کوردی           عربی
عادل عوسمان

ئێمەو ئەوان‌


بیست وحەوت ساڵ تەمەنی دەسەڵات لەباشوردا، کارێکی وایکرد کەخۆی بخاتە جێگەی گەلی کوردو گەلیش بێباکانەو بە متمانە بەودەسەڵاتە خۆی تەسلیمی ئەو دەسەڵاتەکرد. بێئاگا لەوەی کەئەم دەسەڵاتە بەشوێن چیەوەیەو خەریکی چیە؟ 
دەسەڵات بەشوێن قۆرخکاری وخۆدەوڵەمەندکردن و خاک وگەل فرۆشیە. ئەوەی دەیکات گرێدراوی وپارچە بوونی ناوماڵی نەتەوەو گەلی کوردو ناوچەکەیە. کار بۆ بێئیرادەکردن وتێکشکاندنی ئازادی تاک وکۆمەڵگە، بەهێرش بۆسەر ماف وئازادیەکانی کۆمەڵگەو دروستکردنی هەلومەرجێک بۆ دزی وگەندەڵی وئاسایی نیشاندانی خیانەت وخۆفرۆشی وگرێدراوی بەداگیرکەرانەوە. دژایەتی خەباتی پارچەکانی ترو لێدانی حیزبەکانیان وکوشتنی سەرکردەو کادرو پێشمەرگەو گرتنیان وتەسلیم کردنەوەیان بەدەوڵەتە داگیرکەرەکەی پارچەکەی خۆیان.
درستکردنی چینێکی مشەخۆری گرێدراو بەخۆیەوە لەپێناوی ژیانێکی هەرزاندا. کەهیچ بەهایەکی ئەخلاقی ومرۆیی نەناسێت. میکرۆبێک جگە لە گەورەکەی خۆی و گیرفانە بەتاڵەکەی خۆی هیچی دی ناناسێت. بۆیە ئەوەی ئەو دەسەڵاتە پەنجا کەسیەی کەزۆر لەحیزب ولایەنەکانی تر کەناوی دێنن( لەڕاستیدا وانیە سیستەمە) دەپارێزن بەشی زۆریان ئەو مشەخۆرانەن کەخاڵین لەبەها کۆمەڵایەتیەکان.
بەشێکی کەیان ڕاگەیاندنە حیزبی وسەربەخۆکانن، کەڕوداوی هێرشی مشەخۆرەکان گەورە دەکەن وترس وبیم لەناوخەڵکدا دەچێنن. ڕوخساری کۆمەڵگە ئەو مشەخۆرو دەسەڵاتە نیە کەگەورە نیشاندەدرێت.ئەو پیاوو ژن وگەنجانەی بەجوانترین شێوە پێناسی باری شلوق وڕێگەچارەی کێشەکانیان دادەنا، لایەنی گرنگی کۆمەڵگەیە، کەئەوە دەتوانێت کۆتایی هەموو فاشیزم دیکتاتۆرو مشەخۆرانی دەوروبەری ڕاگەیەنێت.
هاتنە مەیدانی ئەمجاری خەڵک وبەتایبەت ژنان، ئەوپەیامەی دایە سیستەمی دەسەڵات کەچیدی خاپاندن، دابەشبوون بەسەر دەسەڵات و ئۆپۆزیسیۆنی ساختەو کۆمەڵگەی مەدەنی بەکرێگیراو دادی مانەوە نادات. دووڕێگە دیاریکرا؛
یەکەم: یان تەسلیم بوون بەداخوازی خەڵک وئاڵوگۆڕی دیموکراتیکانەی کۆمەڵگەو دەسەڵات.
دووەم: یان ڕاپەڕین و وەلانانی دەسەڵاتی بەکرێگیراو.
وتنەوەی دروشمەکانی بابچن کەرکوک، شەنگاڵ وخاکی کوردستان بپارێزن، پڕواتایەو کۆمەڵگە لەدوڕیانی خاوەنداریە لەبەها ئەخلاقی ومرۆییەکانی خۆی. 
نیشاندان وڕێکخستەکردنی ئەو بەها ئەخلاقی وخاوەنداریە، ئەرکی هەرهێزێک وڕاگەیاندنێکی کۆمەڵگەیی وسیاسی وبەدەربەستە. چونکە ئەو کۆمەڵگە بێ بەهای ئەخلاقی نیە، ئەگەر سەردەمێک بەهۆی متمانەی بەو کوردایەتیە درۆینەی حیزبەکان وبەهەڵای ڕاگەیاندنی ساختە بێدەربەستی خۆیی نیشاندەدا، مانای وازهێنانی نیە لەبەهاکانی. بەهای کۆمەڵگەی کوردستان، خاوەنداری لەیەک و پێکەوەبون وچارەسەری گرفتەکان وهاوکاری یەکدیە، ئەو بەهایانە بەئاسانی تێکناشکێن. بۆیە ئەمڕۆ کۆمەڵگەی ئەخلاقی وبەها جوانەکانی مرۆڤ لەو خۆپیشاندانانەدا خۆی نمایش کردو چیدی بە پرژوبڵاوی نامێنێتەوە.
کۆمەڵگە چیدی چاوەڕوانی بێچارەیی ئۆپۆزیسیۆنی ساختە ناکات کەوەک توتی ناشرینیەکانی دەسەڵات ودزوگەندەڵان نیشانبدات،وەک ئەوەی بڵێت؛ ئەوە ئێمەین ودەیدزین وپەخشانی دەکەین وچاریشی ناکەین! 
بۆیە ئەمجارە هێزی کۆمەڵگە بۆشکڵ گرتنی چارەسەری لەمەیدانەو پێویستە خۆی بەڕێکخستن بکات، لەگەڕەکەکان لەڕشتەکان لەشارو شارۆچکەکان، دەزگاوسازیە بەڕێوەبەری وئیداریەکانی ئامادەبکات.پێویستە لەسەر بنچینەی ئازادی وبەشداری ڕاستەوخۆ لەبەڕێوەبەری وئابوری وکۆمەڵایەتیدا خۆی ڕێکخستەبکات. هەر ڕشتەو سازیەک خۆی ئامادەبکات بۆبەڕێوەبردن وکۆکردنەوەی داهات ودابەشکردنەوەی بەسەر ڕشتەکەی وزیادەکەشی بداتە ئەو ڕشتانەی کەکەمداهاتن. بەوە دەستی دەسەڵات لە ئابوری و دارایی قوت دەکرێت وسەرچاوەی مشەخۆری و مانەوەی دەسەڵات نامێنێت.
هەلومەرجی ئەمڕۆ وک دوێنێ نیە ئاڵوگۆڕەکان خێراو شکانی داگیرکەرانی کوردستان نزیکە بۆیە باشوری کوردستانیش بەشی شێری بەردەکەوێت لەوتێکۆشانەداو پێیستە بۆشکاندنی ئەو متمانەیەو خراپ بەکارهێنانی لەلایەن دەسەڵاتدارانەوە لەمەیداندا بێت وخاوەن لەبەها جوانە مرۆڤایەتیەکانی دەرکەوێت وەک چۆن دەرکەوتوە هەمیشە لەمەیداندا بوە.
تێکەڵ بوونی خوێنی ڕۆڵەکانی باشور لەئامەدو کۆبانی وعەفرین ئەوخاوەنداریە پڕ بەهایەیە. بۆیە دەبێت هەمان ڕۆحیەتی بەرخۆدان وبەرگری عەفرین لەدەسکەوتەکانی باشور بکەین وبەهێڵین بکەوێتە خزمەتی داگیرکەرو ئەمێژوە بەسەر کۆیلەکانی داگیرکەرانی کوردستاندا قڵپ بکەینەوە. مێژوی تێکۆشان سەرلەنوێ ولەسەرڕێی مرۆڤی کوردی ئازاد وبەهادار بنوسینەوە.



چەند وتارێکی تر

كه‌ش و هه‌وا

فەیسبووك