەیە. دژ بەئازادییەکانی کۆمەڵگەیە، جیاوازە لە خۆبەڕێوەبەری دیموکراتیانە. کەگەل  بۆخۆی دوور لەدەسەڵاتخوازیی بەرنامەو کاری خۆبەڕێوەبردن دادەنێت.

 بەبەشداری  بەشی هەرەزۆری گەل، هەریەکەو لەبوارێک دا. ئەم چەمکە   خزمەتگوزاری، ئازادیی و دیموکراتی و بەشداری و هاوبەشی و پێکەوەیی و هەرەوەزی بەبنەما دەگرێت. سیستم و دام و دەزگای خۆبەڕێوەبەری  دادەمەزرێت. بێ ئەوەی چاوچنۆکی دەسەڵات بخوڵقێت، هەموو کارەکان بەشێوەیەکی دیموکراتیانە بەڕێوەدەبرێت.

براگەورەو برابچوک و خۆپەرست و خۆبەزل زان و دکتاتۆر  قبوڵ ناکات. سیستمی  خۆبەڕێەوەبەری دیموکراتیانە، چارەسەری هەموو کێشەکانی باشوور دەکات، بەڵام لەئێستادا نوخبەی دەسەڵاتدار، وەها سیستمێک قبوڵ ناکەن. چونکە خێرو بێری ئێجگار گەورەی بۆ ئەو چینە، مشەخۆرو پێشێل کەری قانونە  فەراهەم کردووە. ئەوە گەلە دەبێت بیر بکاتەوەو بەرژەوەندییەکانی خۆی کەلەبنەڕەتا بەرژەوەندی گشتییە بپارێزێت. گۆڕینی سیستمی دەسەڵاتداری مشەومفتە خۆرو لۆپۆنیزم  بەخەباتی فکری و فەلسەفی و ئەخلاقی شۆڕگێڕانە دەبێیت.  تاوەرچەرخێت بۆ خۆبەڕێوەبردنی دیموکراتیانە، کە کەرامەتی مرۆڤ ئەپرێزێت. ئازادیی و دیموکراتی راستەقینە فەراهەم دەکات. پاراستنی ژینگەو سروشت و زیندەوەران، بە ئەرکی سەرشانی دەزانێت. تا گەلی باشوور لە و جۆرە لەدەسەڵاتی   گەندەخۆری خۆبەزل زانی ستەمکار خۆی رزگار نەکات.

هەمیشە خۆی و هەموو نەوەکانی ئاییندەش  لەقەیرانی  جۆراو جۆردا ژیان بەسەر دەبەن. دەسەڵاتێکی لەوچەشنە تەنها بە خۆبەڕێوەبردنی دیموکراتیانە دەتوانرێت کاریگەری  نەهێڵدرێت.  کەدەسەڵات خوازنیەئامانجی خزمەتکردن و گەشەپێدانی کۆمەڵگەیە .پاراستنیەتی لەهەموو کێشەو گرفتەکان، کەڕوو بەڕووی  دەبێتەوە. بەپێچەوانەوەسیتمی دەسەڵات خوازی باشوور.

خۆی خولقێنەری کێشەو گرفتی جۆراو جۆرە بۆگەل، بەڕووکەشی وا خۆی دەرئەخات،  کە بەهەندێ هەنگاو دەیەوێت کێشەکان چارەسەر بکات. بێگومان لەبنەڕەتا وەهانیەتێکی نییە، چونکە خودی ئەو دەسەڵاتە خۆی خولقێنەری هەموو کێشەو گرفتەکانە. ئیتر ئەوە دوو ئامانجی هەیە:  یەک، درێژەدانە بەمانەوەی دەسەڵاتە ناقانونییەکەی. دوو، هەڵخەڵەتانی گەلەو خۆڵ کردنە چاویانە. بۆیە تاکە رێگا دامەزراندنی خۆبەڕێوەبردنی دیموکراتیانەیە.

هاوشێوەی ئەوسیستمە خۆبەڕێەوەبەریەی لەرۆژئاڤاو باکووری سوریا دامەزراوە، سیستمێکە دورە لەدەسەڵاتخوازی، گەل خۆی ئەرکی بەڕێوەبردنی دیموکراتیانەی لەئەستۆیە. نەک نوخبەیەکی  خۆسەپێنی  ستەمکاری  دەسەڵاتخوازی بنەماڵەیی و خێڵەکی دواکەوتوو.


چەند وتارێکی تر

كه‌ش و هه‌وا

فەیسبووك