کوردی           عربی
مامۆستا ئیبراهیم

ِێبەر ئاپۆ لەچەند دێڕێكدا ‌


بەبڕوای من چۆن سۆقرات، ئەفلاگون،  ئەرستۆ لەفەیلەسوفە یەكەمەكانی یۆنانن. ئەوا فیكرو فەلسەفەی ڕێبەر ئاپۆ لەیەكەمین ئەو فكرو فەلسەفانەیە، كە بەشێوەیەكی وردی زانستی و عەقڵانی و فەلسەفی، دۆخی مۆدیرنیتەی سەرمایەداری ڕاڤە و ڕەخنە دەكات. ئەلتەرناتیڤی نەتەوەی دیموكرات و مودێرنیتەی دیموكراتی و كۆنفیدرالیزمی دیموكراتی ئەخاتە ڕوو .

 ئەونوسەرانەی پێیان وابوو سیستمی سەرمایەداری و لیبرالیزم كۆتا سیستمی مێژووە، هاوشێوەی فۆكۆ یاما پێویستە دوای ئاشكرا بونی فكرو فەلسەفەی ڕێبەر ئاپۆ، بەبۆچونەكانیاندا بچنەوە و بزانن كەمێژوو كۆتایی نەهاتووە.  فەلسەفەی ژیان بەشیوەیەكی مرۆڤانەتر دادەڕێژرێتەوە، ئەمجارەش لەلانكەی شارستانیەتەوە ڕۆژهەڵاتی ناوین، لەمیزۆپۆتامیاوە مرۆڤایەتی و ژینگە گرنگی پێ ئەدرێت. كەبەدەست مودێرنیتەی سەرمایەداری و دەوڵەت نەتەوە دیكتاتۆری و ئاینی و مەزهەبیەكانی ناوچەكە، بەرەو لەناوچون ئەچێت. 

ئەگەر  فكرو فەلسەفەی بەڕێز ئۆجالان   بەبنەما بگیرێت، لەزانكۆكانی دنیاو بایەخ و گرنگی  پێ بدریت و وەكو وانەیەكی فەلسەفی و زانستی بخرێتە بەرنامەی خوێندنەوە، ئەوا مرۆڤایەتی و ژینگە  لەو تەنگەژە قوڵانەی وەك چەوەسانەوەی ئابوری و سیاسی و تەندروستی و فەرهەنگی و كەلتوری و پیس بونی ژینگە ڕزگاری ئەبێت، بنەمای دەوڵەت نەتەوە هەڵئەتەكێت  و نەتەوەی دیموكرات جێگەی ئەگرێتەوە. ژن كەوەك كاڵا لەمودرنیتەی سەرمایەداری  لێی دەڕوانرێت  بازرگانی بەجەستەیەوە ئەكرێت، لەفەلەسەفەی ئۆجالان دا ڕێز لێگیراو ئەبێت، لەڕیزی پێشەوەدا ئەبێت لەهەموو بوارەكانی ژیان، لەچەوسانەوە ڕزگاری ئەبیت و مرۆڤەكان ئاسودەترو خۆشگوزەرانترو تەندروستتر ژیان ئەكەن. گۆی زەویش پارێزراوتر ئەبێت.

  ڕێبەر ئۆجالان زۆر بەڕوونی لەكتیبی كیشەی كوردو نەتەوەی دیموكراتیك ئەڵێت (لەسەردەمی مۆدێرنیتەی سەرمایەداریداگەورەەرین هەڕەشەی سەر دیموكراسی و خۆبەریوەبردنی دیموكراتیانە لەلایەن  دەوڵەت _نەتەوەوە دیت. زۆربەی دەوڵەت نەتەوەكان دەمامكی دیموكراسیان پۆشیوە, وشكترین ناوەندگەرایی ئاوادەكەن. مافی خۆبەریوەبردنی كۆمەڵگا لەبەین دەبەن. هەژمونگەرایی ئایدۆلۆژیی لیبرالیزم هەوڵدەدات ئەو سیفەتە دژی دیموكراسیەی دەوڵەت نەتەوە، وەك سەردەمی دیموكراسی دەرخواردی مرۆڤایەتی بدات) . لەدێڕێكی تردا ئەلیت (ئەگەرر هەژمونگەرایی دەولەت  و دەسەڵات نەسەپێنرێتت. هیچ كێشەیەكی كۆمەڵگا نیە دیموكراسی توانای چارەسەركردنی نەبێت).

بەوهیوایەی ئەم ڕێبەرە شۆرشگێڕو مەزنە ئازاد بكریت . لەدەرەوەی زیندان بژی. بۆ ئەوەی  مرۆڤایەتی وەكو سەردەمی سۆقرات شەرمەزار نەبێت . دوای زیاتر لە دوو هەزارساڵ دادگا یەكی تر دانراو بێ تاوانی سۆقراتی سەلماند بێ بەری كرد لەوتۆمەتەی ئارەستەی كرابوو. بەڕێز ئۆجالان  تەنها لەبەرداكۆكی كردنی  لەئازادی نەتەوەی كوردو گەلانی ناوچەكە . لەلایەن دەوڵەت نەتەوەی نادیموكرا تی  توركیاوە زیندانی كراو، بەهاوكاری دەوڵەت نەتەوەكانی بەشدار لەپرۆسەی نائەخلاقی و بەدناوی گەلەكۆمەكێ دەستگیریان كرد. ڕێبەر ئاپۆ ئیستا ڕۆژەكانی ژیانی لەزیندانی تاكە كە سی  لەدورگەی ئیمرالی بەسەر ئەبات. بێگومان هەروەك قانعی مەزن ئەڵیت.(گەرچی دوژمن وائەزانێت من بەدیلی لاڵ ئەبم ,باش بزانێ كونجی زیندانم قوتابیخانەیە .بیری ئازادیم لەزیندانا فراوانتر ئە بیت .قوڕ بەسەر ئەو دۆژمنەی هیوای بەبەندیخانەیە  ) .بیری ڕێبە ئاپۆ  لەزیندانافراوانتر بوو  .قوڕبەسەر ئەوفاشستە توركەی هیوای بەبەندیخانەیە.


چەند وتارێکی تر

كه‌ش و هه‌وا

فەیسبووك