کوردی           عربی
عادل عوسمان

لەپشتم بە باخزمەتت بکەم‌


گەلی کورد دوچاری داگیرکاری و شەڕێکی سەپێنراو کراوە، کەجگەلەداگیرکردنی خاک ونیشتیمانی، دوچاری لەناوبردنی جەستەیی وکەسێتیش کراوەتەوە.
دەوڵەتانی داگیرکەری کوردستان، بەپێی هەلومەرجی شەڕی سەپێنراو خۆیان سازوئامادەکردوە. لەوپێناوەدا هەرشت پێویست بێت دەیکەن وکردویانە. هێرشی لەناوبردن، کوشتار، سڕینەوە، برسیکردن، گرێدراوکردن بەخۆوە، هەڵکەندن لەشوێنی ژیان وئاوارەکردن، شکانی کەسێتی وسڕینەوەی زهنی کورد بون، بڵاوکردنەوەی بێ ئیرادەی وشکانی ناسینی هێزی خۆ. دروستکردنی جەوی خەفەقانودیکتاتۆریەت وفاشیزم، دروستکردنی هێزی گرێدراو بەدەوڵەتانی سەردەست. لەپێناوی شکاندنی ئیرادەی گەلی کورد.
گەلێکیان بار هێناوە بەپێی کلتورو پێناسی کوردی کۆیلەو گوێڕایەڵ، لەدەری کایەو نەخشەی خۆیان کوردێکی کە قبوڵناکەن.
کوردی کۆیلەش تائەویا قبوڵە کەکوردی ئازاد بونی هەیەو لەتێکۆشاندایە ئەگینا ئەویش قبوڵ نەبوو.بەپێی پێویستی ئەوشەڕە داگیرکەران سازوئامادەن.
ئەوەی دەکرێ سەرنجی بخەینەسەر ناوماڵی کوردو تێکۆشانەکەیەتی، کەبەپێی ئەوشەڕە پێویستە ڕێکبخرێت وسازوئامادە بێت.داگیرکەرانی کوردستان هەمیشە لەسەر پارچەکردن وبێ ئیرادەکردن و بێهیواکردنی گەلی کورد کاردەکەن وتوانیویانە مێژووی کوردی کۆیلە و پارچە بوو دروست بکەن، کەهەمیشە بەگژیەکدا بچن وسیاسەتی پارچەکردنی داگیرکەر جێبەجێبکەن.
هەلومەرجی داگیرکراوی گەلی کوردیش گرێدراوی نەخشەی داڕێژراوی جیهانیە، بۆیە هێزە جیهانیەکانیش پەیوەنددار دەکات.
گەشەی هێڵی تێکۆشانی ئازادی وکاریگەری تێکۆشانی پەکەکەو پاراستنی گەلی کوردلەسەر دەستی گەڕیلاکانی ئازادی، هاوکێشەکانی گۆڕیوەو دەوڵەتانی داگیرکەری کوردستانی ناچاری قبوڵکردنی کوردی کۆیلە کردوە. بۆیە کوردایەتی درۆینە بوەتە ئەوهێزەی کەلەباشوری کوردستاندا، خۆی لەدەسەڵاتدا بەڕێکخستندا بکات و سازیەکانی خۆی دامەزرێنێت. هەر سەردەمێک وماوە ماوە بەناوی هەڵبژاردن ودیموکراتیەوە بکەونە خاپاندنی خەڵک وهێڵی کوردی کۆیلە تۆختر بکەنەوەو لەبەرامبەر ئیرادەی گەلدا بێهیوایی گەشە پێبدەن.
کوردی ئازاد بوەتە ناسنامەی تێکۆشانی گەلی کوردو گەلانی ناوچە، بۆیە ئەم کوردە ئازادە بەپێی شەڕی شۆڕشگێڕی خۆی سازو ئامادە کردوەو لەهەرمەیدانێکدا ڕۆژانە بەرەوپێشچون بەجێدەکات.دەوڵەتانی داگیرکەری توشی تێکچون وپارچە بوون کردوەو هێزی بەگەلانی ناوچەو هێزەدیموکراسی خوازەکان داوە.
لەبەرامبەر ئەم تێکۆشانە ئازادەدا، هێڵی بەکرێگیراوی هەرچی زیاتر خۆی گرێدراوی داگیرکەران دەکات. هۆکەشی دەسەڵاتخوازی ومانەوەیە لەدەسکەوتی هەرزان وبێ بەهادا، بۆیە کەوتوەتە بەرامبەر گەل و بەرگریکردن لەخۆی بەزمانی ئاگروئاسن. ئەم بەرگری لەخۆکردنە فاشیزمێکی ترسناکی بەسەرکۆمەڵگادا فەرزکردوە، کەکۆمەڵگا بەزۆر ڕێ وڕێبازی جیاواز لەهەوڵی سڕینەوەو بێکاریگەر کردنیدایە.
کەلێنی گەورە کەوتوەتە ناوماڵی داگیرکەران وهێزە دەسەڵاتدارەکانی باشوریشی پارچەو بچوک و سوککردوە. بۆدەرباز بوون لەو خراپیانە پێویستە هێزەکوردیەکان لەسەنگەری داگیرکەر بێنەدەرەوەو پەیوەستی خزمەت وئیرادەی گەل ببن.
دەوڵەتە هەژمونگەراکانی جیهانیش لەسەرڕێی ئاڵوگۆڕی دەوڵەتانی ناوچەن، بەتایبەت تورکیاو ئێران.دەیانەوێت ڕۆژهەڵاتی ناوەڕاست بەپێی بەرژەوەندیەکانی خۆیان داڕێژنەوە. بۆیە دوو دەوڵەتی تورکیاو ئێران سەرکێشی دژایەتی ئەو ئاڵوگۆڕەن وعیراق وباشوری کوردستانیان کردوەتە پێشی بەرەی شەڕو ڕوبەڕوبونەوەی هێزە جیهانیەکان.
بۆیە سوتەمەنی ئەوشەڕە گەلی کوردو گەلانی ناوچەن، کەپێویستە بەریان پێبگیرێت. ئەویش لەڕێی بەهێزکردنی سیاسەتی دیموکراتیک وپێکەوەژیانی گەلان و خۆبەڕێوەبەریەکان. لێرەوە دەتوانین دەستی داگیرکەران وهێزە ناوخۆییە دەسەڵاتدارەکان ببڕین وچارەسەری پێشبخەین.

چەند وتارێکی تر

كه‌ش و هه‌وا

فەیسبووك