کوردی           عربی
عادل عوسمان

ڕاستینەی تێکۆشان‌


تێکۆشانی گەلی کورد لە دوڕیانی چارەنوسسازدایە، بەئاراستەی سەرکەوتن وژێرکەوتن.
سیاسەتی نەتەوەی دیموکرات وپێکەوەژیانی گەلان، ناوچەکەی خستوەتە ژێرکاریگەری خۆی وتێکۆشانی گەلی کوردی بەدوو ئاراستەدا دابەشکردوە.
هەوڵی هێڵی داگیرکەروگرێدراوەکانیان وهێڵی تێکۆشانی ئازادی کەگەلی کوردی ئازاد سەرکێشی دەکات.هێرشەکانی سەرعەفرین کەتەنگاوی دەوڵەتی تورکیای ئەردۆغانی پێوەیە، کەشۆڕشی گۆڕینی هزرو سیستەمی دیموکراسیە. وای لە دونیای داگیرکەرانی کوردستان وهێڵەگرێدراوەکانیان کردوە، کە بۆمانەوەی خۆیان لەبەرامبەر دیموکراتیزەکردنی ناوچەدا بێنەپاڵ یەک و هەرشت بدەن لەپێناوی مانەوەدا.
هێڵی داگیرکەرو گرێدراوانیان، ڕێگەیەکیان هەڵبژاردوە، کەبەناوی کوردایەتی وپارێزگاری لەهەرێمی کوردستانی دروستکراوی دەستی داگیرکەران، بەرگری لەداگیرکەر بکەن وبکەونە بەرامبەر گەلی کورد. هێڵی بەکرێگیراوان کوردێکی کۆیلەی گرێدراو بەداگیرکەرو چەمکی داگیرکاریەوە خوڵقاندوە، کەتواناو هێزی پرسیارو بیرکردنەوەی نیەو خۆی داوەتە دەست کۆمەڵێک کاڵفامی کۆیلە، کەهەرشت لەپێناوی مانەوەی خۆی وداگیرکەردا پێشکەش دەکات. بەڵام لەبەرامبەر گەلی خۆو ژیانی ئازاددا وەک ماری بریندار دژبەرو پەلاماردەری داخوازو داواکاریەکانیانن.
ئەوهێڵە بێباک وبێدەربەست بەژیانی گشتی و ئاسودەیی کۆمەڵایەتی، ژیاندەکات وخۆی بەبەشێک لەکۆمەڵگەی باشور نازانێت. مەرگی تاکەکانی کۆمەڵگەو خۆسوتاندنی ژنان وخۆخنکانی باوکانی بێ پارەی نان ئاوەری خێزان وکوشتنە نادیارەکان، نەک تۆزێک ڕای ناچڵەکێنێت، بەڵکو منەتی دابینکردنی ژیانێکی شایستە بۆکۆیلەکانی دەداتەوە بەناوچەوانی کۆمەڵگەدا.
ئەودەسەڵاتە گرێدراوە، ژیانی خۆی بەستوەتەوە بەمانەوەی هێڵی داگیرکاری لەکوردستاندا.لەجیاتی ئەوەی بکەوێتە خزمەتی کۆمەڵگەو ئەو ڕەنج وئازارەی ئەم کۆمەڵگە ساڕێژبکات وببێتە بەشێک لەتێکۆشانی گەل، کەوتوەتە بەرامبەر تێکۆشان وڕەنجی گەل.
هێڵی دوەمی تێکۆشانی ئازادی، کەخۆی لەپەروەردەو ڕێکخستنی کۆمەڵگەدا ئەرکدارکردوەو بۆخۆی بەشێکە لەتێکۆشانی گشتی، داگیرکەرانی تەنگاوکردوەوهێڵی دەستەمۆی ناوخۆشی تووشی پارچەبون وبەرتەسک بوون کردوە، ئەوهێڵە بەگۆڕینی هزرو فکری کۆمەڵگە ڕۆحیەتی بەرخۆدان وبەردەوامی تێکۆشانی کردوەتە ناسنامەی کورد وکوردێکی ئازادی بنیاتناوە، کەجگەلە تێکۆشان وسەرکەوتن وژیانی ئازاد هیچی تر ناناسێت.
بۆیە ئەوەی هێرشی سەرعەفرین توانیی یەکلایی بکاتەوە، پابەندی وڕاستگۆیی بەرخۆدان وخاوەن دەرکەوتنە لەو ڕەنج وتێکۆشانەی کە گەلی کورد بۆدیموکراتیزەکردنی ناوخۆو ناوچەکەی داوە.
خاوەن دەرکەوتن لەتێکۆشانی ئازادی منەت وخۆسەپاندنی ناوێت. ئەوەی لەباشوری کوردستان دەگوزەرێت. خاوەن دەرنەکەوتنە لەو ڕەنج وقوربانیە. لەم کاتەدا کەهێرشی هۆڤانەی دەوڵەتی تورک بۆسەر ڕۆژئاواو عەفرین هەیە، دەبوایەت لەباشوری کوردستان ئێستە قیامەت هەستایەت.گەلی باشور دڵ وهەستی لەگەڵ شەڕڤانان لێدەدات وبەشداری کاریگەری لەتێکۆشانی ئازادیدا هەیە.
بەڵام ئەوستاتۆ سیاسیەی کە دەسەڵاتی بەدەستە، کۆمەڵگەیەکی خوڵقاندوە کەتوانای پێناسەکردن وپشتگیری کردنی ڕاستەوخۆی نیە. ئەو دەسەڵاتە لەجیاتی ئەوەی خزمەتی پشتگیری کۆمەڵگە بکات بۆبەرخۆدانی عەفرین دەکەوێتە بەرامبەری. دەبوایەت ئێستە ڕێگری لەهێرشی فڕۆکەجەنگیەکانی تورکیابکرایەت، داوای چونەدەرەوەی سوپاو هەڵگرتنی بارەگاو سیخوڕیەکان وبنکەسەربازیەکان بکرایەت، دەبوایەت سنورەداخراوەکان واڵابکرانایەت. گەلیش چونکە خاوەنی دەزگا وسازیە خۆبەڕێوەبەریەکانی نیە، توانای تێپەڕاندنی ئەو سیستەمەداگیرکاری ودەسەڵاتە بەکرێگیراوەی نیە.
بۆیە پێویستە گەل بەڕۆحی بەرخۆدان وهزری تێکۆشانی ئازادی ڕۆژئاوا خۆی بەڕێکخستن بکات وئەو هەلومەرجە لەبەریەک هەڵوەشێنێت. بۆیە ڕاستگۆیی هەر بەش ولایەنێک بەوەستانەوەو هەڵوەشانەوەی ئەو ستاتۆداگیرکاریەو بەرگری کرداری لە عەفرین و شۆڕشی ڕۆژئاوا دەکرێت ودەناسرێت.
گیانی نەتەوەیی و بەرگری لەدەسکەوتی گەل ئەرک وفەرمانە، بۆیە پێویستە پابەندی ئەو فەرمانەی گەل وخوێنی شەهیدان بین.
مەرجی شکانی هێرشی داگیرکەران بەجێکردنی یەکیەتی نەتەوەیی وپێکەوەژیانی گەلان ودروستکردنی کوردی ئازادو خاوەن لەدەسکەوتەکان دەرکەوتنە.


چەند وتارێکی تر

كه‌ش و هه‌وا

فەیسبووك